Namangan viloyati bojxona boshqarmasi

Xabarda forumda ishtirok etgan Dubay bojxonasining katta maslahatchisi Yasir Al-Musallamiyga Bojxona qo‘mitasi Raisi A.Mavlonovning "Milliy kinologiya markaziga 30 yil" esdalik nishonini topshirayotgan fotosurat ham ilova qilingan.

Mazkur eksponat Vyetnamdan aviaqatnov orqali kelgan yo‘lovchi ayolning bagaji tekshirilganda aniqlangan. Yo‘lovchida ushbu hayvon namunasini olib kirish uchun zarur ruxsat etuvchi hujjatlar mavjud bo‘lmagan. Ekspertiza xulosasiga ko‘ra, tulum yo‘qolib ketish xavfi ostida turgan yovvoyi fauna va flora turlari bilan xalqaro savdoni tartibga soluvchi CITES konvensiyasi muhofazasiga olingan siam timsohiga tegishli ekani tasdiqlangan.

Sharja–Boku aviaqatnovi orqali kelgan fuqaro “yashil yo‘lak” orqali bojxona nazorati hududini tark etishga uringan. Uning harakatlari shubha uyg‘otgani sababli yo‘lovchi “qizil yo‘lak”ka yo‘naltirilgan. Tekshiruv jarayonida fuqaro tomonidan bojxona organlariga deklaratsiya qilinmagan va bojxona nazoratidan yashirilgan umumiy og‘irligi 2502,524 karat olmos toshlar aniqlangan. Dastlabki hisob-kitoblarga ko‘ra, musodara qilingan olmoslarning qiymati 4 million manatdan ortiqni tashkil etadi.

Tezkor-qidiruv va xavf tahlili asosida Tailanddan Gonkongga kelgan 40 futlik konteyner tekshiruvga jalb qilingan. Hujjatlarda yuk sifatida issiqlikdan himoya qiluvchi qutilar ko‘rsatilgan bo‘lsada, 1 342 ta qutining 364 tasi ichida vakuum paketlarga joylangan narkotik moddalar yashirilgani aniqlangan. Musodara qilingan narkotik moddalarning taxminiy qiymati 125 million Gonkong dollariga baholangan.

BAAda bojxona xodimlari mamlakatga olib kirilishi rejalashtirilgan 16,2 kilogramm kristallsimon metamfetaminni aniqladi. Avtomobil chegara nazorat punktida zamonaviy skanerdan o‘tkazilganda shubhali belgilar qayd etilgan. Shundan so‘ng transport vositasi chuqurlashtirilgan tekshiruvga yo‘naltirilib, maxsus xizmat itlari yordamida o‘tkazilgan nazorat jarayonida narkotik moddalar avtomobil shinalaridan biri ichiga yashirilgani aniqlangan.

Narkotik modda Maniladagi Markaziy pochta almashinuv markaziga kelgan jo‘natmadagi oqsil qo‘shimchasi protein sifatida deklaratsiya qilingan idishlar ichiga yashirilgan bo‘lgan. Musodara qilingan moddaning taxminiy qiymati 3,15 million filippin pesosiga baholangan. Jo‘natmani qabul qilib olishga kelgan shaxs ushlangan va narkotiklar bilan birga Filippin Narkotiklarga qarshi kurash agentligiga topshirilgan.

Indoneziyaning Langsa hududida politsiya va mahalliy bojxona xodimlari hamkorligida o‘tkazilgan operatsiya davomida 46,6 kg metamfetamin musodara qilindi. Tezkor tadbir xalqaro narkotrafik tarmog‘i haqida olingan maʼlumotlar asosida tashkil etilgan. Tergov jarayonida Malayziyadan Indoneziyaga narkotik moddalar olib kirish bilan bog‘liq tarmoq aniqlangan. Operatsiya davomida gumon qilingan kuryer qo‘lga olingan.

Panamada huquqni muhofaza qiluvchi organlar Bojxona xizmati bilan hamkorlikda portlardan birida konteynerni tekshirish chog‘ida sanoat uskunasi konstruksiyasi ichiga yashirilgan 1 146 ta o‘ram narkotik modda aniqladi. Mamlakat bo‘ylab 12 soatdan kam vaqt ichida o‘tkazilgan to‘rtta operatsiya natijasida jami 2 235 ta o‘ramda narkotik modda va 100 dona ekstazi tabletkasi musodara qilingan.