وعدها مايتزوج غيرها
كلها بس ترجعين راح اخطبج
يومية اشتغل من الصبح لليل
التهي حتى ارجع انام وماتصير عيني بعين بنية
انتظرج بكل لحظة
اعرف شلون انتظر
اعرف شلون اصير وفي
شلون اسمع لهيثم يوسف لان تحبيه
شلون اتحمل مزاجج
شلون احضنج من تفزين بكابوس بالليل
كلتله بس ارجع تعال اخطبني
رجعت وراح لأهلها
كلهم اني أحبها ورايدها بالحلال
اوعدكم اصون شرفها واربي اولادها احسن تربية
اوعدكم احترمها
اني انسان عملي الله خلقني حتى بس اشتغل
عايش بمشتمل بيها غرفة امي وابوية
اشتراها من تعبه
صبغتها ورتبتها
عندي فلوس اشتريلها تراجي وسوار
وأتمنى منسوي عرس لأن كل كرايبي ميتمنولي الخير
كل أصدقائي راحوا بانفجارات والبقية عاشوا بالغربة
أتمنى تقبلوني، اعتبروني ابنكم
وهي قسمة ونصيب.
مو مهم أفشل المهم أبقى على كلمتي وياها اتقدملها.

أبوها كله انت خوش ولد بس هي بعدها صغيرة واتخذت قرار بعاطفة.
صدكني اذا رادت تتزوج ماننطيها الغيرك.

فرح كلش بحجاية أبوها وابتسامة أمها وبقى يشتغل ويجمع
ومن يرجع يطلع لوحته ويرسمها ويرسم بنته وابنة أمير واكفين ينتظروه يرجع من الشغل.
يرسم مستقبلة وعاطفتة على ورق.


الحد ماشافها ويه واحد لازم ايديها وتضحك وياه.
راحلها كلها هذه منو؟
كلتله هو انت منو!
راح البيت أهلها مثل المجنون
دك الباب طلع أبوها
كله اتفضل ؟ ماعرفَه
كله ابني متوهم بنتي خاطبها دكتور قبل سنتين.

رجع كلش حزين راد يعاتبها باللوحه
شاف بس طفلين بنص خيمة مموجوده هي،
بعدين تأكَد
كلشي جان وهَّم .. كلشي جان خيالي.

رسم نفسه وحضنهم ومات فوگ اللوحه.