Telegram channel "Namangan viloyati xalq ta'limi boshqarmasi" — @namanganv_xtb

Namangan viloyati xalq ta'limi boshqarmasi

8 Oct 2019, 17:13

Ижтимоий тармоқларда "Директор дарс ўтаётган ўқитувчиларни мажлисга чақирди, болалар 40 дақиқа қаровсиз қолди" сарлавҳаси остида эълон қилинган танқидий мақола Наманган вилояти Халқ таълими бошқармаси томонидан атрофлича ўрганиб чиқилди.
Бошқарма томонидан мазкур мақолани ўрганиш юзасидан тузилган ишчи гуруҳ томонидан аниқланишича, ҳақиқатан ҳам, 2019 йил 6 сентябрь куни Чортоқ туманидаги 52-умумтаълим мактаби директори Р. Бойдедаев томонидан 19 нафар ўқитувчини дарс машғулотлари пайтида мажлисга чақирганлиги сабабли бир мунча вақт ўқувчилар ўқитувчи назоратисиз қолган.
Мазкур ҳолат сабабли, шунингдек, таълим-тарбия жараёнини намунали ташкил этишни етарли даражада йўлга қўймаганлиги учун мактаб директори Р. Бойдедаев ва ўқув ишлари бўйича директор ўринбосари А. Исмоиловга нисбатан тегишли чора кўрилиб, улар Ўзбекистон Республикаси
Меҳнат қонунчилигига асосан эгаллаб турган лавозимларидан озод этилди.
Вилоят Халқ таълими бошқармаси бу борада тегишли чора-тадбирларни кўриб боради.

Наманган вилоят халқ таълими бошқармаси Ахборот хизмати

63 4 0

Namangan viloyati xalq ta'limi boshqarmasi

7 Oct 2019, 15:56

Forward from: Namangan viloyati hokimligi

Наманганлик киксбоксчилар Россиядан 5 та медаль билан қайтишди

2019 йил 24-29-сентябрь кунлари Россиянинг Анапа шаҳрида кикбоксинг бўйича ёшлар, ўсмирлар ва катталар ўртасида “World Cup Diamond” Жаҳон кубоги” деб номланган халқаро турнир бўлиб ўтди.

Бу нуфузли мусобақада вилоят Жисмоний тарбия ва спорт бошқармасига қарашли болалар-ўсмирлар спорт мактабларининг тарбияланувчилари иштирок этиб, 2 та олтин, 1 та кумуш ва 2 та бронза медални қўлга киритишди.

Турнирда 16-18 ёш тоифасида 63 кг вазнда иштирок этган наманганлик Қобилжон Раҳимов ҳамда 15-16 ёш тоифасида 48 кг вазнда беллашган чортоқлик Ҳусниддин Шаҳобиддинов барча рақибларини енгиб, олтин медаллар соҳиби бўлишди.

Наманган тумани вакиллари Нормуҳаммад Раҳмонбердиев (15-16 ёш тоифасида, 57 кг вазнда) ва Мубошер Муҳаммадов (10-12 ёш тоифасида, 28 кг вазнда) мос равишда кумуш ва бронза медалларини қўлга киритишди. Уйчилик Нодирбек Худойбердиев ҳам катталар ўртасидаги беллашувларни (19-35 ёш тоифасида, 69 кг вазнда) учинчи ўрин ва бронза медали билан якунлади.

http://namangan.uz/uz/yangiliklar-2/1550-namanganlik-kiksbokschilar-rossiyadan-5-ta-medal-bilan-qaytishdi

Namanganlik kiksbokschilar Rossiyadan 5 ta medal bilan qaytishdi

Namangan viloyati hokimligining rasmiy axborot portali

1.4k 0 0