Yaqinda bir qiziq gap eshitdim. O'ylab qarasa, haqiqatga yaqin.

Londonda professor bo'lib ishlaydigan bir o'zbek odam aytmoqda:

"Kompaniyalarda ma'lum vazifani bajaruvchi jamoalarning tez-tez o'zgarishi sababi haqida hech o'ylab ko'rganmisizlar? Odatda har kim turli xil sababni misol keltiradi. Lekin ko'pchilik e'tibordan chetda qoldiradigan bir masala bor.

Agar kompaniya ilk yoki haqiqatda vijdonan ishlagan jamoani norozi qilib ketkazsa, undan keyin kelgan hech bir jamoa u yerda muqim ishlolmaydi, ya'ni halovat topmaydi."

Rosti bu gapni eshitgandan keyin tanam biroz muzlab qoldi. Chunki men o'zim takror-takror shu vaziyatga duch kelganman.

Oddiy qo'polroq misol keltirsam:

Masalan siz uylandingiz, ayolingiz sizga qo'lidan kelgancha xizmat qildi, lekin siz noaniq sababga ko'ra, uni haydab o'rniga boshqa odamga uylanib yashashni boshladingiz. Siz kimnidir baxtsizligi evaziga baxtga erishaman deb o'ylaysizmi?

U ayol baxtga erishishi mumkindir, lekin siz erisholmaysiz. Hech qachon. Men bu borada istisnolar bo'lishiga ham ishonmayman.

Yaxshilab o'ylab ko'rsangiz, bir marta bo'lsa ham shunday vaziyatga duch kelgan bo'lasiz)