Odilbek Qodirov | she‘rlar

ONAM

Allohimga duo qilar,
Menga baxtu omad tilar.
Erkalatib boshim silar,
Mening hokisorim onam.

Uyim fayzi safoligim,
Beminnatim vafoligim.
Shirin so‘zi shifoligim,
Dardlarimga dorim onam.

Boshimga ish yetar bo‘lsa,
Omadim tark etar bo‘lsa.
Yaqinlarim ketar bo‘lsa,
Qolgan madadkorim onam.

Dunyo kelib qo‘llarimga,
Chalg‘isam o‘ng so‘llarimga.
Ko‘zin tikib yo‘llarimga,
Kutar intizorim onam.

Turishlari menga savlat,
Duolari oliy davlat.
Alloh bergan poyi jannat,
Dunyodagi borim onam.

Cho'qqilarga chiqishimga,
Zafarlarga to‘lishimga,
Ishonib zo‘r bo‘lishimga,
Yurgan umidvorim onam.

Bolam der mehri soyligim,
Hammadan buyuk boyligim.
Farishtam eng chiroyligim,
Aziz hushiforim onam.

Dunyodagi borim onam,
Dardlarimga dorim onam,
Erkalatib boshim silar,
Mening hokisorim onam.

✍ Odilbek Qodirov

@Odilbek_sherlar

O‘ZING

Qoshlari qaro qaro,
Qilding yuragim yaro.
Muhabbat shaxri aro,
Yolg‘iz armonim o‘zing.

Ishq boshga balo ekan,
Kuyarkan sevdim degan.
Sog‘inchda qalbim yegan,
Mening hijronim o‘zing.

Boylikni baxt deb bilib,
Vadasin yolg‘on qilib.
Gul desam dilim tilib,
Ketgan tikonim o‘zing.

Dard sabrim chokin so'kkan,
Hasratdan ko‘nglim cho‘kkan.
Kuz kelmay bargin to‘kkan,
Hajri hazonim o‘zing.

Dunyoni ozoriday,
Dil sotib bozoriday.
Atirgul iforiday,
Narxi arzonim o‘zing...

Kelmading gulim kutsam,
Sezmading alam yutsam...
Jon deya jonim tutsam,
Jon olgan jonim o‘zing.

✍ Odilbek Qodirov

@Odilbek_sherlar

BEGONAMIZ

Qo‘lim yetmas armonim,
Tuyg‘ulari hazonim,
Muhabbati arzonim,
Begonamiz endi biz.

Bahor desam kuzligim,
Ey yuragi muzligim.
Mening ikki yuzligim,
Begonamiz endi biz.

Kuydim hijron dog‘ida,
Ishqim gullar chog‘ida.
Siz o‘zga quchog‘ida,
Begonamiz endi biz.

O‘n yettida bo‘yingiz,
Uch kundan so‘ng to‘yingiz.
Baxtliman deb qo‘yingiz,
Begonamiz endi biz.

Tundayin qoshi qaro,
Baxtli edik ishq aro.
Ajralishdik dil yaro,
Begonamiz endi biz.

Bo‘ldi gulim yig‘lamang,
Tig‘siz dilim tig‘lamang.
Yetar meni qiynamang,
Begonamiz endi biz.

Sog‘inganda dil qonda,
Kul bo‘lamiz hijronda.
Ikkimiz ikki yonda,
Begonamiz endi biz.

Begonamiz endi biz...

✍ Odilbek Qodirov