Hammadan birinchi. Deyarli:-)

⚡️Germaniyada Covid-19 virusiga chalinganlar soni 10999 nafarga yetdi

Toshkent hayvonot bog'i koronavirus tarqalishi xavfi tufayli 19-martdan boshlab vaqtinchalik yopiladi.

Kanalga ulanish:
@covid19_no_panic

Koronavirus bilan kasallangan Lipetsk viloyatining uch nafar aholisi to'liq sog'ayib, kasalxonadan chiqarilishdi, mintaqada koronavirus infeksiyasining yangi holatlari aniqlanmadi - viloyat boshqarmasi.

"Koronavirus - bu kimgadir foyda keltiradigan va kimgadir zarar yetkazadigan navbatdagi psixoz" - Lukashenko.

"Lukoyl" vitse-prezidenti: "Neft narxi bir barrel uchun 15-20 dollargacha tushgach, to'xtashi mumkin".

❗️Dunyo aholisining ko'proq qismi Covid-19 koronavirus infeksiyasini yuqtirishlari va shu orqali undan immunitet hosil qilishlari kerak, bu kelajakda bunday holatlar sonining kamayishiga olib keladi, deydi Sankt-Peterburg davlat universiteti mikrobiologiya kafedrasi professori Aleksey Potexin

Shveytsariyadan uchib kelgan Kirovning yana bir fuqarosida koronavirus aniqlandi- Kirov rayoni hokimiyati

Koronavirusga chalingan keksa yoshdagi moskvalik ayol shifoxonada vafot etdi, biroq uning o'limiga aynan virus emas, balki oldindan ayolda mavjud bo'lgan bir qator surunkali kasalliklar sabab bo'lgan, demoqda epidemiya bo'yicha tuzilgan tezkor shtab.

Koronavirusga nega vaksina ishlab chiqarilmayapti?

Kanal botiga mana shu mazmundagi savollardan kunda kamida 3-4 ta keladi. Oxiri botni vaqtinchaga o'chirib qo'ydim. Bu kabi savollar ilm odami sifatida meni juda azoblaydi. Javobini bilmaganim uchun emas, nega javob bera olmasligimni bilganim uchun. Keling sizga bir narsa aytib beraman.

"Kapalak effekti" degan gapni hech eshitganmisiz? Aytishlaricha okean orollarida uchib yurgan kapalakning qanot qoqishidan hosil bo'lgan havo to'lqini suvni harakatga keltiradi, bu kichik harakat orol oldida umuman sezilmaydi, lekin u materik qirg'og'iga kelguncha sunamiga aylanadi. Ilm-fanda ham xuddi ana shunaqa.

Ilm-fanda yo'nalishlar asosan ikkiga bo'linadi: fundamental tadqiqotlar va amaliy tadqiqotlar. Fundamental tadqiqotlar fanning nazariy sohasini o'rganadi. Ushbu tadqiqot natijasi sizga o'sha vaqtning o'zida hech narsa, mutlaqo hech narsa bermasligi mumkin, lekin fundamental tadqiqotlar katta pul sarflashni talab qiladi. Tasavvur qilyapsizmi, siz bir olam pul sarflaysiz, lekin natijasini hech narsaga ishlata olmaysiz, albatta bu vaqtincha. Masalan, X asrlarda yashagan bobokalonimiz Al Xorazmiy algoritmni yaratganida undan bu narsa nega kerak o'zi deb o'sha davrda so'rashsa bu savolga uning o'zi ham aniq javob bera olmagan bo'lsa ajab emas. Ammo mana ming yillar o'tib bobokalonimizning yaratgan algortimi hozirgi texnikaning asosini tashkil etmoqda.

Bundan farqli ravishda amaliy tadqiqotlar ish tugallanishi bilan natija beradi. Masalan, mashinaning old oynasiga bexostan tosh tekkanda u sinib haydovchini jarohatlashi mumkin. Nima qilinsa oyna sinsa ham haydovchi zararlanmaydi? Demak oynaning xususiyatini o'zgaritirish kerak va h.k. Tadqiqotchi bu savolga javob bergan zahoti ishni natijasi amalda ko'rinadi. Rosa o'tlab ketdim, keling, yanada konkretlashtiraman.

Bir virusolog davlatdan fundamental tadqiqotlar uchun 1 mln dollar pul so'raydi. Suhbat taxminan bunday kechadi:
- Janob vazir, bizga tog'da yashovchi falon ko'rshapalaklarda uchraydigan virus turlarini o'rganish uchun 1 mln dollar pul kerak.
- Nimalar deyapsiz, hurmatli professor? Tog'dagi hech kimga kerak bo'lmaydigan ko'rshapalak virusini o'rganish uchun shuncha pulimiz yo'q bizning, qolaversa uni o'rganishning nima keragi bor? Boshqa loyihalaringiz yo'qmi? Masalan, gripp, qizamiq yoki shunga o'xshash boshqa viruslar bo'yicha?
- Janob vazir, siz aytgan soha bo'yicha hamkasblarim ishlamoqda. Mening yo'nalishim yovvoyi hayvonlarda tarqalgan viruslarni o'rganish. Ishimizning asosiy maq...
- Sizni tushundim, professor. Biroz foydasiz sohani tanlab qo'ygan ekansizda. Sizni juda hurmat qilamiz. Sizga 1 mln dollar emas, shuncha qilgan ishlaringiz hurmati 100 ming dollar ajratamiz, bundan bir sent ham ortiq pul bera olmaymiz.
- Axir, janob, bu pul ishning 10% ini o'rganishga ham yetmaydi-ku!
- Azizim, hozircha hech kimga ziyoni tegmayotgan virusingizga bu pul ham aslida ko'p, shu bois meni manzur tuting, ishlarim juda ko'p.
- ...

Nima demoqchi bo'lganimni tushundingizmi? Siz so'rayotgan koronavirusga qarshi vaksina yaratish uchun avvalo olimlarning qo'lida virus haqida to'liq ma'lumot bo'lishi kerak. Ular bu virus etiologiyasini aniq bilishmaydi hali, shu bois vaksina yaratish vaqti eng kamida bir yilga cho'ziladi.

Mana shunaqa favqulodda holatlar fundamental sohaning naqadar muhim ekanligini yana bir marotaba kun tartibiga olib chiqadi. Ayni vaqtda dunyoning koronavirus pandemiyasi sabab ko'rgan zarari 2,7 trln dollarga yetgan. Azaga kelgan xotin o'z dardini aytib yig'laydi deganlaridek, shu o'rinda bir kichik ma'lumotni aytib ketaman. O'zbekistonda fundamental sohadagi tadqiqotlar deyarli moliyalanmaydi. Tadqiqotchi ushbu sohada ilmiy tadqiqot olib borgan bo'lsa ilmiy daraja olish uchun ona suti og'ziga keladi. Chunki deyarli barcha e'tibor amaliy tadqiqotlarga qaratilgan.

Baxil ikki marta to'laydi.
(qaysidir xalq maqoli)

Kanalga ulanish:
@covid19_no_panic

Diqqat!
Rossiya Federatsiyasi xorijiy fuqarolarning mamlakat hududiga kirishini 18-martdan 1-maygacha chekladi.

Irlandiya, koronavirus tarqalishi tufayli barcha restoran va kafelarni yopadi

Men koronavirus yuqtirdim shekilli 😳

Tibbiyotda (psixologiyada va psixiatriyada) ipoxondriya degan psixik buzilish turi bor. Bu holat odamlar orasida tez-tez ko'zga tashlanib turadi. Ertalabdan beri 10 ga yaqin ana shunday ipoxondriklardan xat olyapman. Bu xastalikning asosiy belgisi odam doimiy ravishda o'zining qanaqadir kasallik bilan og'rishiga ishonadi. U o'zida shu kasallik belgilaridagidek holatni boshdan kechiradi. Bir qarasa (esidan chiqib qolgan vaqtlarda) holati yaxshi bo'lib qoladi, bir qarasa kasal bo'lib qoladi. Koronavirusning simptomlarini eshitganidan keyin o'zida shu simptomlarni ko'radigan toifalar ham chiqadi, to'g'rirog'i allaqachon chiqdi, menga yozib ham bo'lishdi. Ular o'zining kasal ekanligiga yoki virus yuqtirganiga ishonadi va atrofdagilarni ham ishontirishga harakat qiladi. Odatda ipoxondriklarning oila a'zolari uning kasal ekanligiga ishonishadi ham.

Haqiqiy psixologiya va psixiatriyani o'qigan mutaxassis ipoxondrikni bir qarashda aniqlay oladi. Bu kasallikning davosi nihoyatda oson. O'sha odamga ipoxondriya haqida to'liq gapirib berilsa va uning belgilarini aytib berilsa kasali birdaniga tuzalib qoladi. Bu "kasallik"dan uzoq vaqt azob chekkan mening bir yaqin tanishim bor, balki hozir shu postni o'qiyotgandir, u bilan qanday qlib bu kasallikni bartaraf qilganimiz eslab kulayotgan bo'lsa ham ajab emas.

Demoqchi bo'lganim vahimaga berilmang, chunki vahima va ipoxondriya orasidagi masofa bir qadam 😊.

​​Koronavirus haqida eng keng tarqalgan 10 mish-mish!

1️⃣ Kuchli spirtli ichimlik ichilsa virus halok bo'ladi.
Spirtli ichimlik ichish virusga ta'sir qilmaydi. Faqatgina 75% dan yuqori bo'lgan spirtgina viruslarni o'ldirishi mumkin, shunda ham faqat teri yuzasida. Iste'mol qilingan kuchli spirtli ichimlik tanaga singishi mumkin, lekin virusni o'ldirmaydi.

2️⃣ Uy havonlari virusni tarqatadi.
Hozirgacha uyda saqlanadigan mushuk va itlarning koronavirus bilan zararlanish holati kuzatilmadi, shu bois ularni uydan "badarg'a" qilishga hojat yo'q.

3️⃣ Antibiotiklar virusdan himoyalanishda yordam beradi.
Afsus, antibiotiklar bakteriyalarga qarshi kurashda yordam beradi, viruslarda esa ular foydasiz.

4️⃣ Bir necha qavat maska taqish virusdan himoyalashda yordam beradi.
Niqoblardan N95/KN95 turi yoki umumiy jarrohlik niqoblaridan foydalanish tavsiya etiladi. Niqobning bir qavati yetarli, uzoq vaqt bir necha qavat niqob taqilganda kislorod yetishmasligi oqibatida organizmda gipoksiya holati kuzatiladi.

5️⃣ Virus faqat qariyalarni zararlamoqda.
To'g'ri, immuniteti yaxshi yosh organizmning zaralanishi oson emas. Lekin bu ular zararlanmaydi degani ham emas. Yoshidan qat'iy nazar har qanday yosh egasi o'zini himoya qilishi kerak. Koronaviruslar nafas olish yo'lari orqali yuqadi, shuni har doim hisobga olgan holda harakat qilish lozim.

6️⃣ Tamaki orqali virusdan himoyalanish mumkin.
Chekish hech qanaqasiga foyda bermaydi. Aksincha u ayni koronovirus vaqtida nafas olish yo'llarini zararlantiradi, yurak va buyrak faoliyatiga salbiy ta'sir qiladi, organizmning virusga qarshi kurash tizimini sustlashtirib virus yuqish ehtimolini oshiradi.

7️⃣ Tashqariga chiqqanda maxsus ko'zoynaklar taqish virusdan himoya qiladi.
Bunga hojat yo'q. Bunday maxsus ko'zoynaklar bemorlar bilan ishlayotgan professional doktorlar uchun qo'llaniladi.

8️⃣ Ishlatilgan niqobni dezinfeksiyalasa bo'ladi.
Niqoblar bir martalik ishlatish uchun ishlab chiqarilgan bo'lib, ularni ishlatib bo'lgach tashlab yuborish kerak. Ular aslida viruslarni to'sa olmaydi, balki havodagi virus bo'lgan odam nafas yo'llaridan chiqayotgan suv tomchilaridan himoya qilish uchun taqiladi.

9️⃣ Piyoz va isiriq koronavirusda foyda beradi.
Piyoz tarkibidagi fitonsidlar bakteriyalarni o'ldiradi, lekin viruslarni emas. Isiriq haqida ham shunday deyish mumkin.

🔟 Banandan koronavirus tarqalmoqda.
Haqiqatga to'g'ri kelmaydigan asossiz gap, boisi koronaviruslar o'simliklarda yashamaydi. Ular faqat hayvonlarda bo'ladi. Hozirgi 40 turdagi koronavirusning 7 tasi odamlarga yuqishi aniqlangan. Ularning barchasi odamga hayvonlardan yuqqan.