قصيدة ( يوليدي جسام ) على وزن قصيدة المرحوم حمزه الزغير دهري من التراث

يوليدي يــا جسّــام بالحــومـه عمك
انهض يا مــاي العين رخصله دمـك
يبنــي جـاســــم
حگ الـــربه هــل اليــوم أريـدنــه
**
يوليدي حگ ارباي هل يــوم أريـده
والحسن يـا جسـّـام وصَه ابعضـيده
روحــك يـــا ماي العين خليهـا بيده
ومنـــك أريــد اليــوم حيل الصميده
ضحــــي دمــــــك
حگ الربـــه هــــل اليـــوم أريدنه
*
ربيتــك ازغيــرون ساهــرت ليلي
وتعبني يبني أربــاك ما گلت ويلي
حيلي نــذرته أعليك يا بعــد حيلي
عمـك وحيد اليوم يـا عيني سيلي
وافـــــي عمـــــك
حگ الربــه هـــل اليـــوم أريدنه
**

يبنــي العمـــر لحسـين خليــه هديـه
وخلينــي احنّـي أبفيض دمــك أديـــه
يوليدي ادري اليـــوم يـــوم الـرزيـه
ينفجـــع يبني أعليــك گلـب الزچيــه
دونـــــه عمـــــرك
حگ الـــربه هــل اليــوم أريـدنــه

*

شمعــه العمــر لحسين أشعـل شبابك
والحنّه يبني أتصير مــن دم خضابك
لــو عمــك أيناديــك يصعـب مصابـك
فــدوه ألك گله يروح عمري بجوابك
عـمـــري فـــــــدوه
حگ الـــربه هــل اليــوم أريـدنــه


**

سيف الحـسن يتنــاك شيلــه بيمينـــك
يبن الحــسن يا حيـــد واحمـي عرينك
دينك حسين يصير حـــامي عـن دينك
ولسبط أبو الــزهراء رخـص أسنينك
لجلــــه عمـــــرك
حگ الـــربه هــل اليــوم أريـدنــه

**
جــاسم ييمه أتشوف خيــل أل آميـه
متجمعـــه ضـــد حسين بالغـاضريه
يوليدي دونـــه اليــوم محلـه المنيه
تحيا تـــرى مــن تموت نفسـك أبيه
لعمـــــك دمــــــك
حگ الـــربه هــل اليــوم أريـدنــه
*
الشاعر
موسى البديري
1442 هجريه