Muvaffaqiyat.tahlil.uz | Live

​​Tez charchayapsizmi?
Uxlab tursangiz ham charchoqlaringiz chiqmayapdimi?

Ish va o'qishda samaradorlikni oshirish uchun quyidagi 4 ta omil juda muhim:

1️⃣ Tana energiyasi
2️⃣ Ehtiroslarning energiyasi
3️⃣ Diqqatni jamlash energiyasi
4️⃣ Ma'naviy energiya

Biz mana shu 4 ta omilni yaxshilab boshqarishni o'rgansak, ishda ham, o'qishda ham yuqori darajadagi samaradorlikni ko'rsata olamiz. Kun davomida qanday harakat qilishingizga qarab, energiyalaringizni to'g'ri taqsimlab chiqing. Va unga imkon qadar amal qiling.

​​​​Har kuni uyqudan uygʻonganingda senga 86400 dollar beriladi, yagona shart esa sen ularni kun davomida sarflab tugatishing zarur, qoldiqni uxlashga yotganingda sendan olib qoʻyishadi – bu ana shunday inʼom, ushbu oʻyin istalgan vaqtda tugashi mumkin. Savol: sen bu pullarni nimaga sarflagan boʻlarding?

U har bir dollarni oʻzining shaxsiy oʻyin-kulgusi, shuningdek, sevimli insonlari uchun koʻplab sovgʻalar sotib olish uchun ishlatishini aytdi.
U mazkur sehrli bankning har bir sentini oʻzi va atrofdagilar hayotiga baxt olib kelish uchun ishlatgan boʻlar edi, “hatto bilmagan insonlar uchun ham, chunki oʻzimga va yaqinlarimga kuniga 86400 dollar ishlata olarmidim; biroq nima uchun buni soʻrayapsan?”
Ushbu sehrli bank har birimizda bor, bu — vaqt!

Moʻl-koʻllik manbaidan doimiy ravishda soniyalar oqib tushadi... Har kuni ertalab uygʻonganimizda biz kuniga 86400 miqdoridagi kreditga ega boʻlamiz, kechqurun uxlashga yotganimizda esa zaxira tugaydi, kun davomida nima sodir boʻlganiga qaramay – tugab bitadi. Har kuni tongda sehrgarlik qaytadan boshlanadi, bizga yana 86400 soniya kreditga beriladi.

Chetlab oʻtish mumkin boʻlmagan qoida asosida oʻyin oʻynaymiz: bank hisobni istalgan onda ogohlantirishlarsiz yopib qoʻyishi mumkin; hayot istalgan soniyada toʻxtab qolishi mumkin. Kunlik 86400 soniyalarni nimaga ishlatamiz? Soniyalar dollarga qaraganda muhimroq-ku, shunday emasmi?

Mark Levi
”Osmon va yer orasida”

Ⓜ️ Mirjamol

👉 @muvaffaqiyat_tahlil_uz

​​Inson xotirasi.

Bizning oʻqishimiz, oʻrganishimiz va koʻrgan eshitgan narsalarimizni eslab qolish uchun miya xotirasining oʻrni cheksiz.

Lekin, biz inson boʻlganimiz uchun, vaʼdalarimizni va qilmoqchi boʻlgan rejalarimizni tez unutib qoʻyamiz.

Bunga sabab, xotiramizga haddan ortiq ishonib yuborishimizdir.

Yaponlarni xotirasi kuchli boʻladi, har bir narsani yodda tutadi. Vaʼda bersa, bajaradi. Vaqtga juda eʼtiborli deb oʻylaymiz.

Aslida ham shundaymi?

Yoʻq, aslida yaponlarning xotirasi ham biznikidan farq qilmaydi. Ularning ustun tomoni xotirasi emas, yon daftaridir.

Har bir yaponning qoʻlida albatta yon daftari boʻladi. Yon daftariga 1 yillik rejalar toʻliq kiritilgan boʻladi. Va kamida haftada bir rejalarini qayta koʻrib, xotirasiga ham joylab olishadi.

Ana shunda vaʼdasini ham bajaradi, aytilgan joyga ham vaqtida borishadi.

Kitoblar tahlili va undan olingan taʼsurotlar kanali 👇👇👇
https://t.me/joinchat/SjRSx0ejnxYajiDi

🧐 Dasturlash yoki 3D modellashtirish: Qaysi birini tanlash kerak?

Ko'p kishida, ayniqsa bizning obunachilarimizda bunday holat juda ko'p bo'lgan. Ular qaysi sohani tanlashni bilolmay qoladilar. Dasturlash ham, 3D modellashtirish ham zo'r soha. Ammo qaysi birinidir tanlash kerak-ku?

👨🏻‍💻 Dasturlash

Bir vaqtlar dasturchi odamlarning hayolida kompyuter ustasidek bo'lgan. Dasturchi bo'laman degan bolalarni aksariyat ota-onalar qaytarishga harakat qilgan, qaytargan ham. Hozir esa ushbu soha IT-ning eng rivojlangan sohasidir. Maosh bo'yicha ham, ish o'rinlari bo'yicha ham yuqori pog'onalarda turadi. Ushbu soha juda qiziq, ammo u qiyin tuyilishi mumkin, aslida ekspert uchun barchasi oson

🌐 3D modellashtirish

Ajoyib soha, O'zbekiston sharoitida endi-endi rivojlanayotgan soha. Ushbu sohani O'zbekistonda rivojlanishiga Abdusattor Abduraximovning hissalari juda katta. Chunki ilgari ushbu sohani eshitganlarning hayoliga 3d-kinolar kelardi, hozir esa mo'may pul keladi :) Bu soha ham zo'r, ish o'rinlari bo'yicha ham, frilansda ham talab katta. 3D dizayn hali yosh soha bo'lgani uchun unga talab borgan sari oshmoqda.

📌 Xulosa

O'zingizga quloq soling. Siz qaysi sohada o'zingizni yaxshi his etasiz, qaysi biri ko'proq yoqadi. Pul haqida o'ylamay turing, chunki mutaxassislar uchun doimo ish topiladi. O'zingizga yoqqan sohani tanlang.

Manba: @itechmedia

Kitoblar tahlili va undan olingan taʼsurotlar kanali 👇👇👇
https://t.me/joinchat/SjRSx0ejnxYajiDi

​​Vazifalarni va rejalarni oʻz vaqtida bajarish, sizga boʻlgan ishonchini oshiradi, aksincha...

Baʼzida oʻzimizni shunchalik band his qilamizki, goʻyo ish xonamizdagi barcha vazifalar bizga topshirilgandek.

Natijada, muhim boʻlgan vazifalarni, boshqalarga bergan vaʼdalarimizni unutib qoʻyamiz. Ayniqsa, hozirgi internet rivojlangan 21-asrda bu juda ham muhim.

Oʻzimizni oʻta band his qilib, hamkasbimizning, yoki doʻstimizning yozgan xatini koʻrib, unga javob yozishni unutib qoʻyamiz.

Natijada, oʻrtaga sovuqchilik tushadi. Bu internetning eng yomon tomonlaridan bir. Lekin, insonning qanchalik masʼuliyatli yoki masʼuliyatsiz ekanligini ham koʻrsatib beradi.

Yaponlar oʻrtasida kelgan xabarga uzogʻu bilan qancha vaqt mobaynida javob berish kerakligi haqida oʻtkazilgan soʻrovnomada 24 soat ichida deb javob berganlar 46 foizdan oshgan va bu eng maqbul variant sifatida qabul qilingan.

Oʻzimda ham hozirgi kunda aynan shunday muammolar koʻplab uchrayotgani uchun yanki kitob olib oʻqishni boshladim. Haqiqatan juda zoʻr kitob ekan.

Nasib qilsa, hayotimga tadbiq qilib, boshqlarning holatini ham his qilgan holda aniq bir vaqt belgilab, javob berishni yoʻlga qoʻyaman 😊

Zero, bizdan xabar kelishini kutib, vaqti bekorga ketayotgan insonning muhim boʻlgan vaqtini og'irlamaylik.

❗Uzogʻi bilan 24 soat ichida javob berishga harakat qilaylik. Oʻylaymanki buni hamma qila oladi.

Kitoblar tahlili va undan olingan taʼsurotlar kanali 👇👇👇
https://t.me/joinchat/SjRSx0ejnxYajiDi

​​Kuningizni qanday o’tkazasiz?

O’ylagan niyatlarimizni amalga oshirish uchun 1 kunda qancha vaqt ajratamiz? 1 kun 24 soatdan iborat. O’rtacha 8 soat uyqu, 8 soat ish, 1 soat nonushta, 2 soat ishga borib kelish va boshq narsalar uchun. 2-3 soat telefon va video, TV ko’rishga ketadi. Bor yo’g’i 2 soatcha o’z ustimizda ishlash uchun ajrata olsak xursand bo’lishimiz kerak.

Kunimizni samarali o’tkazish uchun, kunni ertalabdan emas, bir kun oldingi kechqurundan boshlash kerak bo’ladi. Uyquga yotishdan oldin, ertangi kunning eng muhim vazifasini (highlight) belgilab ilish kerak bo’ladi. Misol uchun ertaga ishdan bir 17:00 da qaytaman. Va 18:00 da uyda bo’laman. Farzandlarimga 30 minut kitob o’qib beraman. Yoki, Ertalab turib, 7:30 dan to’liq bir soat kitob o’qiyman, sport zalga boraman kabi aniq kunning muhim voqeasini belgilab qo’yish bilan kuningiz aniq bir reja asosida va samarali o’tdi.

Kuning boshidan oxirigacha kalendarga aniq qiladigan ishlaringizni yozib qo’yish ham samarali usullardan biri hisoblanadi. Vaqt haqidagi kitobni o’qiganimda muallifning fikrlari meni o’ziga tortdi. Muallif ham dastlab vaqt muammosiga duch kelgan va asosan ishlarini kechki payit bajargan. Lekin, barvaqt turishning samaralari haqida eshitgach, o’zgarishga harakat qilgan va bunga osonlik bilan erishgan. “Erta yotib, erta turaman, va tinch, sokin bo’lgan bu vaqtni kunning eng muhim vazifasini qilishga ajrataman” uning shioriga aylanadi.

Xullas bir kuningizga dizayn berish belan vaqt muammosidan osonlik bilan qutulish mumkin bo’ladi.

​​Mashhur insonlar hayoti haqida kitob oʻqiganda, yoki biron bir video roliklar koʻrganda aksariyati bolalikda ancha qiynalgan, hattoki maktabni ham toʻliq tugata olmagan insonlar boʻlib chiqadi.

Buning sababi nima? Nega bunday insonlar muvaffaqiyat qozonishadi?

Chunki bolalikdagi qiyinchiliklarni koʻrgan va undan toʻgʻri xulosa qilgan insonlargina oʻz oldilariga aniq maqsad qoʻyishadi. Va bir maqsad yoʻlida mustahkam turishadi. Atirofidagilarning ham qiynalishini istashmaydi. Va oʻzi uchun emas barcha uchun mehnat qiladi.

Biz ham yaxshilab oʻylab koʻrishimiz kerak. Maqsadimiz oʻzi nima?

Shunchaki hayotda yashab, yeb-ichish, yoki faqat oʻzingizni oʻylab, uy-joyga ega boʻlish, obroʻ topish, bularning qaysi biri bizning maqsadimiz?

Toʻgʻri 💸💰 pulsiz yashash, qiyinchiliklarni koʻplab boshidan kechirish kimga ham yoqadi.

Mana shu yerda olim boʻlib boy boʻlgan insonlarning yoʻllari toʻgʻri ekanligini anglab yetamiz.

Ham olim ham boy boʻlgan inson, faqat oʻzi uchun emas, oilasi, qarindoshlari, doʻstlari, qoʻshnilari, mahallasi, jamiyati va vatani uchun ham nimadir qilishni istaydi.

Ana shunday insonlarning muvaffaqiyat qozonishlari oson kechadi.

Biz ham bir yangi ish boshlaganda, koʻp daromad topish emas, sifatli va foydali xizmat koʻrsatgan holda, boshqalarni xursand qilish va oʻz foydamizni olish boʻlishi kerak!!!

Kitoblar tahlili va undan olingan taʼsurotlar kanali 👇👇👇
https://t.me/joinchat/SjRSx0ejnxYajiDi

​​​​📚 Kosodate besto 100

Ⓜ️ 7-METOD. “Asossiz ishonch” ni shakllantirish.

⁉️ "Asossiz ishonch" ni shakllantirish uchun nima qilish kerak?

✅ Oʻz holicha, qabul qilish

"Imtihonda 100 ball oldim" va "Yugurish musobaqasida birinchi bo’ldim" kabi bolaning aniq natijalarni maqtash yaxshi, ammo ushbu natijalardan hosil bo'lgan o'ziga ishonch, dalillarga asoslangandir.

Asosi va dalili bo’lgan ishonch, asosiy faktlar yo'qolgan paytda, bunday ishonch ham yo'qoladi. Asossiz o'ziga bo'lgan ishonch, yuqoridagi kabi shartli va nimagadir asoslangan ishonch emas, balki ota-onalar tomonidan bolaning qanday bo’lsa shundayligicha qabul qilinishi va sevilishi hissidan paydo bo’ladi.

❌ Bolaning zaif tomonlariga yopishib olmang

Mohir bo’lmagan narsalarni engish uchun qo'lingizdan kelganicha harakat qilish muhimdir. Biroq, ota-onalar juda ko'p bolaning qobiliyati yetmaydigan tomonlarini aytib, bolaga bosim o’tkazsa va bolalarini ta'qib qilsa, ular o'zlariga bo’lgan ishonchni yo’qotib, o’zlarini qobiliyatsiz deb o’ylab qolish ehtimoli juda yuqori.

⭕️ Kattalar, tinglovchi vazifasini bajarishi kerak

Bola bilan suhbatlashayotganda, ota-ona tinglovchi vazifasini bajarishi kerak. "Shunday bo’ldimi", "buni bilaman" so'zlari bilan birga, bolaning har qanday suhbatlarini tinglasangiz, bola “erkin bo’lib, nimani gapirsam ham bo’lar ekan” deb o’zida ishonch hosil qiladi.

Davomi bor...

Kitoblar tahlili va undan olingan taʼsurotlar kanali 👇👇👇
https://t.me/joinchat/SjRSx0ejnxYajiDi

​​​​📚 Kosodate besto 100

Ⓜ️ 7 - METOD. “Asossiz ishonch” ni shakllantirish.

☑️ Hayotda o’z o’rnini topish uchun muhim bo’lgan kuch.

Inson, muloqat qilishga no’noqlikni o’zida his qilishning sabablaridan biri bu o’ziga bo’lgan ishonchning yetishmasligi hisoblanadi. Agar odamlar o'zlariga ishonchlari komil bo'lmasa, ular boshqalar tomonidan rad etilishidan va xafa bo’lib qolishdan qo'rqishadi va boshqalar bilan muloqatga kirishishdan qochishga harakat qilishadi.

Xuddi shu narsa, bolalar uchun ham bir xil bo’ladi. “Mening holatim zo’r” deb o'ylaydigan bolalar o'zlarining his-tuyg'ularini ishonch bilan ifoda etishlari mumkin.

Shigeki Tanaka, shifokor va klinik psixolog bo’lib, u 20 yildan beri 5000 dan ortiq intervyular orqali ota-onalar bilan bog'liq muammolarni ko’rib va kuzatib kelgan. Janob Tanaka, bolalar ota-onasi nuqtai nazaridan noto'g'ri narsani da'vo qilganda, sababsiz buni inkor etmasdan, balki bolaning o’z fikrini ifoda eta olganligini tasdiqlab, uning fikrlarni ham inobatga olib qo’ying deya ta’kidlaydi.

⚡“Tan olinadigan” haqiqiy his-tuyg'ularning ta’siri

Insonning shaxs sifatida shakillanishi uchun, “sababi aniq emas, ammo ishim yaxshi bo’ladiganga o’xshayapdi” kabi sababi bo’lmagan narsalarga nisbatan, o'ziga bo’lgan ishonch kuchi juda muhimdir.

Bu psixiatriyada “asosiy ishonch” deb ataladi. Kimningdir har doim sizni tan olishi, sizning va hamkoringiz o’rtasidagi to'siqlarni olib tashlaydi va muloqot uchun motivatsiyaning kuchayishiga olib keladi.

Davomi bor...

Kitoblar tahlili va undan olingan taʼsurotlar kanali 👇👇👇
https://t.me/joinchat/SjRSx0ejnxYajiDi

​​📚 Kosodate besto 100

Ⓜ️06-METOD. Urushish → bolani urushgan payitda, aniq va tushunish oson sabablarni keltiring. (Davomi...)

‼️Boshqalar bilan taqqoslamang

Biror kishini boshqalar bilan solishtirganda, ular o'zlariga bo'lgan ishonchni yo'qotadilar. Ayniqsa, aka-ukalarni, yoki opa- singillarni bir-biri bilan taqqoslasangiz, bola mehr-muhabbat yetishmasligini his qilishi mumkin. Bu holat, bolalarning keraksiz isyon ko'tarishiga va tobora ota-onasini ayitganini eshitmay qo’yadi.
Shuningdek, bolani boshqa bolaga taqqoslash, ota-onalarning o'zlari uchun og'riqli holatlarni olib keladi. "A ning bolasi talantli va ishlarni yaxshi qila oladi, lekin mening bolam ..." deb solishtirishni va o'ylashni to'xtatsangiz, “urushishga arzimaydigan narsalar ekan” ligini his qiladigan holatlar ham uchurab turadi.

✅"Xotirjam bo’la oladigan joy" ni yaratish

Evropa va Qo'shma Shtatlarda bolalarni tinchlantirish, sog'lom tarbiya qilish va o’stirish uchun "positive time out" va "fikrlash vaqti" deb nomlangan usullar keng tarqalgan. Bu bolaning hissiyotlarga berilib ketgan paytda, uni bosish va tinchlantirishga vaqt ajratish usulidir. Vaqtni hisoblash esa "bolaning yoshi x 1 daqiqa" deb olinadi.

Buni bajarishda, oldindan “time out” vaqti uchun "tinchlanish joy" ni aniq belgilab qo’ying. Bola belgilangan vaqt va joyda o'zini xotirjam his qilsa, u o'zini tutishi, xatolari va ayitgan so'zlari haqida mulohaza yuritadi va o'sha xatolarni takrorlashni istamaydi.

❌ "Kitob o'qi, dars qil" deb urushishning foydasi yo’q

2015-2016 yillarda bolalar hayoti va ta'limiga oid ota-onalar o'rtasida o'tkazilgan so'rovnoma (Benesse Education Research Institute, Ijtimoiy fanlar instituti, Tokio universiteti) ma'lumotlariga ko'ra "o'qishni yaxshi ko'radigan bolalar" o'zlarining istaklari va qiziqishlari kabi ichki motivlardan kelib chiqib dars qilishi, aksincha "o'qishni yoqtirmaydigan bolalar" esa, o'qituvchilar va ota-onalar tomonidan tanbeh berilishini istamaganlari uchun, tashqi bosimlar tufayli dars qilishi aniqlandi.

Psixologiyada fikr yoki harakatning boshqa shaxs tomonidan majburlab bajartirilishi natijasida, unga qarshi chiqib, o'z fikriga sodiq qolish "psixologik reaktorizm" deb nomlanadi. "Dars qil" deb qanchalik ko'p urushsangiz, bola shunchalik kuchliroq qarshilik qiladi va o'qishdan uzoqlashadi. Professor Morotomi, ko'r-ko'rona urushgandn ko’ra: "dastlabki 10 daqiqa davomida farzandingiz bilan birga dars qilishning samarasi yaxshi bo’ladi", deb ta’kidlaydi.

Shunchaki "dars qil" deyishdan ko'ra, vaqt ajratib farzandingiz darsini va o’qishini birgalikda kuzating!

Kitoblar tahlili va undan olingan taʼsurotlar kanali 👇👇👇
https://t.me/joinchat/SjRSx0ejnxYajiDi