Naxalov | AI Blog 🔥

Leading AI Code Editors in 2025

AI Code Editor - bu sun’iy intellekt imkoniyatlarini dasturlash muhitiga chuqur integratsiya qilgan zamonaviy vositalardir. An’anaviy kod muharrirlaridan farqli o‘laroq, ular dasturchilarning samaradorligini oshirish, ish jarayonlarini soddalashtirish va kod yozish hajmini kamaytirishga yordam beradi.

1. Cursor

Visual Studio Code asosida yaratilgan sun’iy intellekt asoslangan muharrir bo‘lib, tabiiy til buyruqlari orqali kod yozish, aqlli takliflar va kod bazasini chuqur tushunishni ta’minlaydi.

2. Windsurf Editor

Avval Codeium nomi bilan tanilgan, bu AI-agentik IDE "Cascade" va "Supercomplete" kabi funksiyalar orqali kod yozishni tezlashtiradi.

3. Replit Ghostwriter

Replit web-ga asoslangan muharrir bo‘lib AI integratsiyalashgan yordamchisi bo‘lib, kodni yaratish, tushuntirish va o‘zgartirish imkoniyatlarini taqdim etadi.

4. V0.dev

Vercel tomonidan ishlab chiqilgan AI-ga asoslanga UI generatori bo‘lib, tabiiy til tavsiflaridan React va Tailwind CSS kodlarini yaratadi.

5. Lovable.dev

Kod yozmasdan, oddiy ingliz tilidagi tavsiflar orqali to‘liq veb-ilovalarni yaratishga imkon beruvchi AI platformasi.

6. Bolt.new

StackBlitz tomonidan ishlab chiqilgan AI- asosida veb-ilova quruvchisi bo‘lib, foydalanuvchi tavsiflari asosida ilova tuzilmasini yaratadi va tezkor joylashtirish imkonini beradi.

7. Firebase Studio

Google tomonidan yaratilgan AI yordamli rivojlantirish muhiti bo‘lib, Gemini AI orqali kod takliflari, generatsiya va testlash imkoniyatlarini taqdim etadi.

8. GitHub Copilot

GitHub va OpenAI tomonidan ishlab chiqilgan AI kod yozish yordamchisi bo‘lib, real vaqt rejimida kod takliflari va to‘ldirishlarni taqdim etadi.

​Agar siz "AI yordamida dasturchi bo‘lib ishlayman" deb o‘ylasangiz, bu faqat boshlanishi. Zamonaviy sun’iy intellekt vositalari yordamida siz nafaqat dasturchi sifatida ishlashingiz, balki to‘liq funksional startapni mustaqil ravishda yaratishingiz mumkin. Rahmatlaringizni izohlarda qoldiring

@naxalov

OpenAI GPT-4.1 modelini endi ancha arzon narxda taklif qilmoqda

OpenAI yangi modellar uchun narxlarni keskin arzonlashtirdi:

🔹 GPT-4.1: 1 million token uchun $2 (input) / $8 (output)
🔹 GPT-4.1 mini: $0.40 (input) / $1.60 (output)
🔹 GPT-4.1 nano: Atigi $0.10 (input) / $0.40 (output) – eng arzon va eng tez model! ⚡

🚀 Raqobat qiziyapti – foyda esa bizga!

@naxalov

Bunaqa internet tezligini hayotda birinchi marta ko'rishim 🤯

Uyimda odatda internet 200 Mbps tarifda o'rtacha 50 Mbps tezlikda ishlaydi. Lekin oxirgi haftada internet maximum tezligi uyimda 900 Mbps ga ko'tarildi.

Shokga tushdim! Bunaqasini hayotda hali O'zbekistonda ko'rmagan edim. Qanaqsiga 200 Mbps tarifda 900 Mbps ishlashi mumkin deb. Ofisdan ishlaganimda ham ofisda maximum tezlik ~200 Mbps bo'lardi, tag'in yana IT parkda.

Keyin o'tgan hafta jumada Imom bir narsani aytib qoldilar, Samarqandga chetdan mehmonlar kelayotgan ekan shunga o'zimizni yaxshi tutaylik deb da'vat qildilar.

Keyin tushundim nega internet tezligi oshganini )

Lekin hamkasblarim Toshkentda internet tezligi tushub ketgani haqida aytishayotgandi, rostan shunaqami?

Xulosa: Agar rostan o'zgarishni, xalq uchun sharoitlarni yaxshilashni xohlasak, hamma narsani tezda eplasa bo'lar ekan. Ha mayli, yana bitta narsa, katta ma’lumotlar bilan ishlaganim uchun yaxshi internet tezligi ish samaradorligini ham ancha oshirar ekan, bittada sezildi.

P.S. Shu hafta Samraqandda "Samarkand Climate Forum" bo'lib o'tadi.

Islombek Davronov