MKM

🏠 Алҳамдулиллоҳ! Акнун тавассути МКМ барои худ манзил ёфта метавонед!

Бародарону хоҳарони азиз, медонем, ки дар муҳоҷират ёфтани хонаи муносиб осон нест. Барои ҳамин дар МКМ бахши «Жильё» — «Манзил» фаъол шуд, то ҷустуҷӯи хона бароятон осонтар шавад. 🤝

Аммо як хоҳиши бародарона дорем: пули бо меҳнат ёфтаатонро эҳтиёт кунед!

❗ Ба шахсони ношинос барои «банд кардани хона» пешакӣ пул нафиристед. Ба гапи «ҳозир пул фиристед, вагарна хонаро каси дигар мегирад» дода нашавед.

✅ Аввал хонаро рафта, худатон бинед.
✅ Ҳуҷҷатҳои иҷорадиҳанда ва ҳаққи ба иҷора додани хонаро санҷед.
✅ Шартномаро хонед ва ҳамаи пардохтҳоро аниқ кунед.
✅ Ҳангоми имзои шартнома ва гирифтани калид пулро супоред. Тасдиқи пардохтро нигоҳ доред.

Эълон дар МКМ худ аз худ кафолати боэътимод будани иҷорадиҳанда нест. Агар мустақилона ба касе пешакӣ пул фиристед, мо баргардонидани он маблағро кафолат дода наметавонем.

Кумак лозим аст ё шубҳа доред? Пеш аз фиристодани пул ба мо нависед. Мо дар канори шумоем! ❤️

Аллоҳ шуморо аз фиреб ҳифз кунад ва ба хонадонатон баракат диҳад! 🤲

📲 mkmgo.ru → бахши «Жильё»

💈 БАРБЕРШОП МЕКУШОЕМ. ҚАДАМИ 2 — ИНТИХОБИ ҶОЙ

Бародар, тасаввур кун: барои таъмир пул сарф кардӣ, курсиҳо харидӣ, устоҳоро ба кор гирифтӣ. Ҳама чиз тайёр, аммо мизоҷ нест.

Иҷора бошад, ҳар моҳ пул мехоҳад.

Барои ҳамин, танҳо аз рӯйи зебоии ҷой ё арзон будани иҷора қарор нагир. Пеш аз додани пешпардохт ин чизҳоро санҷ 👇

📍 1. Мизоҷ аз куҷо меояд?

Саҳар, рӯзона ва бегоҳ ба ҳамон маҳалла рафта бин. Дар он ҷо кӣ зиндагӣ мекунад, кӣ кор мекунад? Даромадгоҳи ту аз кӯча намоён аст? Ба он ҷо омадан осон аст?

Ба барбершопҳои наздик ҳам сар зан. Нархҳояшон чӣ хеланд? Мизоҷ доранд? Баъд аз худат пурс: «Одам барои чӣ бояд маҳз назди ман биёяд?»

🚿 2. Ин ҷой барои барбершоп мувофиқ аст?

Об, канализатсия, ҳавокашӣ ва барқро пешакӣ санҷ. Ҷойи шустани сар куҷо мешавад? Курсиҳоро дар куҷо мегузорӣ? Барои кори устоҳо ва интизории мизоҷон ҷой мерасад?

Бародар, ҳамроҳат як мутахассисро бар. Камбудиро пеш аз таъмир фаҳмидан беҳтар аст. Баъди таъмир ҳама чизро аз нав кардан ҳам гарон меафтад, ҳам асабатро мехӯрад.

💰 3. Ҳамаи хароҷотро пешакӣ ҳисоб кун

Маблағи гарав, иҷора, таъмир, таҷҳизот, асбобҳо ва лавҳаи берунӣ — ҳамаро навису ҷамъ кун.

Барои моҳҳои аввали кор ҳам захира мон. Агар тамоми пулат ба таъмир равад, баъди кушодан хароҷотро аз куҷо мепӯшонӣ?

🔑 4. Камаш 3 моҳ озод будан аз ҳаққи иҷораро хоҳиш кун

То ту ҷойро таъмир карда, барои кор омода мекунӣ, пул сарф мешавад, вале ҳоло даромад надорӣ. Бо соҳиби бино рӯирост гап зан:

«Ман барои таъмиру омода кардани ин ҷой аз ҳисоби худам маблағ мегузорам. Хоҳиш мекунам, камаш се моҳ ҳаққи иҷора нагиред, то таъмирро тамом карда, корро ба роҳ монам».

Ин шартро бояд бо соҳибмулк мувофиқа кунӣ. Агар розӣ шуд, муҳлати дақиқашро дар шартнома нависед. Алоҳида муайян кунед, ки дар ин давра пули обу барқ ва дигар пардохтҳоро кӣ медиҳад.

📝 5. Гапҳои муҳимро дар шартнома нависед

Метавонӣ лавҳа насб кунӣ? Барои тағйир додани дохили бино иҷозат ҳаст? Агар қубур ё ноқилҳо вайрон шаванд, хароҷот ба зиммаи кист? Ҳаққи иҷора кай ва бо кадом шарт зиёд мешавад? Агар кор пеш наравад, чӣ тавр шартномаро қатъ мекунӣ?

Ин саволҳоро ба «баъд мебинем» нагузор. Пеш аз имзо шартномаро ба ҳуқуқшинос нишон деҳ.

🤝 Бародар, барои ин кор ту пулу вақт ва меҳнати худро сарф мекунӣ. Савол додан, нархро гуфтушунид кардан ва аз шарти номувофиқ даст кашидан айб нест.

Иншааллоҳ, қадам ба қадам тамоми роҳи кушодани барбершопро якҷоя мегузарем.

Постро нигоҳ дор — вақти дидани ҷой ба корат меояд. Ба бародаре ҳам фирист, ки нияти кушодани кори худро дорад.

💈 БАРОДАР, ДАР РОССИЯ БАРБЕРШОП КУШОДАН МЕХОҲӢ? АЗ РЕМОНТ САР НАКУН.

Ман ҳозир худам роҳбарии як барбершопи навро дар Россия ба уҳда дорам.

Гуфтам, чаро таҷрибаамро бо шумо тақсим накунам? Шояд пагоҳ яке аз шумо ҳам бизнес кушодан хоҳад. ИншаАллоҳ, чизе ки худамон меомӯзем, ба шумо ҳам фоида мекунад.

Ҳамаашро аз аввал нишон медиҳам — бе гапҳои хушку холӣ.

Қадами №1 — аввал бизнесро дуруст оформлять мекунем.

ИП ё ООО?
Агар як точка бошад ва соҳибаш худат бошӣ — одатан ИП осонтар.
Агар партнёр ё инвестор бошад — ООО-ро дида мебароем.

ОКВЭД:
Барои барбершоп асосиаш — 96.02 «Услуги парикмахерских и салонов красоты».

Агар косметика ҳам фурӯшӣ ё дигар хизмат илова кунӣ — дополнительный ОКВЭД лозим мешавад.

Налог:
Бародар, ҳамин ҷояшро «фалонӣ ҳамин хел кардааст» гуфта интихоб накун 😄

Муқоиса мекунем:

— Патент
— УСН «Доходы»
— УСН «Доходы минус расходы»

Выручка, аренда, зарплата, реклама, расходник — ҳамаро ҳисоб мекунем, баъд мебинем кадом вариант ба бизнес фоидаовартар аст.

Баъд:

расчётный счёт → бухгалтерия → онлайн-касса → эквайринг / СБП.

Як чизро аз ҳозир мегӯям: мақсади мо танҳо як барбершоп кушодан нест.

ИншаАллоҳ, мехоҳем як системаи хуб созем ва баъд онро ба франшиза барорем.

Барои ҳамин тамоми роҳро бо шумо честно мегузарем: чанд пул сарф шуд, куҷо хато кардем, кадом документ даркор шуд, реклама чӣ натиҷа дод — ҳамаашро мегӯям.

Шояд пагоҳ ҳамин таҷриба сабаб шавад, ки як бародари дигар ҳам бизнеси худашро кушояд.

🤝 Агар чунин маълумот ба ту фоида дорад — бо мо бош ва ба бародаре, ки бизнес кушодан мехоҳад, равон кун.

➡️ Қадами №2 — помещение: пеш аз аренда гирифтан чиро бояд санҷем?