⚖️ Юстиция министринин орун басары Алмазбек Зарылбек уулунун жетекчилигинин астында Министрликтин ведомстволук бөлүмдөрүнүн жана КРнын Башкы прокуратурасынын алдындагы "Укук" МИнын өкүлдөрү менен жумушчу жолугушуу болуп өттү.

👉🏻 Катышуучулар алдыдагы "Санариптик сот адилеттиги" форумуна карата Кыргыз Республикасынын Юстиция министрлигинин 7 автоматташтырылган маалыматтык тутуму боюнча даярдалган маалыматтык материалдарды талкуулашты.

🖥 Бүгүнкү күндө юстиция тутумунда 11 АМТ иштелип чыгууда, анын ичинен 5 АМТ колдонулуп жатат: "Пробация" АМТ, "Электрондук нотариат" АМТ, "Юридикалык жактарды каттоо" АМТ, Ченемдик укуктук актылар боюнча маалымат базасы, ошондой эле "ЖАТ" АМТ (Жазаларды аткаруу кызматы) сыноо стадиясында иштеп жатат.

Форумду өткөрүүнүн алдын ала датасы 2022-жылдын ноябрь айынын биринчи декадасына белгиленген.