من أهم علامات النضج يلي ما بيقدر يوصلها الإنسان إلا بعد مشقة وحفنة كبيرة من التجارب :
• الأشياء ما بتبقى على حالها بس لأننا منسيطر عليها
• عدم إمكانية استفزازك مهما تعاظمت لغة النقاش أو حدة المشكلة
• يلي بتعرفو هو دليل على انك لا تعرف إلا شذرات قليلة جداً
• اننا منمارس الإسقاط على الآخر حسب فرويد : "ننسب للآخرين مشاعر نكبتها في داخلنا" وهاد بيدفعهن بالمستقبل للرحيل عنّا، وبعدين منحمّلهن على ما لا طاقة لهم به
• إنك مانك محور الكون، إنك قابل للنسيان بدون سبب حتى

وعليه، النضج مانو حالة عمرية أو شهادة علمية، هو حالة عقلية بيقدر الإنسان من خلالها إنو يفرغ العالم و النفس من الأوهام و تضخم الأنا

و أعلى مراحل النضج هي الكيفية يلي بتنظرلها الى المختلف بكل أطيافو العرقية و الثقافية و الدينية و الجنسية و خيارات الناس، كل ما كبر نضجك كل ما اتسعت دائرة قبولك لأنو النضج هو التحرر من الكراهية، وكل ما قل نضجك كل ما اتسعت دائرة كراهيتك وتعاظمت الأنا لهيك بتلاقي الجهل رديف للغرور و التعصب

خلاصة، النضج يكمن في اعتبار ما يناقض قناعاتك هي اشياء جديرة بالتأمُّل، إنك تترك قناعاتك تختبر نفسها وما تقبض عليها أو تحتكر المعرفة، عرّض قناعاتك وثوابتك و مقدساتك و مبادئك لمطرقة الشك وسندان المنطق
الأفكار الصحيحة هي صحيحة بنفسها لا لدفاع الناس عنها
من خلال طرق قناعاتك بمطرقة الشك ف إنت بتكون عم تهذبها وتحسنها من القوى العاطفية يلي طرأت عليها خلال مسيرة حياتك وتكوين هالقناعات و احتكار الحقيقة 🙏

#بتصرف
#دخيل