?العالم الموازي?

💜كُن على يقين أن هناك شيء ينتظرك بعد الصبر، ليبهرك و ينسيك مرارة الألم! ذلك وعد رّبي "وبشّر الصّابرين".💜

احيانا بيلجأ الشخص لخياله علشان يحقق فيه حاجة نقصاه ومش قادر يحققها في الواقع 💔
وساعات بيبني قصة ف خياله , ممكن تحصل اي حاجة تقطع تفكيره وييجي ف وقت تاني يكمل القصة وتحسها زي مسلسل ليه حلقات 🖤
مثلا الفقير بيشوف ف خياله انه غني , والوحيد انه متجوز / مرتبط , والفاشل انه بقى ناجح ومشهور
طب ايه سبب احلام اليقظة ؟ 🙄
💙الاحباط 💙
بيبقى نفسه يحقق حاجة معينة بس مستعجل عليها ويوم ورا يوم الحاجة دي مش بتتحقق فبييجي له احباط
💙عدم الثقة في النفس 💙
ودي بتكون من الاسرة او المجتمع المحيط بيه , او منه هو نفسه , وهنتكلم عن النقطة دي في بوست لوحدها
💙عدم القدرة على التكيف 💙
بيبقى مش قادر يتكيف مع وضعه الحالي ومش راضي عنه ولا حتى بيحاول يغيره
-
طب أحلام اليقظة دي بتضر ف ايه ؟ 🧐
احلام اليقظة دي زيها زي المخدرات , بتخدر قلبه المسكين وتشبع رغباته وتسد النقص اللي عنده لفترة قليلة لحد ما يرجع للواقع بتاعه 💔
بيلاقي الواقع قاسي فثقته بنفسه بتقل اكتر ويحصل له احباط اكتر ويكره وضعه الحالي اكتر فميعرفش يتكيف معاه
فبيلجأ لأحلام اليقظة تاني بس المرة دي بيزود الجرعة , فلما يرجع للواقع يتعب اكتر فيرجع للأحلام ... الخ
لدرجة انه ممكن يسمع اصوات او يتخيل حاجة بيلمسها حقيقي ( دي لما الامر يتطور جامد )
🌻طب ايه الحل ؟ 🌻
يحارب ( الاحباط - عدم الثقة ف نفسه - عدم التكيف )
يعرف ايه سببهم ويبدأ يعالجهم قبل ما الوضع يزيد أكتر
هبقى انزل بوست عن عدم الثقة في النفس
وفي بوستات ( اليقين - الأسباب ) دي علشان تعالج الاحباط
وهبقى انزل بوست عن التكيف مع اهلك ومجتمعك ووضعك الحالي
يتبع .... 💜

💙الدين الحق تشغيل لمواهب الإنسان الرفيعة، بحيث ينتفي من حياته الظن والتوهم، ويبقى اليقين وحده 💙

💙ما أجمل أن تستيّقظ في الصَباح .. شاكراً لربك معترَفاً بفضَله فتقول : الحَمدلله الذي عافاني في جَسدي ورد علي روحي وأذِنَ لي بذكره. 💙

كام شخص لجأت ليه وقت خنقتك وخذلك ؟
كام شخص كلمة منه كانت بتريحك نفسيا ودلوقتي مبقاش ف حياتك ؟💔
كام حاجة بتعملها لما تكون مخنوق علشان تهدى ومع الوقت مش بتحس بيها او مبقتش متاحة
كام محاولة ليك مع ( سوشيال - صحاب - اهل - تغيير روتين ) علشان تطلع من الخنقة وكل ده سرعان ما بيفشل ؟💔
كل محاولاتك اللي فشلت مش معناها انك فاشل
او معناها انك هتفضل مخنوق طول عمرك
لا دي معناها انك بتحاول توصل لهدف نبيل بطريقة فاشلة , بإنك تلجأ للشخص الغلط او تجرب حاجة جديدة تفك روتينك او تعتقد ان كلامك مع فلان ده هيخليك مرتاح
وعلشان الراحة بتبقى مؤقتة بترجع تتخنق تاني وتحس ان خلاص انت والهم عمركم ما هتبعدوا عن بعض
طب كام مرة كنت مخنوق ومسكت مصحف او فون وقرأت شوية قرآن ؟ 💜
طب كام مرة كنت مخنوق وقعدت تستغفر ربنا بدون ما تفكر ف مشاكلك ؟ 💜
طب كام مرة كنت مخنوق وقمت اتوضيت وصليت ودعيت ربنا ؟ 💜
انت يعتبر جربت كل حاجة في كل وقت علشان تطلع من الخنقة دي
يعني مش هتخسر حاجة لو زودت ع محاولاتك محاولة كمان وهي انك تلجأ للي خلقك
اللي بيقول للشئ 🌻 كن فيكون 🌻
مش يمكن كل محاولاتك دي كانت سبب علشان تعرف ان مفيش حاجة هتنجح غير قربك من ربك ودينك ؟
💙جرب , صدقني مش هتخسر حاجة💙
-
💌حتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ (118)💌
يتبع .... 💜

انا عارف ان البوستات طويلة 💔
بس ده علشان اجمع الموضوع كله 🌻
البوستات تكون طويلة وشاملة الموضوع كله
..... ( 💙 ) .....
اقسم البوست ع كذا بوست وفترات
..... ( 💜 ) .....

سيدنا موسى كان بيخطب في يوم وحد سأله مين اكتر الناس علما فقال انا .. ظنًا من سيدنا موسى انه نبي الله فأكيد هو اكترالناس علما , فربنا عتب عليه علشان مردش الفضل ده على ربنا فقال له انت هتروح عند مجمع البحرين وهتقابل واحد أكتر منك علما 🌻
سيدنا موسى لما قابل الخضر قال له علمني فقال له انت مش هتقدر تصبر قال له لا ان شاء الله هصبر وبدأوا رحلتهم اللي اتكونت من تلات مواقف 🌻
💙 اول موقف 💙 :
ركبوا سفينة مع ناس مساكين فخرم السفينة , وسيدنا موسى عاتبه انه ازاي يرد المعروف بإنه يبوظ لهم سفينتهم !
💙 تاني موقف 💙 :
وهما ماشيين الخضر شاف طفل فقتله ,سيدنا موسى غضب واستغرب جدا , إزاي تقتل طفل برئ!
💙 تالت موقف 💙 :
دخلوا قرية اهلها رفضوا انهم يضايفوهم ويوكلوهم , فالخضر شاف جدار ع وشك انه يقع فبناه كويس , فسيدنا موسى استغرب وقال له ازاي تساعد ناس رفضوا انهم يساعدونا ! ده انت كنت ممكن تاخد فلوس بدل ما عملناه ببلاش !
💌 ولما سيدنا موسى استعجل وخالف وعده , الخضر قال له ده فراق بيني وبينك وانا هفهمك السبب وراء اللي عملته 💌
1- السفينة اللي خرمتها كانت لمساكين وكان وراهم ملك بياخد كل سفينة بالغصب فلما احنا خرمناها الملك هيشوفها بايظة فهيسيبها لهم 💜
2- الطفل اللي قتلته ابوه وامه مؤمنين ولو كان عاش كان هيتعبهم وهيشيلهم ذنوب فربنا كان عايز يبدلهم بطفل اكتر منه في الخير والبر 💜
3- الجدار اللي بنيناه ده كان تحته كنز لطفلين يتيمين وابوهم كان صالح فربنا اراد انه يحافظ لهم ع الكنز ولك ان تتخيل قرية رفضت تطعمنا هيحافظوا لليتيمين ع كنزهم ؟ 💜
نستفيد من القصة دي حاجتين :
1 - مفيش اي حاجة بتحصل بدون سبب حتى لو مش عارف السبب مش معناه ان ملهاش سبب 💌
كام مرة زعلت ع حاجة وربنا عوضك بالأحسن منها ؟ كام مرة افتكرت اللي حصلك ده شر وطلع خير ؟ كام مرة كان نفسك ف حاجة ومحصلتش غير بعدها بفترة علشان ده الوقت المناسب ليها مش الوقت اللي انت كنت عايزه فيها ؟
2- ترد الفضل دايما لربنا ومتعترضش ابدا 💌
كام مرة بتقول انا نجحت علشان كنت بذاكر ؟ كام مرة قولت انا فهمت كذا علشان انا ذكي ؟ كام مرة نسيت تحمد ربنا ع نعم كتييير ومعترض ع كام حاجة ربنا حاجبها عنك علشان هي مش خير ليك وانت مش فاهم ؟ كام مرة يأست من قضاء ربنا وتطاولت عليه ؟
احمد ربنا على كل حاجة ❤️
لبسك وبيتك وصحتك وتوبتك ومالك ونجاحك وحياتك كلها اللي في كتير مش لاقيها
احمد ربنا حتى على انه خلاك تحمده ❤️

لا تيأس على حزن غمر حياتك وهماً استعمر قلبك فيوماً ما ستدرك أنه خيراً لك ، سيأتيك الله بالخير لينسيك تلك المرارة .. 🌻💙

ومتى أرادَّ اللَّه لِقلبك أنّ يُزهر .. سيُزهر ولو كان جدباً و من دون ماء .. 💙

لأنه الله .. و لأن رحمته فوق المدى فوق التخيل والحدود، فالخير قادم أقرب مما نظن وأكثر مما نريد .. #تفاءل

💙لاتترك أي شيء في قلبك ضد أحد .. سامح و اغفر و تجاهل وأحسن الظن فالحياة 《لحظات》 تستحق أن تعيشها براحة ثم ترحل💙

« فإنِّي قريب » ما الّذي ترجُوه ، بعد أن يستقرّ دفءُ هذه الآية في وسط فُؤادك ؟

🌸لا تَنتظر شَيئاً بلهفَه ، فَالأقدَار
كُتبَتْ أنْ يَأتيكَ كُل شَيء فِي وَقتَه...