Nafisa Kurbonova || Personal Blog

@Nafisa_Kurbonova

Channel's geo and language: not specified, not specified

Category: not specified

Little by little, you create the best version of yourself✨️💫
For contact : @Kurbonovas_bot

Related channels

Channel's geo and language

not specified, not specified

Nafisa Kurbonova || Personal Blog

2 Jan, 22:35

Hayotdir berilgan misli bir sharaf,
Inson yo’l oladi turfa xil taraf.
Yo’llarin kezib qator va qator,
Undan terib borar ko’rinmas sadaf.

Kutib turar necha eshiklar,
Tuzoq qo’yar ancha teshiklar.
O’sib-unib bo’lsang ham olim,
Qolib ketgay jiddiy kemtiklar.

Har qadami berur narxsiz dars,
Eshitilmaydi hech qandayin arz.
O’rganishdur qilingan bir farz,
Biz bo’lamiz doimgiday qarz.

Yozib yana qilamiz izhor,
Buni hech kim etmaydi inkor.
Bu besh kunlik hayot ostonasida,
Biz bilmagan sirlar hali ko’p bisyor.

by @Nafisa_Kurbonova

00:10; 03.02.2025

84 0 0 15

Nafisa Kurbonova || Personal Blog

31 Dec 2024, 22:01

2025-yil…

Vanihoyat men kutgan yil…

Seni kelishingni sababini o’zim bilmagan holda intiqib kutdim…

Kitobning yangi sahifasini boshlash ancha-muncha mas’uliyat talab etadi…

Ushbu yil bekati menga nelarni huzurlab turibdi, hech qaysidan xabarim yo’q…

Ammo behisob hamdlar bo’lsinki, shu paytgacha dunyo, to’g’rirog’i, Robbim, hech bir ne’matidan qismadi, qizg’onmadi.
Shunday ekan, bu yil ham Alloh o’zining eng oliy ne’matlari bilan rizqlantirishiga umidvorman va buni yuragim sezib turibdi.

2025-yil xush kelding, men sen bilan yangi sarguzashtlarni boshlashga ruhan, ma’nan, jismonan tayyorman.

@Nafisa_Kurbonova

98 0 0 15

Nafisa Kurbonova || Personal Blog

31 Dec 2024, 21:59

Xayr 2024

“ Xayr” so’zini aytish har doim ham oson emas, negaki u hamma narsani faqatgina xotiraga aylantiradi.

Ammo, nailoj…

Doimgidek, ikki kitobimning , ya’ni real hayotim va xayolimdagi hayotning sahifalarini yozdim.
Real hayotim sarguzashtlarining guvohlari ko’p, mutolaachilar zerikmasligi tabiiy.
Ikkinchi kitobimning sahifalari guvohi ham , mutolaachisi doimgidek yagona Alloh.

-Umuman olganda 2024-yil kitoblarimni unutilmas, sarguzashtga boy, qiziqarli xotiralar bilan bezadi, sayqalladi.

2024-yil barcha xotiralar uchun cheksiz tashakkurlarimni aytaman.

@Nafisa_Kurbonova

88 0 0 10

Nafisa Kurbonova || Personal Blog

27 Dec 2024, 19:55

2024-yil

Rejalaring bilganimda shuncha maqsad qilarmidim?
Tez o’tishing bilganimda shuncha faryod chekarmidim?
Ne’matliging bilganimda shuncha nola qilarmidim?
Oson-tekis bo’lganingda shuncha she’rlar bitarmidim?
Ustozliging bilganimda shuncha toshlar otarmidim?
Yozganingga ko’nganimda men bularni yozarmidim?

by @Nafisa_Kurbonova

20:58; 27.12.2024

140 0 1 18

Nafisa Kurbonova || Personal Blog

23 Dec 2024, 09:16

Taqdir uchrashtirsa behosdan nogoh ,
Olisdan seni qilarman ogoh.
Sen bilan umid-u niyatlar cheksiz,
Oiladir muqaddas mukammal dargoh.

Kutganing, kutganim keladi ro’yo,
Faqat bizni qismat etmasdan ayro,
G’ururni hamroh qilmagil aslo,
Seni sinab ko’rmoqqa asli men shaydo.

Javoblarim seni qiladi hayron,
Ishonmaysan shumi? ! ta’riflangan janon.
Tajriba yetishmasda menga shu onda,
Bilsang, buning bari - 21 yillik vafodan nishon.

Ko’rmasdan rashkingni his qilib har on,
Har kimga qo’pollik qilgan men nodon.
O’zgaga muloyim gapni ayb bildim,
Nahot, shundan keyin ham bo’lmasang shodon?!

Seni kuttirishim bilgil atayin,
Sabringni sinashim, axir, bu tayin.
Bildirmayman yetti o’lchab bir kesishim,
Senga yozaman deb tekis bir mayin.

Men bo’laman har dam ancha beparvo,
Uncha yarashmaydi bo’lish meningcha.
Bu bir umrlik eng qimmat savdo,
Tortishamiz ikki tomon xaridorlarcha.

Kimdir tan beradi, bo’ldi, yetar deb.
Meni kutib turar hali tanlov deb.
Bunday munosabat meni so’ndirar,
Oxirda nuqtali bir yakun yasar.

Hayoting, xayolingda birdona bo’lish,
Yagona orzu va tilagim xolos.
Maqsading bo’lsinda menga erishish,
Hadeb ketavermay bunchalar olis.

Qulog’ingga chalinadi turli mish-mishlar,
Odamlarda yo’qda boshqa yumushlar.
Barchasin bilmoqqa, yonimga kelgil,
Seni o’ylantirsa o’shal o’tmishlar.

So’nggi o’kinchim va o’tinchim eshit,
Eshigim taqqillat, shundayin kunda,
Mensiz yasholmasliging anglagan tunda.
Sezmasang shularni, alvido unda.

Bu she’rni men bitdim bir namozshomda,
Menga erishish osonmasligin eslatgan holda.

by @Nafisa_Kurbonova
17:24; 20.12.2024

231 0 3 22

Nafisa Kurbonova || Personal Blog

15 Dec 2024, 18:09

Qor

Atrofda humkron bir ajib sehr,
Osmondan yog’adi iliq bir mehr.
Qahraton sovuqni his qilgan har jon,
Barini deb o’ylar ayovsiz qahr.

Berkitib har yoqni oq libos bilan,
Niyatidir yagona ovutmoq asli.
Ko’zni qamashtirar go’zallik vasli,
Qish o’zi shundayin aldash va aldanish fasli.

Derazaga yetib kelar so’zsiz bir maktub,
Noma’lum kimsadan chiroyli ayoz.
Bularning hammasi qalblarga mansub.
Buni, lek, tushunmas har fikri sayoz.

Ertaknamo go’zallik ham bormaydi uzoq,
Qishning berganlari- hammasi tuzoq.
Tunlari muzlatib ko’ngil g’ashlatar.
Sirpangan qadamlar tana qaqshatar.

Vaqtinchalik davodan hech bir mantiq yo’q.
Aslida, bizlarmiz shularga loyiq.
Tugashin o’ylamay zarrin qorlarni,
Aldanib o’ksindi butun xaloyiq.

Qor yozishimga yangi bahona,
Barin unutishga eng yaxshi chora.
Gar yozmasam buni ko’ngil vayrona,
Qani tushunsaydi faqat bir bora.

by @Nafisa_Kurbonova

19:42; 15.12.2024

231 0 2 25

Nafisa Kurbonova || Personal Blog

13 Dec 2024, 08:45

Toshkent

Hayoti beqaror, betartib shahar,
G’aflat qoplagan erta tong sahar.
Quvonch va shodlikni baralla berib,
Bir kam tutmagani yagona zahar.

Kechalari yorqin porlagan shahar,
Qabihlik barchasin ko’tarar har dam.
Har yoni o’ralgan chamanday gavhar,
Ammo tugatolmas to’xtovsiz bir g’am.

Kechalari yoqimsiz har lahza shovqin,
Hamma narsa ko’rinadi tekis bir oqin.
Odamlari charchab turganda doim,
Hech makon topilmas birgina sokin.

Bir lahza to’xtamay hayoti doim,
Unsiz ko’zyoshlarga turadi qoim.
Dardin to’kay desa bir kimsasi yo’q,
Unga sabr bersin yagona Kariym.

by @Nafisa_Kurbonova

10:26; 13.12.2024

198 0 1 20

Nafisa Kurbonova || Personal Blog

13 Dec 2024, 07:58

Tabassum insonning baxtliligini emas, kuchliligini ko’rsatadi.

Umar Hayyom)

@Nafisa_Kurbonova

191 0 1 14

Nafisa Kurbonova || Personal Blog

12 Dec 2024, 21:08

12.12.2024

-Perfect date ever without any memorable moments…

196 0 1 17

Nafisa Kurbonova || Personal Blog

12 Dec 2024, 13:22

Achinaman…

Boshqalarning hayotiga ikkilanmay fatvo beradigan “ qozi “ xalqning holiga achinaman…

Boshqalarning gapini o’zining lug’atiga ko’ra tarjima qiladigan mohir “ tarjimonlar “ holiga ham achinmasdan turolmayman…

Insonlarni gunohi-yu savobini o’lchashni biladigan , “adolat tarozisi egalari “ holiga ham achinaman…

Oddiy banda bo’la turib, g’aybni biloladiganday hukm chiqaradigan “ sudiyalar “ holiga ham achinaman…

Boshqalarga tashxis qo’yoladigan “shifokor” xalqning holiga ham achinmay ilojim yo’q…

Hamma narsani isbot va dalili bilan bilishga qiziqadigan “ tergovchilar“ holiga ham achinaman…

Surat bilan siyratni ajratolmay insonlar haqida dostonlar bitoladigan “ qalb ko’zi ojizlar “ ga ham achinaman…

Shuncha narsani bilgan daholar, qancha umr ko’rishlarini aytib berolarmikin?

Biz mavhum dunyoga keldik…
Ertangi kunimiz ham sir bo’lsa …

Bo’lgan va bo’ladigan, avvalgi va oxirgi, oshkor va yashirin narsalarning barchasini bilish faqatgina Al-Aliym zotga xos.

Shunchaki o’zimizni qiynamaylik, baribir, nihoyasiz sirlar girdobida o’tib ketamiz!!!

@Nafisa_Kurbonova

226 0 1 14

Nafisa Kurbonova || Personal Blog

11 Dec 2024, 20:49

Muammodan xalos bo’lishda doim ikki usul qo’l keladi:

1. Muammoga muqobil barcha yo’llar sinab ko’riladi va nihoyat yechim topiladi.

2. Muammoga qo’l siltanadi va voz kechiladi.

Qanday qilib xalos bo’lish yo’lini doim inson o’zi tanlaydi.

@Nafisa_Kurbonova

211 0 2 12

Nafisa Kurbonova || Personal Blog

10 Dec 2024, 18:54

Shafqatsiz ulg’ayish

Yurar edim ko'cha changitib,
Sochlarim ham edi betartib,
Qo'llarimni yayratib har on,
Qolar edim xatto yo'qolib.

Bilmas edim tashvish , g'am nima?
Nima u baxt , nima u armon?
Bilganim yolg'iz - men edim shodon,
Surar edim faqat davr-u davron.

Uchar edim cheksiz samoda ,
Yashar edim ertak hayotda.
Kulib boqib butun olamga ,
Ko’zoynagim edi pushtirangda.

Qaysidur kitoblarni o’qib o’zimcha,
Nelardir bitardim o’zim so’zimda.
Dunyo go’zal edi - mening ko’zimda.
Baxtlilar ko’p edi, - mening fikrimcha.

O’tib ketdi turfa xil yillar,
Sinib ketdi nozik bir dillar.
E’tirozlar bermoqqa topolmay makon,
Qolib ketdi nene ko’ngillar.

Sababin so’rasang, men aytay, eshit!
Kitobda yozilgan satrlar aksin ,
Topolmay har lahza qilding-ku , sarson.
Nihoyat, o’rtada yana men hayron.

Chuqur xo’rsinib bilganim tanho,
Kitobga o’xshamas bu hayot aslo,
Hadeb qilavermay o’zim ovvora,
Yozilmagan qonunga ko’nay, nachora.

Essiz …
Har soniya orzu qilgan o’sha ulg’ayish,
Butun borligimni tortib olyapti.
Asta-sekin o’z ramkasiga solib qo’yyapti.

by @Nafisa_Kurbonova

17:45; 10.12.2024

200 0 2 15

Nafisa Kurbonova || Personal Blog

9 Dec 2024, 17:10

Sevgi ?

Qo’l bilan ushlab , ko’z bilan ko’rib bo’lmaydigan mutlaqo mavhum tushuncha bo’lgan “ sevgi “ so’zi turlicha talqin qilinadi.

Sevgi nima ?

Inson o’zining talablari va standartlariga to’g’ri keladigan insonni uchratishimi ? Yoki shunchaki yashay oladigan insonini uchratishimi?

Yo’q…

•Sevgi — bir insonda boshqalarda ko’rolmagan bir sifatni ko’ra olishingiz va unga oshiq bo’lib, shu sifat uchun butun hayotingizni fido qilishingiz , barcha nuqson kamchiliklarga ko’z yumishingizdir .

•O’sha birgina sifatni butun hayotingizni chiroyli ranglar bilan bezatishingizga yetarlicha deb topishingizdir.

• Sevgi insonning suratiga emas , siyratiga mehringiz tushishidir.

• Sevgi butun umr usiz yashay olmaydigan insoningizni topishingizdir , negaki “inson “ so’zining ma’nosida “ unutuvchi” ma’nosidan tashqari “ ko’nikuvchi “ ma’nosi ham yashiringan.

•Demak, siz istalgan inson bilan ko’nikib yashay olasiz, ammo istagan hayotingizni faqat “u” bilan qura olasiz.

Hurmat oilaning ustuni bo’la oladimi?

Har bir inson shaxs sifatida hurmat qilinadi. Ammo sizni sanoqlilargina sevoladi , siz ham ayni shunday. Hurmat bilan qurilgan munosabatlarning umri qisqa bo’lish ehtimoli yuqori , sababi birgina xato, kamchilik , nuqson tufayli, shunchaki, chiroyli nuqta qo’yiladi.

Hamma jihatlari to’g’ri keldi , ammo sevgi yo’q…
Afsus , barchasi bekor …

@Nafisa_Kurbonova

171 0 2 24

Nafisa Kurbonova || Personal Blog

7 Dec 2024, 19:05

Shunchaki hamma narsaning badali bor…

Har bir harakatimiz , so’zimiz , qarashimiz , qarorimizning badali bor…

Badallar har xil to’lanadi:
Pul bilan…
Umr bilan…
Xotiralar bilan…
Hislar bilan …

Biron bir ishni qilmoqchimisiz , badalning qaysidur turiga tayyor turing.

@Nafisa_Kurbonova

204 0 2 12

Nafisa Kurbonova || Personal Blog

6 Dec 2024, 20:57

Nihoyat , kutganim ertaknamo qish ,
Meni qildirmaysan zarracha bir ish.
Xayollar og’ushiga cho’mdirib meni,
Hali ham topdirmaysan birgina pok ishq.

Uzun tunlaringda bo’laman bedor,
Birgina quyoshingga mendirman zor.
Xo’mraygan osmoningga tikilib yana ,
Sening sirlaringga bo’laman iqror.

Oq qorlaring keyingi manzil ,
Qahratoning , bilmam , ne hazil.
Yil oxirlab borgani sayin
Yangi yilni kutar bu ko’ngil.

Yil oxirini o’zing yasaboq,
Yangi yil eshigini o’zing ochasan.
Sendan chiqaramiz yillik bir saboq,
Porloq yangi yilga ko’ngillar mushtoq.

Shu so’zlarim senga kifoya ,
Endi kutadurman yangi hikoya.

by @Nafisa_Kurbonova

22:17 ; 06.12.2024

283 0 3 20

Nafisa Kurbonova || Personal Blog

4 Dec 2024, 20:39

Forward from: Mahliyo

Kulgimda sir bor, ko‘zlarimda hikoya...

214 0 2 13

Nafisa Kurbonova || Personal Blog

3 Dec 2024, 20:35

Ajoyib qarama-qarshilik

Faktual narsalarni tushuntirish oson , tushunish qiyin.

Mavhum narsalarni tushuntirish qiyin, tushunish osonroq.

P.S: Task 1 va Task 2 larni tushuntirish jarayonida shu xulosaga keldim.

@Nafisa_Kurbonova

241 0 1 15

Nafisa Kurbonova || Personal Blog

28 Nov 2024, 22:23

Onajonim ….

Yana bir yangi yosh , yangi sahifaning ostonasidasiz…

Volidam, tavallud ayyomingiz muborak bo’lsin 🤍

Ona …

Sizning shartsiz mehr bulog’ingizga to’yinib yashash o’zgacha…

Har lahza eng ko’p sizga kerakligimni his qilib yashash o’zgacha…

Sizning orzularingizni ro’yobga chiqarish niyatlari bilan yashash o’zgacha…

Sizning borligingiz bilan xotirjam nafas olish ham , aslida , o’zgacha…

Siz dunyodagi eng yaxshi onasiz…

“ Onalik “ kasbingizni yuqori darajada bajarayotgan eng oqila ayolsiz…

Men o’zimni haligacha tushunolmadim , lekin meni tushungan va bilgan yagona qalbim egasisiz…

Yaxshiyamki , Alloh sizni menga “ ona” qilib tanladi.
Robbimning lutfi bo’lsa , shuncha bo’larda…

Sizdan “ Firdavs” qarzim bor , ona !

Umringiz , rizqingiz , ilmingiz doim ziyoda bo’lsin.
Ikki dunyo saodatini tilayman.
Yangi yoshingiz barokatli bo’lsin.

Tug’ilgan kuningiz muborak bo’lsin🤍🤍🤍

@Nafisa_Kurbonova

285 0 3 16

Nafisa Kurbonova || Personal Blog

23 Nov 2024, 18:31

Kuzga izhor

Yig’latib , kuldirib butun borliqni,
Xo’mrayib sekingina ortga qaytsan.
Yechdirib olamning hamma to’nini ,
Yangitdan boshlamoqqa chorlab qo’yasan.

To’kib har dard , alam , o’kinchning barin ,
Ko’zni qamashtirar xazon uyasan.
Mana , olov yakun yasar deyishim bilan ,
Qalqigan tutuning bag’rimni tirnar.

Yomg’iring , shamoling keyingi da’vo ,
Ko’ngilni g’ash qilar izg’irin havo .
Bilmadim , niyating , maqsading ammo ,
Iltimos , bermaginda , bunchalar jazo.

Atrofga qarasam , men emas yolg’iz ,
Butun olam qolgan sukutda , so’zsiz.
Nelar bo’layotganin anglolmay hali ,
Biz qolganmiz yana hech qanday hissiz.

Yengillab , aytiboq bor ichimdagin,
Yilda bir mehmonliging esimga tushar.
Ko’ngling og’riganin o’ylagan sayin ,
O’zimni kechirmay , ayblashim tayin.

Uzr so’rab , o’rtanmoqqa shaylangan chog’im ,
Sen qaytib ketishga chipta olibsan.
Eson-omon borib qaytda ilohim,
Tuhfalar jo’natsin sendan Allohim.

by @Nafisa_Kurbonova
20:12 , 23.11.2024

300 0 2 15

Nafisa Kurbonova || Personal Blog

19 Nov 2024, 21:01

Kuyunmang…

Birovlarni harom yo’l bilan topayotgan puliga ham kuyunmang…

Nechtalab odamlarni laqillatib tushirib ketayotganlarga kuyunmang…

Aldab molini sotayotganlarga ham kuyunmang…

Inson bir ishni qilyaptimi , uni o’zi to’g’ri deb biladi .

Agar qilayotgan ishlari xatoligini bilganida , u ishni qilmasdi.

@Nafisa_Kurbonova