نعي كرناوي بحق الشهيد

وكأني بوالدته ادكول.......

​┅┅┅┅•••••🌸🕊🕊🌸•••••┅┅┅┅
يروحي شبيج عدله وما تموتين

والعاش بحنانج ضيعيتيه

بعده زغير شال وشالت الروح

يروحي شلون صعبه وفاركيتيه

يمه الولد غالي شلون تنسين

بحضنج دوريتي ومالكيتيه

اعايدمن بعد كليله بالعيد

اضنج بالمكابر عيديتيه

تهملين الدمع والدمع شيفيد

كولي شلون حالج من خسرتيه

شال بعز شبابه وغرب وراح

وليدج بالكبر بيدج دفنتيه

راح بغير موعد يا حسافات

بدون وداع لامن انتي شفتيه

💧💧💧💧💦💧💧💧💧💧💧💧
وكأني بالصديق عندما يفقد صديقه
يكول......


عيني بكل مسيه ادير للباب

صدك دارت سنينك ياضوه العين

بعد روحي تحن للصحبه وياك

صحبتنه انتهت جاليش يحسين

تفاركنه يخويه وفاركانه الموت

هذا فراك كوه منين اجانه منين

هناه يامه كعدنه وسولفينه هناه

جنه بفرد روح وهسه صرنه ثنين
💧💧💧💧💧💧💧💧💧💧💧

بعدني اشتاكلك مااكدر انساك

وبعد روحي تحن للملكه تشتاك

اعد ساعات وحسب طال الغياب

تكتل حيل تكتل نار الفراك

صعبه ويا فركتك تهدم الحيل

وثوب اسود لبسته وبس علي لاك



بقلم الشاعرة سحر ام كرار الساعدي

غير مبري الذمه من يحذف اسم الشاعر
​┅┅┅┅•••••🌸🕊🕊🌸•••••┅┅┅┅
اڷشاعرﮬ̲̌ﮧ سحر ام كرار اڷساعديے
💫قناة 💫خطيبة المنبر الحسيني🎤
✍ الشاعره سحر ام كرار الساعدي ✍
اريد أخـــدم وأصـيرا للخــدم خدام
لأن خدمة حسين هـواي رفعت راس
بخدمـتك هايـبو السجاد ارفـع هام
واتنـومس بأسـمك وي اسـم عبـاس