د سولې امن ها سپینه کوتره چیرته تللې
زخمي زخمي خوږمنه بې وزره چیرته تللې

چې مونږه ورته ؤ سترګې پر لاره له کالونو
اې خدایه هغه ورکه مهاجره چیرته تللې

لیدوته یې له وخته انتظار یوو بې قرار یوو
خبر نه یو چې بیا دا مسافره چیرته تللې

له جنګ سره یې نه لګي له جنګ وه ګیلمنه
له دې وطن نه بیا ها مروره چیرته تللې

سوله خو بیخي سمه نږدې وه او کنه یاره
وایه راته څه وشول خبره چیرته تللې

سنګر او له جهاد نه اې محرومه مسلمانه
یې ځوانه ناخبر، لار تر سنګره چیرته تللې

د نیمې شپې سجده کې په ژړا کړې غالبه
اسمان ته ځي دعا دې بختوره چیرته تللې

👇👇👇
@qaledg12