Ochilboyev.uz

🚀 Bugun yaqindan tanishamiz! (2-qism)

👋 2019-yilda "Universe" erkin volontyorlik harakatiga asos soldim. 5 yildan buyon mazkur volontyorlik harakati xayriya va ijtimoiy loyihalar yo'nalishlarida faoliyat yuritib kelmoqda.

🏵 2021-yilda "Yil volontyori" mukofotini qo'lga kiritdim. Shu yili "Universe" erkin volontyorlik harakati "Yilning eng yaxshi volontyorlik guruhi" nominatsiyasini qo'lga kiritdi. Shuningdek 2023-yilda O'zbekiston volontyorlar assotsiatsiyasi tomonidan "Eng ezgu yil jamoasi" nominatsiyasi bilan taqdirlandik.

🎖 2021-yilda "O'zbekiston Respublikasi mustaqilligining 30 yilligi" esdalik ko'krak nishoni bilan taqdirlandim.

🎬 "Yengilmas" va "Volontyor" filmlari, "Universe" volontyorlar maktabi, "Ma'naviyat haftaligi", "Ramazon oyi tuhfalari" kabi an'anaviy loyihalarga asos soldik va yuqori saviyada o'tkazib kelmoqdamiz.

📔 O‘zbekiston Respublikasi Oliy Majlisi Qonunchilik palatasi huzuridagi Yoshlar Parlamentining hisobot jurnali, Toshkent shahar “Kamalak” bolalar tashkilotining “Yozni “Kamalak” bilan” ijodiy jurnali, “Universe” erkin volontyorlik harakatining “Universe time” kabi jurnallarining muallifiman (jurnallarning dizaynlari bilan ham shaxsan shug'ullanganman)😎

📚 Adabiyotning nazm yo'nalishida ijod qilaman. 2017-yil "Qalb nidosi", 2019-yil "Orzular qanoti", 2022-yil "Bizning yurak sevish uchun yaralmagan" nomli kitoblarim chop etilgan. 2024-yilda Turkiya nashriyoti bilan hamkorlikda o'zbek-turk tillarida "Sarhadsiz hislar" kitobim ham chop etildi (avgust oyida yetib keladi).

📖 2024-yilda Turkiya Respublikasining “Baygenc Yayincilik” nashriyoti tomonidan “Kalbin Cicekleri: Özbekistanli sanatcilar” nomli xalqaro to‘plamda va Hindiston Respublikasining "Taemeer Publications LLC" nashriyoti tomonidan "Namaste Uzbekistan" nomli xalqaro to'plamida ijodiy ishlarim chop etilgan. Shu yili "Tafakkur gulshani" nomli Respublika yosh ijodkorlar to'plamida ham ijodiy ishlarim chop etildi.

📃 30 ga yaqin ilmiy va ommabop maqolalarim va 70 dan ortiq intervyularim bor.

🇰🇬🇹🇷🇶🇦Bugungacha Qirg'iziston, Turkiya va Qatar davlatlarida bo'ldim. 🇺🇿O'zbekistonda esa Qoraqalpog'iston Respublikasi va Surxondaryodan tashqari barcha viloyatlarimizda bo'lganman.

👼🏻 Oilaliman. 1 nafar farzandim bor (ismi Abdulloh).

❗️Rostgo'y va adolatli insonlarni qadrlayman. Adolatga intilaman. Adolatsizlik bor joydan qochaman! Alloh roziligi uchun yashayman. Mansab-martaba uchun bandasiga xushomad qilmayman! Men shundayman va shundayligimcha qolaman!

#ochilboyev #azizbek #tanishuv #faoliyat

🔎 @ochilboyev_uz

🚀 Bugun yaqindan tanishamiz! (1-qism)

Men Ochilboyev Azizbek Baxodirjon o'g'li 2000-yilning 9-dekabr sanasida Farg'ona viloyati, Dang'ara tumanining Abdusamad qishlog'ida tug'ilganman (bu bilan faxrlanaman).

6-sinfgacha Mirzo Ulug'bek tumanidagi 223-sonli umumiy o'rta ta'lim maktabida, 7-sinfdan boshlab 171-sonli umumta'lim maktabida tahsil olib, shu maktabni a'lo baholarga bitirganman. Aytgancha, yangi maktabimga kelgunimgacha sinfimizdan birorta ham bola choragini to'liq 5 bahoga yopolmagan ekan. Mana shu baxt menga nasib etdi. 8-9-sinflarda choraklarim, yillik baholarimni to'liq 5 bahoga yopganman😎

✅ 2016-yilda Toshkent shahridagi Xalqaro Vestminster universiteti akademik litseyiga o'qishga qabul qilinganman. 3 yillik o'qishdan so'ng akademik litseyni a'lo baholarga tugatganman.

Akademik litseyning 2-kursini tamomlab, Vestminster universitetining birinchi bosqichiga qabul qilinganman (L-CIFS dasturi asosida). Ertalab akademik litseyda, tushlikdan so'ng esa universitetda tahsil olardik. Akademik litseyni tamomlashim bilan universitetning 2-kursidan o'qishni davom ettirganman.

🎓 2022-yili Vestminster universitetining "Tijorat huquqi" ("Commercial law") yo'nalishini tamomladim. 2022-yil qish faslida yuridik universitetiga magistratura bosqichiga hujjat topshirdim va qabul qilindim. 2024-yilda mazkur universitetni "Advokatlik faoliyati" mutaxassisligi bo'yicha tamomladim va "yurist" kvalifikatsiyasiga ega bo'ldim.

💼 2019-yil 4-noyabrdan (hali 19 yoshga ham to'lmagan edim) Vestminster akademik litseyida xodimlar bo'limi noziri (HR) sifatida faoliyatimni boshladim. Bugungi kunda ham mazkur litseyda shu lavozimda ishlab kelmoqdaman. HR sifatida salkam 5 yillik ish stajiga ega bo'libman.

🇺🇿 2021-yildan 2024-yilgacha O'zbekiston yoshlar ittifoqi Toshkent shahar kengashida turli lavozimlarda faoliyat yuritdim. Ko'pchilik meni "Kamalak" bolalar tashkiloti raisi sifatida yaxshi taniydi. Boshchiligimdagi Poytaxt jamoasi 2022-yil "Eng namunali hududiy sardorlar Kengashi" tanlovida faxrli 3-o'rinni, 2023-yilda esa faxrli 1-o'rinni, "Yil sardori" ko'rik-tanlovida faxrli 2-o'rinni, "Bolalar ligasi" turnirida faxrli 2-o'rinni, "Zakovat" intellektual turnirida 2-o'rinlarni qo'lga kiritdi. Toshkent shahridagi umumiy o'rta ta'lim maktablarida sardorlar kengashi faoliyatlari rivojlandi. Ma'naviy-ma'rifiy ishlar bo'yicha direktor o'rinbosarlari bilan tizimli ishlar amalga oshirildi.

👨‍⚖️ 2020-yildan bugungacha Qonunchilik palatasi huzuridagi Yoshlar parlamenti a'zosi sifatida (2020-2022, 2023-...) faoliyat yuritmoqdaman. "Fan, ta'lim, madaniyat va sport masalalari qo'mitasi" raisiman.

O'zbekiston Milliy tiklanish demokratik partiyasi a'zosiman. Shuningdek, Yoshlar parlamentiga Milliy tiklanish demokratik partiyasidan saylangan a'zolari guruhining raisi o'rinbosariman.

🇺🇿🇷🇺🇬🇧🇪🇸O'zbek, rus, ingliz va ispan tillarini yaxshi bilaman. 🇹🇷Turk tilini esa o'rganayabmiz (ancha tushunib qoldim).

#ochilboyev #azizbek #tanishuv #faoliyat

🔎 @ochilboyev_uz