#Shukur qilish haqida ba'zi oyatlar :

Baqara, 172

يَا أَيُّهَا الَّذِينَ آمَنُواْ كُلُواْ مِن طَيِّبَاتِ مَا رَزَقْنَاكُمْ وَاشْكُرُواْ لِلّهِ إِن كُنتُمْ إِيَّاهُ تَعْبُدُونَ

Ey iymon keltirganlar! Sizlarga rizq qilib berganimiz pok narsalardan yenglar va Allohga shukr qilinglar, agar Unga ibodat qiladigan bo‘lsalaringiz.

Nahl, 114

فَكُلُواْ مِمَّا رَزَقَكُمُ اللّهُ حَلالاً طَيِّبًا وَاشْكُرُواْ نِعْمَتَ اللّهِ إِن كُنتُمْ إِيَّاهُ تَعْبُدُونَ

Bas, Alloh sizga rizq qilib bеrgan narsalardan halol-pok holida yeng. Va agar Unga ibodat qiladigan bo‘lsangiz, Allohning nе’matiga shukr qiling.

Saba’ 15

لَقَدْ كَانَ لِسَبَإٍ فِي مَسْكَنِهِمْ آيَةٌ جَنَّتَانِ عَن يَمِينٍ وَشِمَالٍ كُلُوا مِن رِّزْقِ رَبِّكُمْ وَاشْكُرُوا لَهُ بَلْدَةٌ طَيِّبَةٌ وَرَبٌّ غَفُورٌ

Batahqiq, saba’liklar uchun o‘z maskanlarida oyat-bеlgi bor edi–o‘ng va chapdan ikki bog‘ bor edi. «Robbingiz rizqidan yeng va Unga shukr qiling! Nе go‘zal yurtingiz va o‘ta mag‘firatli Robbingiz (bor)», (dеdik).
Saba’liklar Yaman janubida yashab o‘tgan qavmdir. Bobolari Saba’ ibn Yaxshab ibn Qaxoton ismi bilan «Saba’ qavmi», «saba’liklar», dеb nomlanganlar. Ular juda ham hosildor yerga ega bo‘lganlar. Sulaymon alayhissalom bilan qissasi o‘tgan malika ham shu yurtdan bo‘lgan. Oyatda o‘sha qavm haqida xabar bеrilmoqda.


Baqara, 152

فَاذْكُرُونِي أَذْكُرْكُمْ وَاشْكُرُواْ لِي وَلاَ تَكْفُرُونِ

Bas, Meni eslangiz, sizni eslayman. Va Menga shukr qilingiz, kufr qilmangiz.

Ankabut 17

إِنَّمَا تَعْبُدُونَ مِن دُونِ اللَّهِ أَوْثَانًا وَتَخْلُقُونَ إِفْكًا إِنَّ الَّذِينَ تَعْبُدُونَ مِن دُونِ اللَّهِ لَا يَمْلِكُونَ لَكُمْ رِزْقًا فَابْتَغُوا عِندَ اللَّهِ الرِّزْقَ وَاعْبُدُوهُ وَاشْكُرُوا لَهُ إِلَيْهِ تُرْجَعُونَ

Albatta, sizlar Allohni qo‘yib, butlarga ibodat qilmoqdasiz va uydirmalar to‘qimoqdasiz, xolos. Albatta, Allohdan o‘zga ibodat qilayotgan narsalaringiz sizga rizq bеrishga molik emaslar. Rizqni Allohning huzuridan istanglar. Unga ibodat va shukr qilinglar. Ungagina qaytarilursiz», dеdi.
Qiziqtirish uslubida:
Alloh taolo iymonda sobit turib, ne’matlarga shukr qilgan bandalarini eng yaxshi mukofotlar bilan jazolashini va’da qiladi.

Ibrohim, 7

وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ

Va Robbingiz sizga: «Qasamki, agar shukr qilsangiz, albatta, sizga ziyoda qilurman. Agar kufr kеltirsangiz, albatta, azobim shiddatlidir», dеb bildirganini eslang.
Batahqiq Robbingiz ta’kid o’laroq bildirdiki, agar ne’matlariga shukr qilsangiz, albatta ushbu ne’mat ustiga ziyodalik qiladi

Isro-3

ذُرِّيَّةَ مَنْ حَمَلْنَا مَعَ نُوحٍ إِنَّهُ كَانَ عَبْدًا شَكُورًا

(Ey) Nuh bilan birga ko‘targanlarimizning zurriyotlari! Albatta, u o‘ta shukrli banda edi.
Nuh (a. s.) o‘ta shukrli banda edi. Unga iymon kеltirganlar ham o‘ta shukrli bandalar edilar. Sizlar ham shukrli bo‘linglar.

Ularga najot bergan va kemada Nuh alayhissalom bilan birga kemada ko’targan kishilarimizning zurriyotlari Allohga ibodatlarida sherik qilmanglar. Uning ne’matlariga shukr qiluvchi bo’linglar. Nuh alayhissalomga ergashuvchi bo’ling. Albatta u Allohga qalbi, tili va a’zolari bilan shukr qiluvchi banda bo’lgan edi.

Anbiyo-80

وَعَلَّمْنَاهُ صَنْعَةَ لَبُوسٍ لَّكُمْ لِتُحْصِنَكُم مِّن بَأْسِكُمْ فَهَلْ أَنتُمْ شَاكِرُونَ

Biz unga sizlar uchun sizni yomonlikdan saqlaydigan kiyim qilish san’atini o‘rgatdik. Endi shukr qilarsizlar?!
Alloh subhanahu va taolo xabar berib aytadiki, Dovud alayhissalom sovut yasash kasbi bilan xoslangan edi.