غبية ..
وما بتعرفي تناقشي ولا تتفاهمي ..!!

زعلتي ؟!
مش فارقة .. لأنك عنجد غبيّة ..!!

صرت ألف مرة قايلك .. أنا معك
وإنتي قريبة .. بعيدة , وإنتي حدّي وإنتي زعلانة

أنا يا اختبار رجولتي .. معك

بتحمّل مزاجيتك .. تقلّبك
تقلّب هرموناتك .. خيبات قلبك

بتحمّل تكوني كتير مبسوطة
وبتحمّل تزعلي فجأة وتحمليني ذنب ما ارتكبته
بقلك : شو عملت ؟! , وبتقليلي : انت ملاك ما بتعمل شي .

بتحمّل الوزن الزائد والهم ع كتافي وبتناساهن
كرمال بس .. ما إنسى إنو واجبي .. ضلني إتحملك

وبتحمل .. "بالعاميّة البحتة"

نزلات السوق .. المشي لـ ساعات
تغيير لون شعرك .. زيادة ونقص وزنك
غيرتك عليي بلا ما تحكي .. ولما تحكي
شكك فيي .. متل كأنو قلبنا ابن مبارح
امبارح وماضيكي .. بتحملهن .. وبنسّيكي ياهن

وبحميكي ..
هاد طلبك الأول والأخير

بتحمّل يا كل مطلبي ومسعاي

كل شي كرمالك ..
ولأنك ذكية .. ومفكرتيني ممكن مل

اليوم عم قلك .. يا غبية

ربّي يكفن عيون قلبي .. إن رمشت لـ غيرك ..!!
____________
قناتنا 👇
🌺{ @dead_abd }🌺

#ｲん乇乃o丂丂