Esseistika.uz

Эссе – ёзувчига ўз дунёқарашининг парадоксаллиги ва қаламининг “ёғдуси”ни намойиш этиш имконини берувчи XX асрнинг етакчи жанри.

©️ Эссеизация всея литературы.

@my_essay

Сезиб турибман, бу ерга қалбан ва руҳан яқинлар йиғилганмиз. Кўпроқ мулоқот қилиб, ўзаро фикр алмашишимиз учун менда битта таклиф бор: ҳар куни “Кун саволи” бўладиган бир савол бераман. Бу сизларнинг нимадир қоралашингиз учун қандайдир туртки бўлса, янги ғоя туғилса, жуда манмун бўлурмен.
Демак, бугунги савол: Ўзингизни қандай бўлсангиз, шундайлигингизча қабул қиласизми?

@my_essay

Ҳамма нарса зерикишдан бошланади. Муҳитдан, муносабатлардан, монотон ҳаётдан. Бу жараён ҳар кимнинг бошида бор, аммо ундан ҳар ким турлича чора қидиради. Кимдир ўзига беркиниб, кимдир эса ўзидан қочиб. Иосиф Бродский "Пахвала скуке" эссесида унинг маърузасини тинглаётган талабаларга қарата: "Сизларга зерикиш етишмайди. Ҳеч бир таълим масканида муаллимлар талабаларни зерикиш чизиғига олиб бормайди, уларни зерикиш билан илҳомлантирмайди" дейди ва у сўзсиз ҳақ. Бу ҳолдан ўзидан қочишга уринганлар шараф билан чиқиб кетади, аксинча бўлса, ўзини еб битиради. Чиндан ҳам, ҳамма нарсадан тўйдингизми, зерикяпсизми, ҳеч нарсадан маъни тополмаяпсизми? Унда хурсанд бўлинг! Сизни энди жудаям қизиқарли, ҳозирги ҳаётингизга ўхшамаган, ўзгача олам кутмоқда. Зерикиш, бу - белги. Ўзингизни, ҳаётингиз ва ҳаракатларингизни ўзгартириш учун янги имконият. Фойдаланиб қолинг!

Эссе французчадан "синаб кўриш", "уриниб кўриш" маъноларини беради. Биз ҳам ўша буюк эссенавислар каби уриниб кўрайлик-чи, зарар қилмас.😉

Бу ерда ўзимизнинг борлиқ, яратиқ ва ижод борасидаги азалий саволларимизга бирга ечим излаймиз, фикрлашамиз, ёзамиз. Маълум қолиплардан қутулиш, тафаккур ва қаламга эрк бериш мақсадида яратилди бу канал. Энди эркинлик, эссе уммонида бирга сузамиз. Эссенинг назария аталмиш пучмоқларига, барча мавзуларни қамраб олган чексиз, ҳайрат ва журъатга қоришиқ оламига сафар қиламиз. Бир кемада эканлигимиздан хурсандман. 😊😇