تعا نتخيل .. إنو تخلص الكلمات

و الصمت يحكي !!

ما يضل في ولا كلمة .. من يلي منحكيهن بالواقع
كلشي ما انحكى .. بيصير عم ينسمع

ح تسمع صوت حدا .. إن سألتو كيفك ؟
عم بيقلك .. ميت !!

ح تسمع كلمة .. بحبك
عم تنعاد كتير ..

ح تكون صادقة .. لانها طول هالفترة كانت مخبّاية
ح تكون صادقة .. لأنها ما بتشبه يلي إنقالوا بالعلن

لما يحكي الصمت .. ح تسمع كتير صرخات
صرخات وجع .. مخنوقة ورا الضحكات

و ح تتفاجئ من صمت كتار ..

لما يقلك أنا مصادقك مصلحة !!
لما يقلك مو طايقك .. بس فترة و بتعدّي !!
لما يقلك .. إيمتا بتوقع .. لـ اشمت !!

و ح تسمع ..

صوت واحد بيخاف عليك كتير بالصمت ..
بس مع صخب الكلمات .. كان بعيد عنك

تاركك مع يلي بتحب تحكي معن .. تاركك مع يلي بتحب كذبهن

لما يحكي الصمت ..

ح تقول لحالك أديشني كنت مقصر مع هاد و هداك
ح تقول لحالك يا ريتني قلت كل الحكي لأشخاص فقدتن

ح تقول ندمان .. !!

ولما يرجعوا الكلمات .. كلمات
و يرجع الصمت .. صمت

ح ترجع تحكي : أنا ما بندم
أنا منيح .. مو فاضي , مو ناقصني شي , ما بدي شي

ح ترجع تحب الكذب .. ع حالك , و ع غيرك !!

و يا صمت .. صرّخ دقيقة !!
__________________
قناتنا 👇
🌺{ @dead_abd }🌺

#ｲん乇乃o丂丂