قصيدة ( كل الخدم ) من وزن الميمر المجنس

شهر الدمـــع آه يحسين كــل الخــدم تنتظــــره
*
شهر الحزن خـدامك انته تعــدله (تحسبله)
عده وعــدد كــل عام والله تعدله ( تحضرله)
والمايل بمجلس عـــزاء أتعــدله ( يستقيم)
لكن شرط يبقى وياك كــون الــزمــن ميغيره
*
أنادي بألم شهر الحزن مر بينا (يمر علينا)
طعم الفــرح يــا سيدي مر بينا (طعمه مر)
عدنـــــه جفن للفاجعه أمربينه ( نربيه للفاجعه)
كل وكت يجري الدمعات لجل المصــايب حمــره
*
شهر الحزن مولاي لــوعه وعَبرَه ( البكاء )
من ثورتــك ناخــذ دروس وعِبره ( النصيحه)
مــركب محبتــك للشدد بي عبِره ( للضفه الاخرى)
الما يركب بحب حسين محـد بـــعــد اليعبــره
*
شهر الحزن ركن الصبر هد بينا ( فلش)
وموج الدمع من الحزن هد بينا (جرى الدمع)
عجــل لثــارك سيــدي هـــد بينا (اهجم بنا)
أنــادي بمجالسنا الثار والمهدي عجـــل أمره
*
وي الدمــع عدنه لمصابك عشره (عشره طويله)
وحزنك فــلا مثلــه يمر لا عشره (جزء الرقم)
بالنحـــر نقسم والليــالي العشره (10 محرم)
لأخـــر نفس نبقى وياك يبــن الــزچيه الزهره

****
انشد الحزام أبكـل عــزم و انعگده ( نربط الحزام)
ومجلس عــزائك كل زمان انعگده ( نقيمه)
شهــر المحرم مــا نبطـــل عگده (العقد اوالعهد)
عگد العمر وي عاشور وقعه الشيعي بعمــره

*


عن مجلسك ذاك الظلم مـا ردنه (لم نرجع)
ردنـه محــرم غيــره لا ما ردنه (لانريد غيره)
ويومك يظل طول العمر ماردنه (يعصرنا)
يومك شعل بينا أحزان مثـــل الخيم مستعــره

*
جننـه حبــك مــا شخـص جننــه (الجنون)
يا مــن خدمتك تنحسب جنه انه (جنه)
من الخطر صحنك يظل جُنه انه (آمان)
صحنك آمان لهل الناس كم من حديث أنـــذكره

**
الشاعر
موسى البديري
1442