✨?كضابه???

العافيه درجات...
لكن الملفات الـ مفروض تكون عاجلة قبل الستة شهور الأولىٰ:

-فتح التحقيق في جرائم دارفور..
يعني لا يتحاكموا برا و لا يتحاكموا جوة؟؟
أحمد هارون وين؟

-آخر 70 شهيد القتلهم منو؟؟ جيبوا حقهم.. أهلهم لسه متحيرين..
وين قوش؟

-القتل ناس نيالا منو؟ وناس ديسمبر؟؟
منو القتل دكتور سنهوري وهزاع؟

-المسئولين من تعذيب وترهيب الشعب والمعتقلين منو؟؟ وين ناس العصابات؟؟الدنيا هاملة ساي؟؟
وين علي عثمان؟

-الأكلوا قروشنا ومصوا دمنا وين طاروا؟ مأمون حميدة والمتعافي زاغوا وين؟؟
أها وداد وينها؟

-الكيزان أصحاب الفتن لازم يقيفو..وين الهندي عز الدين؟
ما يكتب تاني..

-الشيوخ أصحاب الدقن والمنابر..
عبد الحي وينو؟ ما يفتي نهائي..

وانا طالع من القياده الشباب بهتفو :
بس انت حاول بيت
كفنك نجهزو ليك
قبرك بنحفرو ليك
صيوانك نحرسو ليك
زلابيه نطقطقا ليك
اربعين نجازفه ليك
صورتك نعلقا ليك
بس انت حاول بيت
امك نصبرا ليك
😹😹😹😹
صراحه اقنعوني وانا هسي بايت💜

ملخص المؤتمر الصحفي قبل قليل

مرحلة انتقالية ٣ سنوات تخصص الست اشهر الأولى فيها للتوقيع على معاهدات سلام وإيقاف الحرب .
مجلس تشريعي ٦٧٪؜ لقوى الحرية والتغيير والمتبقي للقوى السياسية غير الموقعة .
اختيار رئيس مجلس وزراء من قبل الحرية والتغيير .
تشكيل حكومة تكنوقراط من قبل الحرية والتغيير .
مجلس سيادي إشرافي .
تكتمل نسب التمثيل في المجلس السيادي خلال ٢٤ ساعة

#عااااااااجل
الجيش يستلم حماية محيط الاعتصام
ويقوم بأخراج قوات الدعم السريع من ساحة الاعتصام بالقيادة العامه

لن افرح الا بعد الاقتصاص لدماء شهداء الثورة السودانية✌️✌️ لايزال الدم في الشوارع

ومن سيخبر الشهداء انهم انتصرو 😪💔

كل م اقعد براي واراجع زكريات أمس والأحاسيس الكنا فيها للصباح ... دموعي تجر براها والله وأقعد ارجف ... دا يوم مستحيل يتنسي. .. عوارات ناس الدعم السريع ومحاولاتم الفاشلة لفض الاعتصام. .. ناس الشرطة الجبنا اللي ظهروا علي حقيقتم. .... شارع النيل ياخ 😭😭
الناس بتهتف سلمية بتنضرب رصاص حي ولسا مسبتين الناس البتكورك يلا علي الترس ي جماعة والناس ماشة .... الناس الماشة ترفع المصابين وانضربوا زخيرة ...
الناس البتتنقل للصباح .... الناس البتلقاها بتبكي ع اصحابم واخوانم الماتوا... الكنداكات اللي كانوا بيبكوا معاهم وبيحاولوا يصبروهم. ... عمك الرجلوا اتبترت بي رصاصة ...
الاسعافات الما قدرت تنقل كل الناس ... والعربات الخاصه البقت تنقل في الناس ...
ندرة الدم أكياس الدم الانتهت. ... إرشادات السلامه البتتقال كل شوية في المنصة ... تروس شارع النيل والنفير الاتعمل ... قبض الكيزان والامنجية ..... كمية الوعي الحاصل .... الناس الخشت يادوب كانت بتقول لينا احنا سمعنا في موت وجينا عشان نموت معاكم ... الناس كانت صاحية وبتقول ديل دعم سريع لو مادعم سريع زاتوا دعم سريع ... الناس المشت جمب الجوية وبقت تهتف بأعلي صوت لي الصباح بتحاول تستميل الجيش لي صفنا ....صلاة الغائب علي الشهداء في مسجد جامعة الخرطوم ....ماف زول كان بيغني ومافينا زول نام كل الناس واقفة وبتدعم بأي حاجة لي الصباح ....
اصعب يوم حقيقة م بتقدر تسيطر علي مشاعرك كل شوية دموعك تجر براها وانتا واقف 😭😭
حقيقة مستحيل يتنسي والدم بالدم لكلاب الدعم والأمن
#لن_ننسي_لن_نغفر

هوي ي نايمين في البيوت الناس بموت هناك في القيادة
وانت قاعدين دردشة في الفيس والواس
خلووووو عندكم وطنية
قومو تقوم قيامتكم
قلوب ميتة

انا ماشة يا يمة لابسة الكفن فستااان والحنه من دمي لقيااادة الاركان شان اسقط الظالمين ويبقى الوطن بستان ماتبكي يا عااازة ليل الظلم لو طال بكره الشمس تشرق اصلا وراك رجال والشعب صغار وكبار زفوك احبابك زفوك ليل ونهار والمهر ارواحهم خلو المحال يتحال م بنخشى صوت رصاص في قلوبنا تلقوا النار وعيونا ذي ضرغااام بنصفي كل غدار ماتياسوا يا ناس حنكمل المشوار ونطهر السودان من كل عميل جبااان ✌🇸🇩💔

لبيگ وطني وأن لم أكن بين المواكب ثائرا✌🏻🇸🇩

‏انا ماعارف دي بلد ولا بيت عزابه دا يلبس هدوم دعم سريع دا يلبس هدوم جيش دا يلبس لباس دا اقسم بالله مؤسساتنا الحكوميه والنظامية دايره فورمات وتبدا من أول🤷🏾‍♂💔

يا جماعة الخير توضيح بسيط و ياريت شير عشان الناس تستفيد و تفهم ♥️

الناس اللي بتستشهد بالحاصل الآن في بلدنا بالآية الكريمة اللي بتقول :
بسم الله الرحمن الرحيم

يَسْأَلُونَكَ عَنِ الشَّهْرِ الْحَرَامِ قِتَالٍ فِيهِ ۖ قُلْ قِتَالٌ فِيهِ كَبِيرٌ ۖ وَصَدٌّ عَن سَبِيلِ اللَّهِ وَكُفْرٌ بِهِ ..

صدق الله العظيم

يا جماعة الخير الأشهر الحُرُم هي أربعة أشهر و هي ذو القعدة و ذو الحجة و محرم و رجب ..
و الأربعة أشهر دي ربنا سبحانه و تعالى حَرَّم فيها القِتال لأنه بتكون فيها مناسك الحج و العمرة ..
و رمضان يا خلق الله ما شهر حرام من الأربعة أشهر الحُرُم ، و لو ركزتوا شوية حتلقوا إنه شهر رمضان حدثت فيهو معارك عديدة أيام عصر النبوة ..
فياريت الناس تفهم الآيات صح و ترجع لتفسيرها٠

اترحم علي شهداء الوطن ومررها ♥♥✨

أي زول طالع من بيتم في الايام الجاية دي ماشي الشغل يعمل حسابو لأنو الشوارع مليانه #دم لسه ما نشف ..

خايفين عليكم تتوسخوا يا أفنديه ..

#إحترس_قدامك_دم_أخوانك