معيد ² (: ♡


Channel's geo and language: not specified, not specified
Category: not specified


لن يَقوى القَيدُ على الفِكر .
طالب معيد سنة 2 .. بالاولى 90.5 ويب (:
قناتي أشارك بيها أي شيء يفيدني .. وعسى أن نساعد بعض كذلك ..💙 .. إسمي مؤمل من بغداد

بوت بدون إسم .. @MHQM_bot
Flip: Mooaml HQ

Related channels  |  Similar channels

Channel's geo and language
not specified, not specified
Category
not specified
Statistics
Posts filter


أحّا والله يفيد هالملخص


Forward from: Doctor to be
ملخص الأنسجة النباتية


طيب بما إنُ صرنا هواي .. فـ بوقت ريستي بـ 10-11 بالليل أنا حجاوب ع اسئلتكم 💙 للي يريد يسئل .. ويب


بدايًة أنا أصلًا كلت هالقناة حتة لحد يدخلي خاص واني أسوي بث بقناة ( study all day ) فجأة صارو بـ 20 مشترك يوم 7 🥲 كلت إي ميعبرون بعد .. وع براءتي جاوبت ع أحد الاصدقاء ع أخطائي وشداسوي هسة بالسنة الثانية .. واتفاجئ لليوم وصلت 220 اخ بسبب البصمة اللي وصلت لـ 500 مشاهدة 🥲😂 .. صراحة متوقعت حيصير كذا بس اتمنى أفيدكم بشيء إن وجد (:💙 ويب دراسة موفقة جميعًا


شكرًا إلج بعد (: 💙


Forward from: خطوة 🖤
حولوا هنا شباب، القناة جد مفيده🌝🥲💔


شكرًا لدعمج💙


Forward from: شود🦋
يا أخي كلامه منطقييي


@MHQM_bot اذا عدكم سؤال ..


اذا تظل تقارن بغيرك محيخسر احد غيرك !! .. لحد يقارن (: شدخلكم ؟؟ انا من الناس لو يبقالي شهر ع الامتحان الوزاري هم عادي دامني دامشي صح وداضبط !! ..

عندي اصدقاء حيكملون شهر 1 وبيهم شهر 2 وكل واحد وخطتة .. ويريد يضبط بالمراجعة بس اني اختلف عنهم واحب اضبط كلشي قبل المراجعة .. بس كل شخص وخطتة وطريقتة عليمن معقديها للسالفة وبعدنا شهر 12 !! لنتكاسل ونظل ندرس بس هم لنيأس ونظل نلطم !!

ليش مصعبين ومعقدين السادس لهلدرجة (: ؟ .. امشو بوعي ومنطق بخطواتكم وبس تكمل وتوصل !


Forward from: Doctor to be
حاولوا دائما تساعدون باقي الطلاب ،لتخلون ببالكم انو اذا ساعدتوهم راح ياخذون فرصتكم للوصول ، كل واحد بينه بهل حياة اله نصيبة ،لما تختصرون جهد و وقت على طلاب و تساعدوهم بموضوع معين هل شي ما راح يضركهم بالعكس  رب العالمين راح يوفقكم
طلاب السادس ميفهمهم غير طلاب السادس فكونوا عون و سند لبعضكم ،شيلوا من بالكم سالفة الحسد و المؤامرات،  هاي مرحلة دراسية مو حرب .


ماعرف ليش أكو طُلاب أو ممكن الأغلبية منهم عديمي وعي لدرجة يشوفون الدراسة هي مجرد تَقييد (: ! ، رغم إنُ كُل كَلمة وصفحة دتدرسها وتكتبها هي لأجلك ولأجل حياتك المستقبلية !

زين ليش ميفكرون بإنُ هذي المرحلة هي فيصل لدرجة علمية أعلى بدراستك (: خصوصًا إحنا كـ طُلاب عِلمي ، عِلم الله جميل بغض النظر عن جميع الشوائب والفساد اللي موجود ، لكن علم الله اللانهائي جميل لو درست فد شيء منة (: !

آني أشوف الدراسة هي مُجرد عَمل لازم أقوم بي هسة ! .. بغض النظر عن الظروف المستقبلية (: !


صباح الخير وجمعة مباركة 💙 دخلت بغيبوبة خلتني اكعد هالوقت من التعب مال بارحة☹️😂 ، موفقين بدراستكم لليوم


من باجر بعد ماحذف منا للصبح أبقيهن .. آسف


Forward from: سادس (:
الرسالة :- لا هستوني داسمع بالبصمات مثل هيج اسئله لتحذفهم


شكرًا إلكم جميعًا لأن سئلتوني أتمنى فدت بشيء
🥲💙


نعست (:G.N شباب ♡


حرفيييًا يب (:


Forward from: سادس
السادس..!
قبل مندخل السادس جان الكل يعيشنا برهبة السادس جان الكل يحسسك ان هي نهاية الطرق جان الكل يخوفك قبل ميكلك اي شي و نسمع هذا الشي بالبيت و بالمدرسة و بالطلعة و مرات حتى ويه الاصدقاء
اووو طالب سادس خطية انتوا
طالب سادس و تطلع معقولة!
طالب سادس و تاكل اكل؟ انت المفرض مكابل الكتب و اذا تريد تاكل ف تاكل كتب بس
طالب سادس اصلا شعندك عايش روح موت...
و يمكن بطرق بعد اكثر بشاعة جنا نسمعها
صارت رهبة من هالمرحلة اكثر من ان هي مستقبل و تحدي
من المتوسطة واني انتضر هذه المرحلة بس حتى استكشف، بس حتى اشوف شنو هاي المرحلة
و بلمحة لكيت نفسي طالب سادس و هنا جان كدامي خيارين الاول اني كضي السادس كله ابجي و اكول صعب و ماكو وقت و مواد ما منها فائدة و ضياع وكت او ان اعتبر الموضوع تجربة حالها حال اي تجربة نخوضها بالحياة ممكن ننجح و ممكن نفشل و ممكن نعثر و ممكن نتميز...
و توجهت للخيار الثاني وهو اعتبر المرحلة مجرد تجربة و مغامرة تجمع بين الجد او الراحة و بين الحلم او الفراش وبين ان اتحمل مسؤولية او ما اتحمل شي وهذا الموضوع ما جان مقتصر على السادس انما كان بحد ذاته بناء شخيصتك او اساس شخصيتك
وهنا بحد ذاته جان شي كلش حلو ان تبدي تصير قائد نفسك لأدارة وقتك و مهامك وتحديد اولوياتك بهذه المرحلة و تصير حرفيا عبارة عن مدير و منفذ تكعد تسوي الخطة انت ك مدير و بعدها تطبق الخطة ك منفذ، تتخلى عن اشياء جنت تتوقع مستحيل تتركها، تترك صفات وعادة غير مناسبة او لائقة بيك فقط لانك صرت قائد و منفذ
اشوف السادس بالمختصر عبارة عن مغامرة و تجربة لطيفة بعيد عن كل كلام الاخرين
و اشوفه هو مرحلة مؤثرة بشخصية الشخص ان نجح او لا و ان حقق حلمه او لا
و تبقى هي تجربة و ليست نهاية كل الطرق


Forward from: سادس
نسوي تحدي باجر لأكثر وقت دراسة ؟
Poll
  •   اي
  •   لا
  •   الجمعة استراحتنا
132 votes

20 last posts shown.

268

subscribers
Channel statistics