اساس ليلة ٢ محرم

ياالـــرايــد الخــدامـة لاتحجـي بالزعــامـة
صفـي بمحـرم نيتـــك
خليهــــا لله خـدمتـــك
وآه حسينا

1
ياخـادم أتـواضع تــره بـــاجــر وراك الآخرة
هـــذا الكــلام أتذكــره صبـــــح ومسيـــــــه
حسين اليحبه بخادمه مخلــص لأًمــه فاطمة
ينعــم عليــه بالغانمة يـــــــــوم المنيـــــــة

يل تخدمـه بأمانــة حافظ على المكانة
لاماتنفعـــك دنيتـــــك
خليهــــا لله خـدمتـــك
وآه حسينا



2

ماكو جبير أعله الخدم لكـن أكــو خبـرة وقِدَم
مــن عنــده نتعلـم قيم ونلقبـــــه عــــــابـــس
لا يجـي يكلي مـدرسة والمجلـس آنه مأسسه
هالخدمـة مـو منافسة يهــــــل المجـــالــــس

والصــادق بكـــلامه حسين يعرف مقامه
يبنادم أعـرف قيمتـــك
خليهــــا لله خـدمتـــك
وآه حسينا





3

تدري الحسين أيراقبك دورك يشوفـه بموكبك
لاتفتخــر فــي منصبك لـــــــو مــــــاتصلـــي
لتشيل خشمك عالبشر جم واحـد المثلك عثـر
لتــذيــع عالـوادم خبر ماكـــو آنــــه مثلـــي

الـــوالـي مايجهـلك برمشــة نظـر ينزلك
بالخدمة حَسّن سمعتك
خليهــــا لله خـدمتـــك
وآه حسينا






4

لتغـــار مـن ذاك العزه وتركض تروح تبارزه
بالتـالـي مـاكـو جائزة بــس كثـــره ذنـــوب
بالخدمة شنهو الفائدة لـو أكـو موكب حاسده
حسين اليريده يصعده ويصيــــــر مهيـــوب

ميصعـــدك غرورك مهمـا كبـر شعورك
ماتدري يمته ساعتــك
خليهــــا لله خـدمتـــك
وآه حسينا






5

ثوب الحزن من يلبـس بمحـرم أيطهـر النفـس
والخدمة تنطيك الـدرس لاتــستغلــهــــــــــا
من دم الحسيـن اتعض وأعله البشر لاتفترض
لخاتمتك أدعي بكل فرض وأذكــر فضلهــــا

تضمنتك النهايـــة وتحفظـك بعنايـــة
لاتنسى ظلمة حفرتــك
خليهــــا لله خـدمتـــك
وآه حسينا






6

يـاخـــادم آنـــه أنصحك حسين الولي ميسامحك
مو قصدي ألمك وجرحك بـــــس هــــذا واقــــع
خلي أنتمائـك بس ألـه كلشي التريده أتحصله
وبنيتــك اكصـد كربلـه وهـــــــل المــــدامــــع

قـــدم الــه أعتذارك يم قبره تطفي نارك
وبالحضة يرفع هيبتك
خليهــــا لله خـدمتـــك
وآه حسينا


شطره
امجـــد صاحـــب الشطــــري

https://t.me/oydgh