العمر بين الخمسة وعشرين والثلاثين راهو مرحلة مفصلية ، بالمعنى الصح توا تبدى تشوف دائرتك تصغر وهلك يكبرو قدام عينك ، فجأة تلقى روحك تحاول تلم فوضى سنين العشرين اللي سيبتها وراك وتلقى روحك تجري عشان تثبت روحك في شغلك وتفطن لروحك ولصحتك ، وتخطط خطوة بخطوة للمستقبل مسؤوليات فوق مسؤوليات وضغط يجيك من كل جهة ، لكن بالرغم من كل هالفوضى والضغط راهي مرحله هي اللي تعجنك وطلع منك النسخة الأقوى ، نسخة واقفة ، واعية ، وعارفة شنو تبي من الدنيا .