- أني كملت الامتحان .. نبي نسلم الورقة

= مدة الأمتحان من ٦٥ الى ٨٠ سنة .. كملت منهم ٢٤ سنة .. ميصيرش
- نبي نطلع .. اني كملت شندخلني !
= ميجوزش لو طلعت توا حتكون كآفر
- تمام لكن ماعرفتش شن بندير
= سمي بسم الله وأدعي وكل شي تبيه يجيك جاهز
- سحر هو ؟ نقولك مش لاقي شغل و ....
= عينك بورقتك اني ماليش علاقة .. اني مش مدرّس

- أستاذ ..
= نعم ؟
- هني في خطأ
= وين في أي صفحة ؟

- صفحة الجغرافيا .. يعني أني توا انولدت في ليبيا شنو ذنبي ؟ بالتالي لا مستقبل لا شي .. أني بهالصفحة وحنتدمّر كلياً ..
= اني شن دخلي .. توا انت شن تبي ؟
- نبي دفتر اجابة جديد
= ميجوزش .. هو دفتر واحد لكل بني آدم

- أستااذ
= مش حتسكت يعني ؟

- لا بس محتاج راحة نفسيّة .. كملت عندي ..
= في حد هني مرتاح نفسياً زيادة ؟ ولا واحد ؟ ..
تمام شوف حنزيد وقتك ٥ سنين باش ترتاح وتكمّل ..
- لا لا بطلت منبيش .. هو أني نتمنى نكمل.