ዳታዌርሀውስ እና አድቫንስድ ኤክሴል ላይ ስልጠና ተሰጠ
**************************
(ታህሳስ 8/2017 ዓ.ም፡ መካከለኛ ግብር ከፋዮች ቁጥር2 ቅርንጫፍ ጽ/ቤት)

ቅርንጫፍ ጽ/ቤቱ ከተለያዩ የስራ ክፍሎች ለተውጣጡ ሰራተኞች ዳታዌርሀውስ (Data warehouse) እና አድቫንስድ ኤክሴል (Advanced Excel) ላይ ከ7/4/2017ዓ.ም ጀምሮ ለሁለት ቀናት የቆየ ስልጠና እየተሰጠ ይገኛል፡፡

ስልጠናው በቅርንጫፍ ጽ/ቤቱ የሰው ሀይል አመራርና ልማት የሥራ ሂደት አዘጋጅነት በአቶ ዮሴፍ መለስ የታክስ ከፋዮች ስጋት ስራ አመራር ቡድን እና በወ/ሪት ፈትለ እሸቱ የስጋትና የህግ ተገዢነት ስትራቴጂ የሥራሂደት እየተሰጠ ይገኛል፡፡

አቶ አሰፋ ጐንፋ የሰው ሀብት ሥራ አመራርና ልማትሥራ ሂደት አስተባባሪ ባስተላለፉት የመክፈቻ ንግግር እንደገለፁት ስልጠናው የፍላጎት ዳሰሳን መሰረት በማድረግ በሰራተኛው ፍላት የተዘጋጀ መሆኑን አስታውቀው ሰልጣኞች ስልጠናውን በዲሲፒሊን በመከታተል ለስራቸው ተጨማሪ ግብዕት እንደሚሆናቸው ገልፀዋል፡፡

ወ/ሪት ሄለን አስፋው የስልጠና ምልመላ ከፍተኛ ባለሙያ ገለፃ ሰልጣኞች ከዚህ በፊት ስልጠናውን ያልወሰዱ ነገር ግን ከስራቸው ጋር ተያያዥነት ያለው ስልጠና በመሆኑ የሰራተኛውን አቅም መገንባት የስልጠናው ዋና ዓላማ መሆኑን ገልፀዋል፡፡ አክለውም የሰራተኛውን የክህሎት ክፍተት በመሙላት ለገቢ አሰባሰቡ የተሻለ መደላደል እንደሚፈጥር አስገንዝበው ሰልጠናው በሁለት ዙሮች የሚሰጥ እና ይሄኛው የመጀመሪያው ዙር መሆኑን ጠቁመዋል፡፡


ወቅታዊ፣ ትኩስ እና የተሟሉ መረጃዎችን ለማግኘት፡-
ቴሌግራም፦ https://t.me/mormto2
ፌስቡክ፡- https://web.facebook.com/info.mto2/
ኢሜል፡- mormto2taxeducation2023@gmail.com
ዩትዩብ፡- https://www.youtube.com/@ministryofRevenues-MTO2
በመወዳጀት ይከታተሉን፡፡