القصيدة ودورها بانتشار الثقافة الحسينية♥️

من وجهة نظري ،
الناشر الاول للثقافة الحسينية هي القصيدة ..

من القصيدة الي تكتب وتُنشر وتتداولها الناس
حتعرف عقلية النظر في شأن الامام ووين مُختزلة بهذا المجتمع♥️..
مرة چنت اقرا احد الكتب للوائلي عن المحاضرة حسب ما اعتقد وكيف الانسان يحاضر بنظرة ف كال شي كُلش مهم واحد ينتبه اله بما معناه :
"قضية الحسين هي لوحة كاملة ، اكو فد شخص يباوع لهاللوحة من جانب واحد الي هو الحزن ، ويبقى هالجانب كل سنة يشوفه ، يرفض يشوف اللوحة هاي كاملة ♥️،
ف انتَ من تريد تكون خطيب لازم تشوف كل هالمعاني الموجودة الصبر الدروس العبر الشجاعة البسالة الرحمة الى اخره"

القصيدة سابقاً جانت وسيلة مهمة لايصال الدروس الرسائل للناس استخلاص العبر من قصة الامام
نجي لقصيدة يحسين بضمايرنا بيها ابيات كلش مهمة :
بشخصيتك لمسنا اوصاف ما انوجدت بشخصية ،
لمسنا بيك ابو الاحرار عرفنه الموت حرية
لمسنا بيك أبي ومتلين عرفنا الذل عبودية ♥️.

هيج جانت القصائد متنزل عن هذا المستوى
الشاعر يعرف الكلمة الي يخليها مُثقف ومتطلع على اللوحة الحسينية كاملةً ♥️