QALB XONASI | by muttaq1y

Kelajakdan qarz olish yohud Prokrastinatsiya sindromi !

“Yoshligimda rus tilini o’rganmagan ekanman, rosa qiynalyapman” deb qoldi bittasi. “Yaxshiroq o’qish kerak ekan, endi vaqtim yetmayapti” deb aytib qoldi ikkinchisi.

Ular vaqtni kelajakdan olib turishgan. Qarz bo’lib qolishgan. Endi esa to’lashyapti.

Bo’sh qolgan vaqtingizda o’qib-o’rganmay, bekorchilik qilayotganda, kelajakdan qarz olyapsiz.

Qilishingiz kerak bo'lgan ishlarni emas, hamma qilayotgan ishlarni qilayotganda kelajakdan qarz olyapsiz.

Bugungi ishlaringizni ertaga qoldirayotganda, kelajakdan qarz olyapsiz.

“Dushanbadan boshlayman!” , “ Oyning boshidan boshlayman!” deb qanchadan qancha ishlaringizni kechiktirdingiz endi sizga savol nechta dushanba-yu , qanchadan-qanchadan oylar o’tib ketti lekin siz hali ham boshlamoqchi bo’lgan ichizni boshlaganingiz yo’q!

Umringizni yarmidan ko’pini dam olish bilan o’tkazganingiz yetmaganday, (misol uchun kitob o’qishni o’zingizga odat qilmoqchi bo’lganingizda) “ Hozir haftaning oxiri birdan haftaning boshidan boshlayman” deysiz. Qayerdan chiqgan gap bu haftaning oxirida dars qilib bo’lmasligi.

Qarzniku olaverasiz. To’lash vaqti keladi. Vaqt pul emas, yillar o’tib ko’payib qolmasligi tushunasiz. O’tmishingizni yomon ko’rib, yana kelajakdan qarz olib to’lamoqchi bo’lasiz. Olishga hech nima qolmagan bo’ladi. Qattiq afsus qilasiz.

Kelajakdan qarz olmang. Imkoni bo'lsa qarz berib turing (ilm, mehnat, sport), o'zingiz o'zingizga rahmat aytasiz.

QALBXONASI🫀 |by muttaq1y

Yolg‘izlik

Kerak boʻlsa, jim bo'lish, faqat jim boʻlib, o'zingni tinglash ham foydali. Ba'zan qobig'ingga berkinish ham senga yaxshilik olib keladi.

Bu mag'lubiyating va yolg'izligingni qabul qilish emas. Shunchaki, o'z-o'zing bilan yashab ko'rishdir.

Ichida zarracha sof tuyg'ular boʻlmagan "seni sevaman" lardan, soxtaliklardan ko'ra haqiqiy va sokin yolg'izlik yaxshidir.

Inson yolg'izlikdan bo'g'ilib ketganida va hayotida kimdir boʻlishini xohlaganida, obdon o'ylashi kerak. Charlz Bukovskiy shunday deydi:

"Yolg'iz bo'lish - yanglish joyda va yanglish qalbda bo'lgandan koʻra yaxshiroqdir. Yolg'izlik soxta va shubhalarga to'la sevgidan ko'ra afzalroqdir".

QALBXONASI🫀 |by muttaq1y

Manipulyatsiya

Men bir gapni tez-tez uchrataman. "Meni namozga uyg‘otmagan xotinga soliha kundosh nasib qilsin" degan hazilomus postlar ko‘p.

Shu joyda avvalo o‘zimga nasihat sifatida eslatib o‘tmoqchiman. (Garchi o‘zim ham bo‘ydoq bo‘lsam ham) Uyning erkagi menman. Ahlimni namozga uyg‘otish meni vazifam. Axir bejizga Alloh taolo Qur'oni Karimda: "Ahlingni namozga amr et va o‘zing unga sabr qil", deb aytmagan. (Toha surasi, 132-oyat). Va ko’p joylarda ilmli qizlarni istayotgan ilmsiz yigitlarni ko’ramiz. Ba’zida o’zim ham hayron qolaman ayrim bookbloger , ilmli ,dunyo qarashi ancha katta , ijtimoiy tarmoqlarda ancha manfaatli blog yuritadigan qizlar dunyoga berilgan “Boyvachcha”larga turmushga chiqadi. O’zini nafsi boylikni hohlab turib yana o’zini oqlab ham qo’yadi :
-Jamiyatni ayollar tarbiya qiladi!
To’g’ri bu gapga 100% qo’shilaman. Lekin ! Lekin fitratan buzuq bolani qanday tarbiya qilasan. Ko’chada nazarini tiyolmaydigan, oilasiga to’liq shariyat qonun qoidasida luqma topib kelolmaydigan, ilmga qiziqmaydigan (agar qiziqqanida sen bilan hayotini bog’languncha ham o’qigan bo’lardi) bunday otadan endi o’ylab ko’r qanday farzand tug’iladi ! Yigitlarning ilmsiz bo’lib ketishiga 95% qizlar aybdor. Sababi nima bilasizmi? Yuqoridagi misoldek qizlar o’zi ilmli bo’lsa ham ilmsiz puli bor insonga turmushga chiqayotgani. Agar qizlar pulga emas yigit bolani ilmiga qiziqqanida edi yigitlar pul topishga emas ilm o’qishga kirishib ketgan bo’lardi. Chunki yigitlarni hayolida bir gap bor: “ Ilmsiz bo’lsam ham o’zimni shaxsiy kareriyam bo’lsa ilmli qizni ham rozi qilaolaman” deb o’ylaydi va bu narsa hozirgi kunga kelib tabiat qonuniga aylanib bormoqda. Yigitlar qizlarga qanday bolalar yoqishiga qiziqishadi va o’shandek bo’lishga harakat qilishadi.

Bu gapim bilan man qizlarning hammasi shunaqa demoqchi emasman, lekin jamiayatimizning katta qismi ushbu propagandaga o’z hissasini qo’shishmoqda!

QALBXONASI🫀 |by muttaq1y

Yildan yilga yigitlar kitob o’qishga qiziqmay , ilmsiz bo’lib ketayapti . Bunga esa 95% qizlarning aybi bor !
Hozir shu gapimni bir uzun post orqali tushuntirib beraman.

Nima foyda?

1. Aqlli inson har bir kunda o‘zi uchun foyda oladi. Mo‘min insonning buguni kechasidan yaxshi bo‘ladi.

2. Kimnidir so‘kib, asabiylashib, o‘zing yoqtirmaydigan sohada vaqt ketkazishdan nima foyda?

3. Yeyayotganingni kiyayotganingni tarmoqlarda maqtanishdan nima foyda?

4. Bechoraga ikki dona somsa oberib, ikki yil minnat qilib yurgandan nima foyda?

5. Rivojlanishni statuslarda ifodalab, hayotda bir gramm harakat qilmaslikdan nima foyda?

6. Kun davomida biror oyat o‘qimasdan, "Qur‘on qalblar shifosi" deb yurishdan nima foyda?

7. Foydali postlarni commentiga "qoyil" yozib, ularga amal qilmaslikdan nima foyda?

8. Bilaman sen foyda zararni ajrata olasan. Shunchaki hamma qilayotgani uchun qilyapsan.

9. Endi savol. Fikrlamay o‘ylamay birovlarga taqlid qilib yashashdan NIMA FOYDA ?!

QALBXONASI🫀 |by muttaq1y

Ilm talab qilishdagi umumiy qoidalar!

Ilm talab qiluvchi dastlabki bosqichda ixtiloflarga quloq solmasligi kerak. Bu narsa uning aqlini lol va zehnini shol qilishi mumkin. 

Ilm talab qiluvchi har bir narsadan eng yaxshisini olmog'i lozim. Chunki hamma ilmlarni olishga umr yetmaydi. Asosiy quvvatni eng sharafli ilmga sarf qilish kerak. O'sha ilm oxiratga bog'liq ilmdir. Vallohu a'lam.

Ilm talab qiluvchining odoblari quyidagilar:

1. Ilm talab qiluvchi nafs pokligini axloqiy razolat va yomon sifatlardan yuqori qo'ymog'i lozim. Zotan, ilm qalbning ibodatidir.

2. Ilm talab qiluvchi o'zini chalg'ituvchi narsalardan aloqani kesmog'i lozim. Chunki fikr bo'linsa, haqiqatlarni idrok qilishdan ojiz bo'lib qoladi. Salafi solihlar ilmni boshqa barcha narsadan yuqori qo'yishar edi. Ba'zilari ilmda ko'zlagan maqsadiga erishmay turib, boshqa narsalarga qo'l urmas edi.

3. Ilm talab qiluvchi xuddi bemor o'zini tabibga topshirgani kabi, tamomila ustozi ixtiyoriga topshirmog'i, unga tavoze ko'rsatmog'i va xizmatida qoim bo'lmog'i kerak.

Abdulloh ibn Abbos roziyallohu anhu Zayd ibn Sobit roziyallohu anhudan dars olar edi. Zayd ibn Sobit xonadan chiqib, otiga minmoqchi bo'lsa, Ibn Abbos otning jilovidan ushlab turardi. Zayd bundan qaytardi. 
Shunda Ibn Abbos roziyallohu anhu: "Ulamolarimizni shunday hurmat qilishga buyurilganmiz", dedi.

4. Ilm talab qiluvchi takabbur bo'lsa, johillik qilgan bo'ladi. Chunki hikmat mo'minning izlab yurgan narsasidir. Uni qayerdan topsa, oladi. U muallimining fikriga ergashsin. Chunki ustozining xatosi uning to'g'ri topganidan ko'ra foydalidir.

Ali ibn Abu Tolib roziyallohu anhu o'zlari ulug' olim o'laroq, ilm toliblariga nasihatlar ham qilar edilar. Ibn Abdulbarr, al-Marhabiy va al-Xatiblar keltirgan rivoyatda Ali roziyallohu anhu tolibi ilmga quyidagi nasihatni qiladilar:

"Olimning senda bo'lgan haqqi: 

❌ Unga ko'p savol bermaslik. 
❌ Javobni qattiq talab qilib, uni charchatmaslik.
❌ U xohlamasa, mahkam yopishib olmaslik. 
❌ Agar tanballik qilsa, kiyimidan tutmaslik.
❌ Ustozga qo'l bilan ishora qilmaslik. 
❌ Unga ko'z qisib ham ishora qilmaslik.
❌ Odamlar bilan majlis qurib o'tirgandan so'ramaslik. 
❌ Uning adashishining payidan bo'lmaslik. 
❌ Agar adashsa, qaytishini kutish va tavbasini qabul etish. 
❌ «Falonchi siz aytganning xilofini aytdi”, demaslik. 
❌ Uning sirini fosh qilmaslik. 
❌ Uning huzurida hech kimni g'iybat qilmaslik.
✅ Uni hozirligida ham, g'oyibligida ham muhofaza qilish. 
✅ Odamlarga umumiy salom berib, unga alohida tabrik aytish. 
✅ Uning roʻparasida oʻtirish. 
✅ Uning hojati bo'lsa, boshqalardan ko'ra oldin xizmatini qilish. 
✅ Olim suhbatining uzunligini malol olmaslik.
✅ U bir xurmoga o'xshaydi. Sen undan o'zingga qachon manfaat tushishiga intizor bo'lib turmog'ing kerak.
✅ Albatta, olim Allohning yo'lida ro'za tutgan mujohid kabidir. Qachon bir olim vafot etsa, Islomda bir teshik paydo bo'lur va u qiyomatgacha to'silmas. Tolibi ilmni osmonning muqarrab farishtalaridan yetmishtasi kuzatib yurur.

QALBXONASI🫀 |by muttaq1y

Jōmrakdan suv kelmasa darrov santexnik chaqirasan, kōzingdan kelmasa baribir-a?

QALBXONASI🫀 |by muttaq1y