"Менавіта апазыцыя Беларускага Народнага Фронту зрабіла гераічны ўчынак з таго, што дамаглася менавіта гэтай сувэрэннасьці. Гэта, канешне, яе заслуга" - Васіль Быкаў

19 кастрычніка 1988 года па прапанове Зянона Пазняка быў створаны аргкамітэт Беларускага Народнага Фронту "Адраджэньне" - грамадска-палітычнага руху за пераўтварэнне грамадства і адраджэнне беларускай нацыі на прынцыпах дэмакратыі і гуманізму, развіццё культуры ды за фактычную дзяржаўную незалежнасць Беларусі.

У БНФ "Адраджэньне" увайшлі выдатныя прадстаўнікі беларускай нацыі: Рыгор Барадулін, Васіль Быкаў, Ніль Гілевіч, Алег Трусаў, Пімен Панчанка, Міхась Ткачоў і шмат іншых.