Nazarboyev Menejment

Rus tilini bilganimda edi...

Kompaniyada har bir bo'limida 2 hafta –1 oy ishlab ko'ryapman. Faoliyatini o'rganyapman.

Buxgalteriya bo'limiga keldim. Katta Auditorimiz rus ayol ekan. Shuning uchun "Glavniy buxgalter" bilan birgaman.

Rus tilini bilganimda yanada chuqurroq bilimga ega insonni yonida o'rganardim.

Ingliz tilini bilaman, yetadi deb o'ylardim. Azizlar, O'zbekistonda "top" sohalarda ishlamoqchi bo'lsangiz, baribir rus tili kerak ekan.

Ba'zi sohalarda kuchli mutaxassilar faqat ruslardan iborat. O'zbeklar kam. Ana shular bilan birga ishlash uchun.

Ayniqsa, biznesda, boshqaruvda rus tili juda kerak.

Ayni hozir vaqti, keyin kech bo'ladi. Kunda oz bo'lsada bosish kerak jigarlar

@Nazarboyev_menejment

Kompaniya qadriyatlari qanday saqlanib qoladi?

Kompaniya qadriyati bu — ma'lum prinsiplar bo'lib, ularga qat'iy amal qilinadi. Ba'zi manfaatlardan kechishga ham tayyor bo'linadi.

Masalan, ochiqlik prinsipi. Hamma o'z fikrini bildira olish kerak, garchi bu ba'zi insonlarni ishdan ketishiga sababchi bo'lsa ham.

Halollik — ba'zi o'rinlarda noqonuniy joylari keladi. Yaxshigina pul tejab qoladigan. Kecha oldimi, demak halollik rostan uning qadriyati ekan.

Kompaniya qadriyati asosan rahbarni qadriyatlari bilan bir xil bo'ladi.

Lekin, rahbar balandparvoz gaplar bilan qadriyatlarni yayrasayu, o'zi amal qilmasa, u qadriyatga hech kim amal qilmaydi.

"Fidbek qabul qilinglar" deb qayta-qayta gapirsayu, o'zi menga fidbek beringlar demasa, boshqalar fidbek so'ramaydi.

Qo'pol muomalada bo'lmanglar desayu, o'zi bitta xodimni jerkib tashlasa, bunga ham amal qilishmaydi.

Facebook rahbari Mark Zuckerber har juma xodimlari bilan ko'rishadi. Uchrashuvda xodimlar unga istagan savollarini berishi mumkin. Ish, karera, hatto shaxsiy savollar ham. Hatto kimdir mana bu loyihani nega qilyapmiz, o'xshamayaptiku deyishi ham mumkin.

Vaqti o'ta tig'iz bo'lishi qaramasdan, Mark aka buni 10 yildan beri qiladi. Chunki Facebookning qadriyatlaridan biri bu — ochiqlik

Kompaniyada qadriyat shakllantirmoqchmisiz — o'zingiz namuna bo'lib bering.

@Nazarboyev_menejment

"Nothing at Facebook is somebody else's problem"

Bu jumla Facebookning asosiy qadriyatlaridan bittasi.

Ma'nosi — "Facebookdagi hech bir muammo kimnikidir emas"

Ya'ni bir xodim xato qiladi. Ammo boshqalar uni ayblab, ko'nglini og'ritib ishdan haydab yuborishmaydi. Hamma o'sha xatoni tuzatishga kirishadi

Kim nima yordam bera olsa beradi. Hamma o'zini xatosidek, o'sha muammoni hal qilishga kirishadi.

@Nazarboyev_menejment

Xato normal bo'lsin

Bizda, asosan logistika bo'limida xatolar tez-tez bo'lib turadi. 1 litrlik Dinay o'rniga 0.5 yozilib ketadi.

Yoki mol yetkaziladigan joyning shartnoma raqamlari xato ketib, aslida Farg'onaga ketishi kerak bo'lgan mol, Andijonga deb yozilib ketishi mumkin.

Men ko'rgan muammo shuki, xodimlar xatosi tufayli rahbardan gap eshitishdan qo'rqadi.

Natijada xatoni yashirishga harakat qiladi. Bu juda salbiy oqibatlarga olib kelishi mumkin.

Lider xatoni normal qabul qilsa va to'g'irlashga imkon bersa, xodimlar xatolarini yashirmay, darhol rahbarga yetkazishadi va to'g'irlashadi.

Buning uchun bir marta xato qilganda, "mayli, ishda bo'lib turadi, to'g'irlab qo'ying, yana shunday xatolar bo'lsa darhol menga xabar bering" deydi va bu hammaga ko'rinadi.

Xodimlar xatolarni yashirishni to'xtatib, xabar berishga va to'g'irlashga o'tishadi.

@Nazarboyev_menejment

Men ham menejer bo'la olamanmi?

3 ta savolni o'zingizga bering:

1. Jamoa bilan ma'lum bir natijaga erishishdan ko'proq ruhlanasanmi yoki aniq bir vazifalarni bajarishdan?

2. Odamlar bilan gaplashishni yoqtirasanmi?

3. Emotsional qiyin vaziyatlarda stabil turib bera olasanmi?

Javoblaringizdan “ha” bo’lsa, bo’la olish ehtimolingiz yuqori

Unutmang, professional leaders are not born — they are made.

Ya'ni professional liderlar o'z-o'zidan tug'ilib qolmaydi, ular ancha to'siqlardan o'tib yasaladi.

@Nazarboyev_menejment

Ishdan bo'shatish

Qarayapsiz, chota yaxshi ishlamayapti. Vazifasini to'liq qilolmayapti

Xullas, ishini eplay olmayapti. Yetarlicha gaplashgansiz, sababini so'rgansiz, baribir bo'lmayapti.

1. Bo'shatish fikri keldi. O'rniga yangi ishchi olaman degan fikr

2. To'xta balki eplab ketar. Ozgina vaqt berarman. Ikkilanish

Nima qilamiz jigar?

Bunday vaziyatda xodimning vazifalariga qaraysiz, agar to'g'ridan-to'g'ri mijozlarga bog'liq bo'lsa darhol bo'shatish kerak.

Va yana quyidagi zo'r usul bor: "Agar shu vakansiya ochiq bo'lganida aynan shu odamni shu ishga qabul qilgan bo'larmidim?"

Ya'ni o'sha odamni yangidan ishga olgan bo'larmidiz?

Javob hal. Ha bo'lsa, ozroq vaqt bering, yo'q bo'lsa — Ozoda Nursaidovaning "sen bo'lmasang boshqasi" qo'shig'i.

@Nazarboyev_menejment

Professional Menejerda qanday ko'nikmalar bo'lishi kerak?

1. Liderlik. U jamoani yetaklay olishi, ruhlantira olishi, aniq maqsadlarni qo'yib tushuntirib bera olishi, jamoani yuzida olov yondira olishi kerak

2. Muloqot ko'nikmasi. Har bitta xodim bilan gaplasha olish, ularni muammosini aniqlash, ularga yordam berishda kerak bo'ladi. Qolaversa, hamkorlar bilan uchrashuvlarda qovun tushirib qo'ymaslik uchun ham)

3. Psixologiya. Qaysi xodim ruhan tushkun holatda, mana bu xodim asli nima xohlayapti, anavi xodim o'zini yaxshi ko'rsatib asli jinoyat qilayotgan bo'lsachi, bu xodim bu gapi bilan nima demoqchi bo'ldi va h.z savollarga ichidan javob topa olishi kerak

4. Ta'sir ko'rsatish. Xodimlarni sevimli lideriga qanday aylanish mumkin, ularga qanday ta'sir qilish mumkin va h.z

5. Tushuntira bilish. Kompaniya maqsadlari nima, oldimizdagi vazifalar nima, bu topshiriqlarni qilishdan maqsad nima? Shularni chiroyli nutq bilan yetkazib, tushuntirib bera olishi kerak. (Notiqlik ham shuni ichida ketdi)

6. Ba'zi hard skillar bor: Ingliz tili, iqtisodiyot, moliya, buxgalteriya, marketing, sotuv bilimlaridan ham xabardor bo'lishi kerak. Chunki har bir bo'limni boshlig'i bilan ularni tilida gaplasha olmasa, oddiy buxgalter uxlatib ketmasligiga kim kafolat beradi jigarlar?

7. Boshqarayotgan sohasini bilish. Maktab bo'lsa ta'lim sohasidan, ishlab chiqarish bo'lsa o'shandan, restoran bo'lsa ovqatlar bo'yicha bilimlari bo'lishi kerak.

* Bo'ldi. Bu post menejmentga muhabbatingizni so'ndirish uchun yozilmagandi)

@Nazarboyev_menejment

Menejment nima?

Ko'pchilik menejment deganda — buyruq beradigan, jahldor boshliqni tushunishadi

Yo'q, u shunchaki boss xolos. Lider, menejer esa professional bo'ladi.

Menejerni asosiy vazifasi — qo'lidagi jamoa bilan yaxshiroq natijalar olib kelish, kuchli jamoa qurish. Positive multiplicator (foydali ko'paytiruvchi) , ya'ni jamoani ishini samaradorligini, ruhiyatini karrasiga ko'paytirib berish.

Menejer motivatsiya beruvchi bo'ladi. Xodimlar unga ergashishi, ruhlanishi, motivatsiya olishi kerak.

Keyingi postlar — menejer qanday ko'nikmalarga ega bo'lishi kerakligi haqida...

@Nazarboyev_menejment

Men kim Sarvar Nazarboyev,

2024-yil mart oyidan Ricomel Beverages (Dinay) kompaniyasi rahbariga menejment bo'yicha shogird tushdim.

Soham biznes boshqaruv. Kanalda asosan menejment, biznesga doir o'rganganlarim haqida yozib boraman.

Maqsad — o'rganganlarimni yaxshiroq anglash va uni boshqalarga ham yetkazish,

Qiyin terminlarni, nazariyalarni sodda tilda tushuntirish.

Ketdik! 🔥

@Nazarboyev_menejment

Bismillahir Rohmanir Rohiym