في بيت شعر للإمام الشافعي يقول:

سافرْ تجدْ عوضًا عمَّن تفارقهُ
وانصبْ فإنَّ لذيذَ العيشِ في النَّصَبِ

إني رأيتُ وقوفَ الماءِ يُفسدهُ
إنْ ساحَ طابَ وإن لم يجرِ لم يطبِ

الصراحه وقت تقراهم بتعرف انو قيمة الحياة بالسعي وانو الأنسان مهما صار معاه من مشاكل وفترات فتور وقلة همه لازم يرجع لطبيعه الحياة الأساسيه وهيه السعي ف شبه الإمام الشافعي الأنسان بالماء

إني رأيتُ وقوفَ الماءِ يُفسدهُ
إنْ ساحَ طابَ وإن لم يجرِ لم يطبِ..

بما معناه انو الأنسان بيحصل على تقدير بالسعي وانو يسعى بالمكان يلي هوه عم يمشي فيه ويحاول يكون الأول دائما بالمجال يلي فات فيه.🤍

وبما انو اخدنا الماء ك تشبيه ف سبحان الله المي يلي بتمشي بالنهر ممكن الحجر يلي بالنهر يكون عائق الها بس بالنهاية المي عم تمشي والحجر يلي هوه عائق الها عم ينقي المي من الشوائب يلي فيها..🤍
لهيك خليك عم تسعى رغم كل الظروف لأن رزقك مقسوم واقدارك موجوده بس لازمها سعي مافي شي حيجي لعندك بدون تعب لأن هي سنة الحياة..🤍
سنة الحياة هيه السعي رغم انعدام الشغف ورغم الظروف بس الأنسان مطالب انو يحاول يتخطا ويمشي وينجح من بين العوائق..🤍
لهيك كل الأمور يلي بحياتك
كلام الناس انعدام شغف اي مشكله بتواجهك بطريق سعيك هيه عباره عن حجر يلي رح يطالعك انسان ناجح بتعبوا وقوي رغم كلشي..🤍

السعي🤍