MUSLIMALAR

telegram.me/Muslimalar
⚜⚜⚜⚜⚜⚜⚜⚜

🔸🔹🔶🔷Хатми Қуръон🔷🔶🔹🔸

Хатми Қуръон – Қуръонни бошидан охиригача ўқиб тушуришга айтилади. Хатми Қуръонни Қуръонни ўқишни яхши биладиган, уни устозига ўқиб топширган одамгина ўқийди. Хатми Қуръонни уч кундан оз вақтда қилиб бўлмайди. Қуръонни ўқиб юрадиган одам уни бир ойда бир марта хатм қилиб туриши яхшидир.

Абдуллоҳ ибн Амр розияллоҳу анҳудан ривоят қилинади: «Эй Аллоҳнинг Расули, Қуръонни қанчада қироат қилай?» дедим. «Уни бир ойда хатм қил», дедилар. «Албатта, менинг ундан афзалига ҳам тоқатим етади», дедим. «Уни йигирма кунда хатм қил», дедилар. «Албатта, менинг ундан афзалига ҳам тоқатим етади», дедим. «Уни ўн беш кунда хатм қил», дедилар. «Албатта, менинг ундан афзалига ҳам тоқатим етади», дедим. «Уни ўн кунда хатм қил», дедилар. «Албатта, менинг ундан афзалига ҳам тоқатим етади», дедим. «Уни беш кунда хатм қил», дедилар. «Албатта, менинг ундан афзалига ҳам тоқатим етади», дедим. У зот менга рухсат бермадилар».

Яна ўша кишидан ривоят қилинади: «Набий соллаллоху алайҳи васаллам: «Ким Қуръонни уч кундан озда ўқиса, яхши англамабди», дедилар». Иккисини Абу Довуд ва Термизий ривоят қилишган.

Биз ҳам Қуръонни хатмини қилишга одатланишимиз лозим. Буни олдин қилмаган бўлсак, шу рўзадан бошлаб амалга оширайлик. Қуръонни ўқишни билмаган одамлар эса, шу умидда Қуръонни ўқишни ўрганишни бошласинлар, бу ўзлари учун яхши амалларга одатланишга, қила олмаётган амалларини бошлаб олишга сабаб бўлиши мумкин.

Хатми Қуръонни кўпчилик билан қилиш яхшидир. Уни маъноларини тадаббур қилиб ўқиш, мақсадга мувофиқдир. Уни маъноларини тадаббур қилишга имконсиз бўлганлар тафсирни олиб, уни эринмай ўқишлари лозим. Шунда нимани ўқиётганларини тушунишлари, тадаббур қилишлари осон бўлади.

Рўзада инсонлар кўпроқ амаллар қилишга уринишади. Чунки рўзадаги амалларнинг савоби орттирилиб берилади. Рўзада хатми Қуръонни қилиш яхши амаллар сарасига киради. Чунки Пайғамбаримиз соллаллоҳу алайҳи васаллам шундоқ қилганлар. Уни Жаброил алайҳиссаломга бир неча бор ўтказганлар.

Ибн Аббос розияллоҳу анҳудан ривоят қилинади: «Набий соллаллоҳу алайҳи васаллам яхшилик қилишда одамларнинг энг сахийси эдилар. У зотнинг энг сахий пайтлари эса, Рамазонда Жаброил мулоқотларига келганда бўлар эди. Жаброил алайҳиссалом Рамазон тамом бўлгунича ҳар кеча У зотнинг хузурларига келар эди. Пайғамбар соллаллоҳу алайҳи васаллам унга Қуръонни арз қилар (ўқиб берар) эдилар». Бошқа ривоятда: «Бас, у билан Қуръон ўқишар эди. Шунда қачон У зотга Жаброил алаҳиссалом мулоқот қилса, эсган шамолдан ҳам сахийроқ бўлиб кетар эдилар», дейилган. Икки Шайх ривоят қилган.

Рўзада Қуръонни хатм қилиш кўпчилик билан бўлиши мақсадга мувофиқ. У ерда уни тушунадиганлар, озроқ тушунадиганлар ва янги ўрганаётганлар бўлади. Улар кузатиб туриб хатоларини билиб олишлари, тафсирни зикр қилиб ўтилса қилаётган амалларини тўғрилашлари ёки билмаганларини билиб олишлари мумкин. Яна кўпчилик билан қилинган дуолар мақбулдир.

Манба: Муслимаат уз

telegram.me/Muslimalar
⚜⚜⚜⚜⚜⚜⚜⚜

davomi👇...

Oshqozon osti bezi
🍃🍂🍃🍂🍃🍂🍃🍂🍃

Ro‘za oshqozon osti beziga dam olish imkoniyatini beradi. U shakarni to‘qimalarda to‘planadigan quruq yoki yog‘li moddalarga aylantiradigan insulin ajratib chiqaradi.

Agar insulin ovqat ko‘pligi tufayli me’yoridan ortiq ishlab chiqarilsa, u oshqozon osti beziga ziyon yetkazadi va charchoqni keltirib chiqaradi.

Oxir-oqibat u o‘z funksiyalarini bajara olmasdan qolib, qonda shakar to‘plashi mumkin, bu esa oqibatda, qandli diabetni keltirib chiqaradi.

Jigar
🍃🍂🍃🍂🍃

Jigar ro‘za chog‘ida o‘z faoliyatini kuchaytiradi. Organizmdan siydik pufagi va yo‘g‘on ichak orqali zaharli moddalar chiqib ketadi.

Ushbu jarayon organizmda to‘plangan yog‘larni yo‘q qilishga yordam beradi va jigar hujayralarini faollashtiradi.

Buyrak
🍃🍂🍃🍂🍃

Ro‘za vaqtida organizmda suyuqlikning kamayishi buyraklar ishiga ijobiy ta’sir ko‘rsatadi, xususan, qon bosimi pasayishiga olib keladi, bu esa qon bosimi yuqori bo‘lgan kishilar uchun foydalidir.

Shuningdek, ro‘za chog‘ida natriy, oksalatlar va fosfatlar kabi tuzlar konsentratsiyasi kamayadi, bu esa tosh va o‘smalarni hosil qiluvchi cho‘kindilarga to‘sqinlik qiladi.

Ko‘z
🍃🍂🍃🍂🍃

Ro‘za tutganda organizmdan chiqariladigan ajralmalar, masalan, ko‘zni fiziologik jihatdan asrash uchun javobgar bo‘lgan ko‘z yoshi miqdori kamayadi. Bundan tashqari, ko‘z soqqasining ichki bosimi pasayadi, natijada glaukoma kabi xavfli kasalliklarda bemorning ahvoliga ijobiy ta’sir ko‘rsatiladi va ko‘zning to‘rpardasida qo‘shimcha kasalliklar yuzaga kelishi xavfi kamayadi.

Bo‘g‘imlar
🍃🍂🍃🍂🍃🍂🍃

Ro‘zador odamning organizmi bo‘g‘im og‘rishiga sabab bo‘ladigan zaharli moddalardan tozalanadi.
Tibbiyotda uni ro‘za orqali tozalanib, davolashdan boshqa davosi topilmagan.

U, shuningdek, bo‘g‘imlarda ko‘p midorda siydik kislotasi cho‘kib qolishi hamda sifatsiz go‘sht va sut iste’mol qilish natijasida yuzaga keladigan podagra (qo‘l-oyoqlar zirqirab og‘rishi) bilan kasallanish ehtimolini kamaytiradi.

Манба: Аёл уз

telegram.me/Muslimalar
⚜⚜⚜⚜⚜⚜⚜⚜

Ro‘za tutishning sog‘liq uchun foydali jihatlari
🌺🌺🌺🌺🌺🌺🌺🌺🌺🌺🌺🌺🌺

Tunisdagi tibbiy jurnal 30 nafar sog‘lom kishi (21 nafari — ayollar) ishtirokida o‘tkazilgan tadqiqot natijalarini e’lon qildi, deb yozadi “Islam uz”. Tahlillar uchta bosqichda — Ramazondan 3 hafta oldin, uning so‘nggi haftasida va uch haftadan so‘ng olindi. Glyukoza, yog‘lar va xolesterinning qondagi miqdori tekshirildi. Ramazonda ro‘za tutganlarning tahlil natijalari juda yaxshi bo‘lib chiqdi.

Ro‘za inson salomatligiga ijobiy ta’sir o‘tkazishi haqida ko‘p eshitganmiz. Ammo ushbu faktning yanada batafsil va aniq tasdig‘ini diyetolog shifokorlardan bilib olishimiz mumkin. Ularning so‘zlari tibbiy jihatdan tasdiqlangan. Ro‘za odam organizmining turli organlariga ijobiy ta’sir ko‘rsatishi bilan bog‘liq ba’zi misollar bilan maqolada tanishishingiz mumkin.

Miya
🍃🍂🍃🍂🍃

Ro‘za vaqtida organizm o‘z yog‘ zaxirasining bir qismini iste’mol qiladi, bu qondagi xolesterin miqdorini kamaytiradi, shu tariqa, insult ehtimoli kamayadi.

Yurak
🍃🍂🍃🍂🍃

Yurak tana bo‘ylab haydaydigan qonning 10 foizi ovqat hazm qilish apparatiga yo‘naltiriladi. Ro‘za chog‘ida ushbu foiz kamayadi, natijada yurakning ishlash shiddati biroz pasayadi va unchalik charchab qolmaydi.

Ro‘zadorning organizmida to‘planib qolgan yog‘lar eriydi, bu qondagi xolesterin miqdoriga yaxshi ta’sir qiladi.

Oddiy kunlarda u qon tomirlari devorlariga o‘tirib qoladi va arterioskleroz va baland qon bosimiga olib kelishi mumkin.

Qon
🍃🍂🍃🍂🍃

Ro‘za qondagi suv miqdorini kamaytiradi, bu uning quyuqlashishiga olib keladi. Bu esa o‘z navbatida, tomirlardagi qon miqdorini kamaytirib, prostaglandin ajralib chiqishini kuchaytiradi. U qon aylanish tizimi ishida muhim rol o‘ynab, tomirlar faoliyati jarayonini ishga tushiradi.

Teri
🍃🍂🍃🍂🍃

Terida ham qonda bo‘lgani kabi, suv miqdori kamayadi, bu ko‘plab teri kasalliklari tuzalishiga turtki bo‘ladi.

Shuningdek, immunitet oshishi, teri kasalliklari paydo bo‘lishi ehtimolining kamayishi, allergiya kasalliklari kamayishi, husnbuzarlarning ba’zi sabablari bartaraf bo‘lishi, hatto, saraton kasalliklariga chek qo‘yilishiga olib keladi.

Ovqat hazm qilish tizimi
🍃🍂🍃🍂🍃🍂🍃🍂🍃🍂🍃

Me’da shirasi ro‘za vaqtida kamroq ishlab chiqariladi, oshqozondagi kislota miqdori kamayadi, natijada esa yarali kasalliklar paydo bo‘lishi ehtimoli pasayadi.

telegram.me/muslimalar
⚜⚜⚜⚜⚜⚜⚜⚜

davomi👇...

Тўртинчи насиҳат
🌸🌸🌸🌸🌸🌸🌸🌸

Рамазон рўза ойи, таом ойи эмас.
Аллоҳ Рамазон рўзасини мусулмонлар сабрга одатланиши учун фарз қилган. Токи улар нафсларини ва шаҳватларини тийувчи, Роббиларига тақво қилувчи бўлсин.

«Эй мўминлар, тақволи кишилар бўлишингиз учун сизлардан илгари ўтганларга фарз қилингани каби, сизларга ҳам рўза тутиш фарз қилинди». «Бақара», 183.

Салафларнинг биридан: «Рўза нима учун машруъ қилинган?»- деб сўралди. У жавоб берди: «Бой ҳам очлик нималигини билиши учун. Шунда камбағални унутмайди».

Муҳтарама опа-сингиллар! Бу ойни Аллоҳга итоат, ибодат қилмасдан беҳуда ўтказиб юборишдан эҳтиёт бўлинг.

Дарҳақиқат Рамазонга етиб, гуноҳлари кечирилмаган кимса бадбахт бўлибди.
Набий соллаллоҳу алайҳи васаллам айтдилар: «Одам боласи қорнидан кўра ёмонроқ идишни тўлдирмаган. Одам боласига гавдасини тутиб турадиган бир-икки луқма таом кифоя. Агар иложи бўлмаса, қориннинг учдан бири таомига, учдан бири ичимлигига ва яна учдан бири эса нафас олишигадир». Аҳмад ва Термизий ривояти.

Бешинчи насиҳат
🌸🌸🌸🌸🌸🌸🌸🌸🌸

Рамазон – Қуръон ойидир
Рамазон ойининг Қуръон билан ўзига хос боғлиқлиги бор.
«(У саноқли кунлар) Рамазон ойидирки, бу ойда одамлар учун ҳидоят бўлиб ва ҳидоят ва Фурқон (ҳақ билан ботилни ажратгувчи)нинг очиқ оятлари бўлиб, Қуръон нозил қилинган». «Бақара», 185.

Рамазон ва Қуръон бир-бирига боғлиқдир. Рамазон зикр қилинганда Қуръон ҳам зикр қилинади.

Ибн Аббос розияллоҳу анҳудан ривоят қилинади: «Расулуллоҳ соллаллоҳу алайҳи васаллам инсонларнинг энг қўли очиғи эдилар. Рамазонда Жаброил алайҳиссалом билан учрашган пайтларида яна ҳам сахийроқ бўлар эдилар. Жаброил Расулуллоҳ соллаллоҳу алайҳи васаллам ҳузурларига Рамазоннинг ҳар кечасида келарди ва Қуръондан таълим берарди.

Расулуллоҳ соллалоҳу алайҳи васаллам Жаброил алайҳиссалом билан учрашган пайтларида ҳур шамолдан ҳам яхшиликни улашувчи, сахийроқ бўлар эдилар».
Бухорий ва Муслим ривояти.

Демак, Рамазон тунлари Қуръон тиловат қилиш ва Қуръондан дарс қилиш мустаҳаб экан. Чунки кечаси ташвишлар тин олади. Инсон бир хотиржамлик туяди.

«Албатта кечаси (ибодат учун бедор бўлиб) туриш (тун уйқу-ором вақти бўлгани сабабли) жуда оғир юкдир ва (лекин у пайтда кундузги безовталиклар бўлмагани учун) энг тўғри сўздир». «Муззаммил», 6.

Салафлар Рамазонни Қуръон тиловати билан ўтказардилар. Баъзилари Рамазоннинг ҳар ўн кечасида қоим бўлиб, Қуръонни хатм қилардилар. Қатода ҳар доим етти кунда хатм қиларди.
Рамазонда эса уч кунда хатм қиларди. Охирги ўн кунлигида ҳар кеча хатм қиларди.

Зуҳрий Рамазон ойи кирса, «Бу ой Қуръон тиловат қилиш ва таом бериш ойидир»- деб айтарди.
Ибн Абдулҳакам айтади: «Молик Рамазон ойи кирганида ҳадис ўқишни ва илм аҳли давраларини тарк қилиб, мусҳафдан Қуръон тиловат қилишга киришар эди».

Абдураззоқ айтади: «Суфён Саврий Рамазон ойи кирганда барча ибодатларни тарк қилиб, Қуръон тиловатига киришарди».

Сиз ҳам Қуръон тиловатини одат қилиб олинг. Шунда қалбингиз уйғонади, нафсингиз покланади ва аъзоларингиз Аллоҳ ҳукмига бўйсунади. Ин шаа Аллоҳ Қиёмат куни Қуръоннинг шафоатига ноил бўласиз.

Набий соллаллоҳу алайҳи васаллам айтдилар: «Рўза ва Қуръон Қиёмат куни бандага шафоатчи бўлади. Рўза айтади: «Эй Роббим. Мен уни таомдан ва шаҳватдан тўсдим. Мени унга шафоатчи қилгин».

Қуръон айтади: «Мен уни кечаси уйқудан тўсдим. Мени унга шафоатчи қилгин». Ҳар иккаласи шафоатчи қилинади».

Аҳмад ва Ҳоким ривояти.

Muslimaat.uz

telegram.me/muslimalar
⚜⚜⚜⚜⚜⚜⚜⚜

davomi👇...

Учинчи насиҳат
🌸🌸🌸🌸🌸🌸🌸

Муслима тутган рўзаси Аллоҳ ҳузурида қабул бўлиши учун рўзанинг фарзлари, суннатлари ва одобларини ўрганиши лозим.

Аёллар рўзасига тегишли бўлган ҳукмларни келтириб ўтамиз.

1. 🌷 Балоғатга етган, оқила, муқим (мусофир эмас), қодир (касал эмас), ҳайз ва нифос каби ман қилувчилардан холи ҳар бир муслима аёлга рўза тутиш фарз бўлади.

2. 🌷 Агар навниҳол қиз кундузи балоғатга етса, куннинг қолган қисмида (рўзани бузувчи нарсалардан) тийилиши керак. Чунки унга рўза фарз бўлди. Ойнинг ўтган қисмининг рўзасини қазо қилиб тутиб бериши лозим эмас. Чунки у пайтда унга рўза вожиб эмас эди.

3. 🌷 Фарз рўзада қалб билан ният қилиш шарт. Тил билан талаффуз қилинмайди. Шунингдек, қазо рўза ва кафорат рўзалари каби вожиб рўзаларда ҳам ният шарт.

Расулуллоҳ соллаллоҳу алайҳа васаллам айтадилар: «Кечаси рўза (тутишни ният) қилмаган кишига рўза йўқ. (Яъни рўзаси саҳиҳ эмас)». Аҳмад ривояти.

Рўзани туннинг қайси қисмида, ҳатто тонг киришидан бир лаҳза олдин бўлса ҳам ният қилсангиз, рўза дуруст бўлади.

4. 🌷 Рўзани бузадиган нарсалар еттита;

а) Жимоъ
б) Қучоқлашганда, ўпганда эркак ёки аёлдан маний келиши
в) Емоқ, ичмоқ
г) Озиқлантирувчи укол каби қувват бўладиган нарсалар
д) Қон олдириш йўли билан қон чиқариш
е) Қасддан қайт қилиш
ж) Ҳайз ва нифос қонининг келиши

Ҳайз кўрган аёл оқ ипни (яъни ҳайз тугагандан кейин чиқадиган оқиш суюқлик.. Бу билан аёл покланганини билади) кўрса, кечаси рўзани ният қилиб, рўза тутади.

Агар аёл покланганини билолмаса, пахта ёки шунга ўхшаш нарса билан артинади. Тоза бўлса, рўза тутади. Ҳайз қони бўлса, рўза тутмайди.

2.☘ Ҳайз кўрган аёл ўз табиатида қолиши афзал. Аллоҳ унга ёзиб қўйган нарсага рози бўлсин ва ҳайзни тўсадиган амалларни қилмасин. Чунки бу (ҳайз) Аллоҳ таъоло Одам алайҳиссалом қизларига ёзиб қўйган нарсадир.

3. ☘Агар нифос кўрган аёл қирқ кун тўлмасдан покланса, рўза тутади ва намоз учун ғусл қилади. Агар нифоси қирқ кундан ўтиб кетса, рўза ниятида ғусл қилади. Тўхтамаётган қонни истиҳоза деб эътиборга олади. Лекин одатий ҳайз вақтига тўғри келса, ҳайз ҳисобланади.

4. ☘Истиҳоза қони рўзани бузмайди.

5. ☘Ҳомиладор ва эмизикли аёл касалга қиёс қилинади. Оғиз очишлари жоиз. Улар қазосини тутиб беришади.
Набий соллаллоҳу алайҳи васаллам айтдилар: «Аллоҳ мусофирдан рўзани ва намознинг ярмини кечди. Ҳомиладор ва эмизикли аёлдан рўзани кечди». Термизий ривояти.

6. ☘Рўзадор эҳтиёж туғилганда таомни татиб кўриши мумкин. Лекин ютиб юбормайди. Оғзига олган таомни туфлаб ташлаши рўзасини бузмайди.

7. ☘Шом намозидан олдин ифторликни тезлаштириш ва саҳарликни кечиктириш мустаҳаб бўлади.

Расулуллоҳ соллаллоҳу алайҳи васаллам айтдилар: «Инсонлар модомики ифторликни тезлаштирар эканлар, яхшиликда давом этадилар». Муттафақун алайҳ.

Davomi bor...

telegram.me/muslimalar
⚜⚜⚜⚜⚜⚜⚜⚜

Аёлларга Рамазон насиҳатлари
🌺🌺🌺🌺🌺🌺🌺🌺🌺🌺🌺🌺🌺

Афсуски, кўпчилик бу улуғ ойда исрофлар қилишаяпти. Оилаларнинг Рамазон ойида истеъмол қиладиган таомлар миқдори, йилнинг бошқа ойларига нисбатан кўпроқ.

Фақат Аллоҳ раҳм қилганлар бундан мустасно. Шунингдек, аёл кунининг кўп қисмини ошхонада турли таомлар ва ичимликлар тайёрлаш билан ўтказиб юборади.

Энди у қачон Қуръон ўқийди? Қачон Аллоҳни зикр қилиб, У Зотга дуо ва истиғфор билан юзланади? Қачон рўза ҳукмлари ва кечаси қоим бўлиш одобларини ўрганади? Қачон Аллоҳга итоат қилиш учун фурсат топади?

Оламлар Роббиси Аллоҳга ҳамду санолар бўлсин ҳамда Пайғамбаримиз Муҳаммад ибн Абдуллоҳга, аҳли оилаларига ва саҳобаларига салоту саломлар бўлсин.

Биз муборак Рамазон ойининг кириши муносабати билан ушбу қисқа калималарни ва қимматли нидоларни муслима аёлларга бағишлаймиз.

Аллоҳ таъолодан бу насиҳатларни мўмина опа-сингилларимизга фойдали қилишини ва уларга Аллоҳга итоат қилишларида ҳамда бу улуғ ойда Аллоҳнинг розилиги ва мағфиратига етишишларида ёрдамчи қилишини сўраймиз.

Биринчи насиҳат
🌸🌸🌸🌸🌸🌸🌸🌸🌸🌸

Рамазон биз шукр қилишимиз лозим бўлган неъматдир. Муҳтарама опа-сингиллар!

Рамазон ойи Аллоҳнинг мўмин бандаларига берган энг улуғ неъматларидандир. Бу ойда Аллоҳнинг раҳмати ёғилади, гуноҳлар мағфират қилинади, ажр-савоблар кўпайтирилади ва Аллоҳ бандаларини жаҳаннамдан озод қилади.

Набий соллаллоҳу алайҳи васаллам айтдилар: «… Агар Рамазон ойи кирса, жаннат дарвозалари очилади, жаҳаннам қопқалари ёпилади ҳамда шайтонлар занжирбанд қилинади…».

Муттафақун алайҳ.

«Кимки иймон билан ва савоб умид қилиб, Рамазон рўзасини тутса, унинг олдин қилган гуноҳлари кечирилади. Кимки иймон билан ва савоб умид қилиб Рамазонда (кечалари) қоим бўлса, унинг олдин қилган гуноҳлари кечирилади».

Муттафақун алайҳ.

Аллоҳ таъоло Ҳадиси Қудсийда айтади: «Одам боласининг барча амаллари ўзи учундир. Фақат рўза Мен учундир. Унинг мукофотини ҳам Ўзим бераман».

Муттафақун алайҳ.

Расулуллоҳ соллаллоҳу алайҳи васаллам айтдилар: «Рамазон ойининг ҳар кеча-кундузида Аллоҳнинг жаҳаннамдан озод қиладиган бандалари бор ва ҳар бир мусулмоннинг дуо қилса, ижобат қилинадиган бир дуоси бор».

Аҳмад ривояти.

Яна бу ойда Қадр кечаси ҳам бор. «Қадр кечаси минг ойдан яхшироқдир». (Қадр, 3)

Муниса опа-сингиллар! Биз Рамазон ойининг баъзи фазилатларини зикр этдик. Бу Аллоҳнинг сизга берган неъматининг нечоғлик улуғлигини баён қилиб беради. Сизни бошқалардан афзал қилиб, Рамазон рўзаси ва қиёми учун тайёрлади.

Ўтган Рамазонда биз билан бирга рўза тутган қанча кишилар ҳозир тупроқ остида, қабрларидалар. Бу неъмат учун Аллоҳга шукр қилинг, уни гуноҳлар ва ёмонликлар билан қарши олманг. Акс ҳолда, бу неъмат завол топади.
Мана бу шоирнинг сўзи қандай ҳам яхши:

Шукр эт, Аллоҳнинг иноятига,
Токи гуноҳ сабаб топмасин завол.
Омонлик фақат Ҳақ ибодатида,
Ношукр бандага кўп оғир савол.

Иккинчи насиҳат
🌸🌸🌸🌸🌸🌸🌸🌸🌸🌸

Рамазонни қандай қаршилайсиз?
🍀🍀🍀🍀🍀🍀🍀🍀🍀🍀🍀

Ҳақиқий тавба қилишга шошиш билан…
«Барчаларингиз Аллоҳга тавба қилинглар, эй мўминлар! Шоядки (шунда) нажот топсангизлар». (Нур, 31)

2.🌹 Ёлғон, ғийбат, чақимчилик, бузуқлик, мусиқа, жоҳилият ясан-тусани, номаҳрамлар билан аралашиш каби барча гуноҳлардан халос бўлиш билан…

3.🌹 Рамазонни солиҳ амаллар билан барпо қилишга ҳамда қимматли вақтларни беҳуда сарфламасликка қатъий ният ва олий ҳиммат билан…

4.🌹 Зикр, дуо, истиғфор ва Қуръон тиловатини кўпайтириш билан.

5.🌹 Беш вақт намозни ўз вақтида, хотиржам ва хушуъ билан адо қилиш.

6.🌹Фарзларни бажаргандан кейин нафл ибодатларни ҳам комил адо қилиш билан.

Davomi bor....

telegram.me/muslimalar
⚜⚜⚜⚜⚜⚜⚜⚜

#Salomatlik

✨Асабни даволаш✨

🍓Асалари мумидан варақ ясаб қотган асабларга қўйиб боғланса, уларни юмшатади.

🍓20-25 гр. ширинмия илдизи пўстини шилиб ташлаб, бир кеча-кундуз сувда ивитиб ичилса, асаб касалликларига даводир.

🍓Мурч, шакар, мош еб юрилса, асаб хасталикларини даволайди.

🍓Ҳар куни 3-4 гр. дарахт пўкини элакдан ўтказиб, алоэ билан ейилса, асаб касалликларига шифо бўлади.

🍓5 гр. хина гулини янчиб чой ёки сув билан ичилса, асаб хасталикларидан фориғ бўласиз. Уни янчиб, бош ва пешонага боғлаш ҳам мумкин.

🍓Чувалчангни янчиб, узилган асабларга боғланса, уларни пайванд қилади (уч кун боғлиқ ҳолда туриши шарт).

🍓Кунжутни туйиб йўғонлашган асабларга боғланса, асабларни даволайди.

🍓Кунгабоқар гули сувидан 7-8 гр. ичилса, асаб иллатларига шифодир.

🍓Бодом мағзини янчиб, шакар ёки асалга аралаштириб мунтазам истеъмол қилиб юриш асабнинг давоси, мияни қувватлантирувчи, ақлни зиёдалаштириб, фикрни тиниқлаштирувчи воситадир.

🍓Семизўт, сунбул, қоқигул дамламаси асаб хасталикларини, уйқусизлик ва ғам-ташвишни кетказади.

🍓Ёнғоқ баргини қайнатиб, унинг сувидан бир пиёласини баданига суртган бемор асаб касалликларидан қутилади.

🍓Чирмовуқнинг меваси ва ҳар томонга отадиган «ип»ларини озроқ қайнатиб, мурч билан истеъмол қилинса, мия ва асаб касалликларига ишфо бўлади, иншааллоҳ.

Манба: Оилам уз

telegram.me/muslimalar
⚜⚜⚜⚜⚜⚜⚜⚜

#Farzand

Боланинг мулоқот қила олмаслиги – АУТИЗМ
🍂🍂🍂🍂🍂🍂🍂🍂🍂🍂🍂🍂

Бола нутқи ва тили ривожланишида боланинг тўғри эмоционал ривожланиши жуда катта аҳамият касб этади. Бола мулоқот қилишни хоҳлаши керак. Лекин мулоқотдан ўзини олиб қочадиган болалар учраб туради. Бунинг сабаби кўп ва турлича бўлиши мумкин.

Масалан, ёмон оила ва атроф-муҳит тарбияси, чўчиб кетиш билан боғлиқ психик шикаст, боланинг оиладан бирдан ажралиши, ёки касалхонага тушиб ёлғизланиб қолиши, дудуқланиш ва бошқалар.

Боланинг мулоқот қила олмаслиги АУТИЗМ деб аталади – бунда бола умуман «ўзига кириб кетиб», атрофдагилар билан алоқа қилмасликни истайди. Бу ҳолат болада психологик касаллик мавжудлигидан далолат беради. Бундай болалар муомала қилмайдилар, атроф-муҳитга ҳеч қандай қизиқиш билдирмайдилар, қўрқув кўрсаткичлари болада намоён бўлиб туради.

Аутизм болалари жисмонан битта ҳаракатни қайтариб юришни маъқул кўрадилар. Айримларида агрессия кузатилса, бошқалар эса аксинча жудаям пассивлиги, бефарқилиги билан ажралиб туради.

Болада кичиклигиданоқ аутизм аломатларини аниқлаш мумкин:

1. Бундай болалар катталар билан ҳар қандай алоқадан ўзларини олиб қочади, масалан, бошқа болалар сингари онасига ёпишмайди.
2. Кўзга тик қарай олмайди.
3. Кўз учи билан қараш одати кўп кузатилади.
4. Товушларга реакция қилмайди (буни кўпинча болада эшитиш қобилияти пасайиши билан адаштириш мумкин).
5. Бола мулоқот қилса ҳам табассум, кулги, мимика каби эмоция қилолмайди.
6. Бола уйқуси бузулган бўлади.
7. Бола суҳбат қилса ҳам, бошқа томонга қараб ҳеч ким билан гаплашмаётгандек ўзини тутади.
8. Бола доим нимадандир қўрқиб туради (оддий чироқ ҳам қаттиқ қўрқув сабачиси бўлиши мумкин).
9. Хатар нима эканлигини ҳам билмаслиги мумкин. Масалан, машина йўлига чопиб кетади, баланд жойларда сакраб ўзини отади.
10. Болада атроф билан мулоқот қилишга ичидаги кучли қаршилик йўл қўймайди. Бола доим илтимос, талаб ва ҳаракатларга қаршилик кўрсатгиси келади.

Кўпинча ота-оналар аутизм аломатларини англай олмай бола эркалик қиляпти, шохлик қиляпти, қулоқ солмаяпти деб болани куч билан тинчлантирмоқчи бўлади ёки болага қўйилган талабларни бажариш учун жазолаш усулларини ҳам қўллайди. Бундай муомала бола психикасига баттар таъсир кўрсатиб, боланинг психологик ҳолатини янада оғирлаштириб юборади.

Болада аутизм аломатларини сезсангиз, уни психиатрга кўрсатинг.
Мақола ёққан бўлса, дўстларингиз билан бўлишинг!
Манба: Фарзандим уз

Muslima ayollar uchun ma'rifiy kanal.
Kiring, qo'shiling, tanishlaringiz bilan bo'lishing

💐💐💐💐💐💐💐💐💐💐💐💐

http://telegram.me/muslimalar

http://telegram.me/muslimalar
⚜⚜⚜⚜⚜⚜⚜⚜⚜⚜⚜⚜


Аллоҳнинг зикри билан калблар ором олур
🍀🍀🍀🍀🍀🍀🍀🍀🍀🍀🍀

Зикрнинг луғавий маъноси Аллоҳни эслашдир. Аллоҳни кўп зикр этган банданинг қалби покланади, имони мустаҳкамланади, дуолари ижобат бўлади, ихлоси ортади.
Пайғамбаримиз (соллаллоҳу алайҳи ва саллам) бундай марҳамат қилганлар: “Қайси бир қавм (жамоа) Аллоҳнинг зикри учун йиғилса, уларни фаришталар тавоф қиладилар, уларга Аллоҳнинг раҳмати ёғилади, уларнинг даврасига сокинлик тушади, Аллоҳ уларни Ўзига яқин фаришталар билан бирга ёдлайди” (Муслим ривояти).

Аллоҳга тасбеҳ, такбир, таҳлил айтиш, ҳамд, шукр келтириш, дуо ва салавотлар айтиш, Қуръон тиловат қилиш, намоз ўқиш, рўза тутиш, закот, садақот ва инфоқ қилиш ҳамда ҳаж ва умра қилиш айни зикрдир.

Аллоҳ таолонинг зикрини адо этиш учун зокир маънавий жиҳатдан ва жисмоний жиҳатдан пок бўлиши шарт. Дил ва тил билан бажариладиган зикрлар, масалан, тасбиҳ, таҳлил, таҳмид, такбир, Пайғамбаримиз (соллаллоҳу алайҳи ва саллам)га юбориладиган салавотлар ва дуоларни таҳоратсиз, жунуб, ҳайзли, нифосли ҳолда ҳам айтавериш жоиздир.

Йўлда юриб кетаётган ва ҳаммомда ювинаётган ҳолда зикр айтиш мумкин. Зикр айтувчининг оғзи ҳам пок бўлиши зарур. Агар оғизга нажосат, масалан, маст қилувчи ичимлик, гиёҳванд модда, нос ва бошқа нарсалар тушиб қолса, уни сув билан ювиб покламасдан туриб зикр ва дуо ўқиш макруҳдир.

Зикр ва дуо Аллоҳга тазарру бўлгани учун, энг гўзал ҳолда, қиблага юзини бурган, ҳақиқий муҳтож кишилардек, ялиниб-ёлворган ҳолда қилинса, ижобати яқинроқ, савоби улуғроқ бўлади. Аммо ҳар қандай ҳолатда ҳам зикр ва дуо қилинса жоиз эканлигига Қуръон ояти ва Пайғамбаримиз (соллаллоҳу алайҳи ва саллам)нинг муборак ҳадисларида ҳужжат бор.

Қуръони каримнинг ўн учта сураси 16 оятида зикрга буюрилган. Саид ибн Жубайр: “Киши бирор амални бажаришда Аллоҳга итоат, Унинг розилигини топиш ниятида бўлар экан, у зокирдир”, деган. Пайғамбаримиз (соллаллоҳу алайҳи ва саллам) дедилар: “Эр ярим тунда аёлини уйқудан уйғотса, икковлари ҳам икки ракат (таҳажжуд) намоз ўқисалар, “Аллоҳни кўп зикр этувчи эркаклар ва Аллоҳни кўп зикр этувчи аёллар” (Аҳзоб, 35) қаторига ёзиладилар (Абу Довуд ривояти).

Зикр пайтида биров салом бериб қолса, бирор одамнинг акса урганини эшитиб қолса, имом хутба бошлаб қолса, муаззин азон айтиб қолса, биров чақириб қолса, бировга ёрдам бериш кераклигини билиб қолса, уйқу ғолиб келса, шу ондаёқ зикрни тўхтатиб, зарур ишни бажариб олади, кейин жойига қайтиб келиб, зикрни келган жойидан давом эттиради.

Хулоса қилиб айтганда, зикр бирор ибодат ёки солиҳ амал қилаётган банданинг Аллоҳ билан қалбан боғлиқлигидир. Зокирлар эса “Улар имон келтирган ва қалблари Аллоҳнинг зикри билан ором оладиган зотлардир. Огоҳ бўлингизки, Аллоҳни зикр этиш билан қалблар ором олур” (Раъд, 28).

Раҳматуллоҳ қори Обидов