قافلـــــه || Qafilah

خیالي نړۍ...!!

د تخیُّل په نړۍ کې کله کله څو سوه کلونه شاته لاړ شم او زمونږ اندلس ښار ته پکې ورسیږم
د الهي قانون حاکمیت، د مسلمانانو حاکمیت، جنتي ژوند، فاتح ژوند، علمي ژوند، تحقیقاتي ژوند، اتفاقي ژوند، فلسفي ژوند هلته وکړم
د بدر بن مغیره مشهور په سرحدي شاهین
د محمد بن قاسم، یوسف بن تاشفين، عبدالله بدر بن نعیم، موسی بن ابي غسان
او نورو زړورو سرښندونکو عقابانو د فتحو او د رحمن د لښکرو منظره په ډېر ارامښت او دقت کوم او د اسلام دځلېدلي لمر نه بیخي تازه شم او په هغه اندلس کې قدم وهم د جنتي احساس سره سره په نرمه موسکا کې یم او هغه اندلس کې یم چې غرب ته یې د انسانیت درس ورکړ
د طارق ابن زیاد د آس قدمونو څرپهاری بیخي لذیذ وو، د تکبیر ملکوتي نغمې
همدې فضا کې خورې وې
او دې دنګو ماڼیو د اسلامي تمدن ننداره منظره کوم، د موسی بن ابی غسان جادویي ویناوې اورم
د الزغل تدبیرونو ننداره کوم
او د بدر بن مغیره د تورې اوازونه ښکلوم
خو ترټولو پکي
د بدر بن مغیره د سرښندني باب ډېر ښکلی او په زړه پورې وو
خو زه د تخیُّل له نړۍ څخه بیرون شوم
چي ومې کتل اندلس ژاړي زمونږ له وجود پرې شوی،
د اندلس ځمکه خاوره او اسمان له پېړیو راهیسې د بل طارق او سرحدي شاهین لار څاري،
او دنګ دنګ دیوالونه د آذان د زرینو نغمو تږي دي او زه مې د تخیل نه بعد اوښکې نشم کابو کولی .. !!
اندلس اوس زمونږ نده خو مونږ بیا راګرزیدونکې یو...

۱۴۹۲ میلادي کال د اندلس د سقوط ورځ 😭😭😭

دا ښاېسته ځوان د کوم فلم یا سیریال اداکار نه دی، بلکې یو غیرتي فلسطینی دی.
د ایمن الکرد په نوم دا ځوان د ۲۰۱۶م کال د ستمبر په ۱۶ نېټه بیت المقدس ته د لمانځه لپاره راغئ، غاصب اسرائیلي فوځ غوښتل، چې له لمانځه یې منع کړي، خو هغه وروسته نه شو، اسرائيلي فوځ پرې ډزې پیل کړې، چې په نتیجه کې یې نوموړی ۱۳ ډزه ولګېده، د روغتون پر ځای محبس ته یوړل شو او د بدن یوه برخه یې فلج شوه.
د محکمې له پرېکړې پرته یې دوه کاله قید تېر کړ او په ۲۰۱۸م کال کې ورته د ۳۵ کلونو سخت قید سزا واورول شوه، چې تر ننه هم لا په قید کې دی.
دا تنکی دوه ویشت (۲۲) کلن ځوان د اسرائیلي فوځ له هر ډول شکنجې، ظلم، زیاتي او حیوانیت سره مخ شوی او لا هم مخ کېږي، خو د انسانیت ټېکداران پرې خاموش دي.
د وروستیو خبرونو له مخې د ایمن ژوند او صحت له جدي ګواښ سره مخ دی.
له غاصب اسرائیلي فوځ څخه د ایمن د خوشې کېدو او د صحت لپاره لاس په دعا شئ.
Zahidullah Nazari

الـحدیث

«عن ابنِ مسعودٍ (رض)، قال: حدثنا رسولُ اللَّه (صلی الله علیه وسلم)، وهو الصَّادِقُ الـمصدوقُ: «إِنَّ أَحَدَكُمْ يُجْمَعُ خَلْقُهُ في بَطْن أُمِّهِ أَرْبَعِينَ يَوْماً نُطْفَةً، ثُمَّ يَكُونُ عَلَقَةً مِثْلَ ذلِكَ، ثُمَّ يَكُونُ مُضْغَةً مثْلَ ذلِكَ، ثُمَّ يُرْسَلُ المَلَكُ، فَيَنْفُخُ فِيهِ الرَّوحَ، وَيُؤْمَرُ بِأَرْبَعِ كَلِماتٍ: بِكَتْبِ رِزقِةِ، وَأَجلِهِ، وَعمَلِهِ، وَشَقيٌّ أَوْ سعِيدٌ. فَوَ الَّذِي لا إِله غَيْرُهُ إِنَّ أَحَدَكُمْ لَيَعْمَلُ عَمَلَ أَهْلِ الجَنَّةِ حَتَّى مَا يَكُونُ بَيْنَهُ وبَيْنَهَا إِلاَّ ذِراعٌ، فَيَسْبقُ عَلَيْهِ الْكِتابُ، فَيَعْمَلُ بِعَمَلِ أَهْل النَّارِ، فَيَدْخُلُهَا، وَإِنَّ أَحَدَكُمْ لَيَعْمَلُ بِعَمَلِ أَهْلِ النَّارِ حَتَّى مَا يَكُونُ بَيْنَهُ وَبَيْنَهَا إِلاَّ ذِرَاعٌ، فَيَسْبِقُ عَلَيْهِ الْكِتَابُ فَيَعْمَلُ بِعَمَلِ أَهْلِ الجَنَّةِ فَيََدْخُلُهَا»»
📚متفقٌ عليه / مسلم 2643

« له ابن‌ مسعود ﴿رض﴾ څخه روایت دی چی ویل یی : رسول الله ﴿صلی الله علیه وسلم﴾ د تصدیق وړ پیغمبر وو موږ ته یی وفرمایل : ستاسو د هر یوه پیدایښت دغسی جمع او ترسره کیږی : څلویښت ورځی نطفه ده هغه وخت څلویښت ورځی علقه (تړل سوی وینه) تړله کیږی بیا په نورو څلویښتو ورځو کښی د مضغه ( لکه د غوښی ټوک) په شکل جوړیږی بیا فرښته رالیږله کیږی او په هغه کی روح دننه کوی چی څلور موارد : رزق او اجل او عمل او سعادت یا هم د هغه شقاوت ولیکی او سوگند په هغه چا چی پرته له هغه بل معبود نسته له تاسو څخه یو د اهل جنت د عملونو په رقم عمل کوی تر هغه اندازه پوری چی د هغه او جنت تر مینځ فاصله یواځی یوه ذراع (نیم متر) باقی وی ، مگر لومړی لیکنه (تقدیر) تر هغه مخکی کیږی همدغه وخت کښی هغه د دوزخیانو په شان عمل کوی او دوزخ ته داخلیږی، او له تاسو څخه یو د اهل دوزخ د (عمل) په څیر عمل کوی تر هغه ځایه پوری چی د هغه او دوزخ تر مینځ فاصله یوه ذراع پاتی کیږی مگر لومړی لیکنه تر هغه مخکښی شی او همدغه وخت کښی هغه د جنتیانو د عمل په څیر عمل وکړی او جنت ته داخلیږی.»