#õylar
DAZMOL FALSAFASI
Bugun dazmol qilayotib o'zim uchun qiziq ibrat chiqardim.
Turmushga chiqqanimga bir necha yil bo'ldi, shu yillar davomida uyda faqat o'zim dazmol qilaman, hamma qatori. Yangi kelin bo'lib tushganimda xo'jayinim: "Bir marta dazmol qilib ko'rsatib beraman, qarab turasan,bundan keyin shunaqa qilib dazmol qilasan", degandilar. Shu-shu dazmollash men uchun qiziq ishga aylangan. Ayniqsa, Ramazon oyi - qorining ayoli bo'lganingdan keyin shunday bo'lishi aniq - eng ko'p dazmol qilinadigan oy hisoblanadi men uchun. Xullas, kelin boʼlib biror marta kiyimni kuydirib, dazmol bosib olganimni eslolmayman, alhamdulillah. Bu oddiy narsa uchun ham o'zimdan xursand bo'lar, dazmol qilish fanlari nomzodiman-da, deb kulardim. Hayitoldi safar qiladigan bo'ldik.
Safarga chiqishdan avval xo'jayinimning bir nechta kiyimlarini tayyorlab, ilgichga ilib, ehtiyotlab yo'l jomadoniga joyladim, borib olgach yana bir dazmol qivoramiz, debqo'ydim. Bugun "Falon kiyimimni tayyorla", debqoldilar. Sal avval mehmonxona dazmolxonasiga borib dazmolni yoqqandim, hali bir daqiqa o'tmay turib matoning chetiga bosib ko'rganimni bilaman,(bu qadar qizib ketmasligi kerak edi) piyoladek joyini uzib olsa deng!!!
Ey Xudoyim!
Yaxshiyam avval o'zimning ro'molimga dazmol bosgan ekanman! Xudoga shukur...
Nega kuydirib oldim, men unaqa qilmasdim-ku?!
Dazmolga boshqatdan yaxshilab qaradim: nisbatan yengil, temir qoplamali, oddiy dazmol ekan. Uydagi qanaqa edi? Ancha og'ir edi, dazmollaydigan tarafi keramika edi, qimmatbaho edi, falon firmaniki edi...
Shunda boshimga bir nima urilgandek bo'ldi: endi bildim, men yaxshi dazmollovchi ayol emas, yaxshi dazmoli bor ayol ekanman! Kiyimlar kuymasa hikmatni o'zimdan qidirib yurganman, xolos. Umuman, hayotda ko'p narsada shunday. Bitta misol keltiray.
Men bir vaqtda ikki joyda o'qib, 2-3 joyda ishlaydigan ayolman. Asosan ayollar bilan bo'lgan faoliyatimda turli yosh, toifa, saviya va fikrlilar bilan suhbatlashaman. Ularning orasida oilali, ajrashgan, beva, hali turmush qurmaganlari bor, ajrashib, qayta turmush qilganlari bor. Shularning ichida ko'proq (HAMMASI EMAS) kibrlilar - turmushi buzilmagan, obro'li odamlarga xotin bo'lgan ayollar ichida uchraydi. Tap tortmay hali turmush qilmagan qizlarni haqorat qilish,ularni ish yuzasidan muomala qilishga majbur bo'lganlari olilali erkaklarga teng qilish, o'zlarini ikkinchi xotinlardan baland tutish, ular bilan suhbat qilmaslik bilan faxrlanish, xuddi eridan keyin qolmaslikka yoki hech qachon oilasi buzilmasligiga ishonch qog'ozi bordek katta ketish... Gapiraverishadi. Men shunaqalarga duch kelsam indamayman (chunki gapga tushunmaydi) shunchaki, Alloh hidoyat qilsin, sizgayam aql va shifo bersin, deyman ichimda. Ular haqorat-ta'na qilayotgan ayol-qizlar orasida fan nomzodlari, olimalar, o'z sohasining yetuk vakilalari bor. Kerak bo'lsa, ancha yosh, go'zal ular, kamiga saviyali suhbatdosh, balog'atli so'zlarga shu usulda javob qaytara oladigan hozirjavob... Ayblari shu - yo hali baxtlari ochilmagan, yo xo'jayinlari vafot etgan yo bir nokasga uchrab oilasi bo'lmagan - Allohning qadari bilan.
Ta'na qiluvchining ustunligi esa - sabrli, ayolining aybini ochmaydigan, xotin qo'yishni o'ziga ep bilmaydigan kishiga uchragani. Bu ham Allohning qadari bilan.
Yaxshi sharoitda ekanimiz karomatimiz bilan bo'lmaganidek, ularning ham sinovli hollari yomonliklari sababli bo'lmagan. Qadar bu. Demak, yaxshi hayotni ko'pam chaqqonlik-u uddaburonlikka yo'yavermaslik kerak ,xuddi men kuydirmaydigan dazmol ishlatib o'zimni maqtab yurganimdek. :))
"Bulaga mashundo muomala qiganimga shundola", "Bunaqa qib qo'lga ovoganimga bundola" demaslik kerak. Qorunning kibri bu.
Tunuka dazmol bilan imtihon qilinsak, Alloh saqlasin, keyin bilamiz kimligimizni.
Yaxshilikning ham, yomonlikning ham Allohdan ekanligiga iymon keltirib, muvaffaqiyat faqat undan ekanini bot-bot o'zimizga uqtirib yuraylik. Unutmaylik, imtihondamiz. Boshimizga balo kelmagani bizning pishiqligimizdan hisoblanmaydi. Hatto uning sababi o'zimiz bo'lmasligimiz ham mumkin. Hammasi Allohdan.
@qqizingiz_yozdi
DAZMOL FALSAFASI
Bugun dazmol qilayotib o'zim uchun qiziq ibrat chiqardim.
Turmushga chiqqanimga bir necha yil bo'ldi, shu yillar davomida uyda faqat o'zim dazmol qilaman, hamma qatori. Yangi kelin bo'lib tushganimda xo'jayinim: "Bir marta dazmol qilib ko'rsatib beraman, qarab turasan,bundan keyin shunaqa qilib dazmol qilasan", degandilar. Shu-shu dazmollash men uchun qiziq ishga aylangan. Ayniqsa, Ramazon oyi - qorining ayoli bo'lganingdan keyin shunday bo'lishi aniq - eng ko'p dazmol qilinadigan oy hisoblanadi men uchun. Xullas, kelin boʼlib biror marta kiyimni kuydirib, dazmol bosib olganimni eslolmayman, alhamdulillah. Bu oddiy narsa uchun ham o'zimdan xursand bo'lar, dazmol qilish fanlari nomzodiman-da, deb kulardim. Hayitoldi safar qiladigan bo'ldik.
Safarga chiqishdan avval xo'jayinimning bir nechta kiyimlarini tayyorlab, ilgichga ilib, ehtiyotlab yo'l jomadoniga joyladim, borib olgach yana bir dazmol qivoramiz, debqo'ydim. Bugun "Falon kiyimimni tayyorla", debqoldilar. Sal avval mehmonxona dazmolxonasiga borib dazmolni yoqqandim, hali bir daqiqa o'tmay turib matoning chetiga bosib ko'rganimni bilaman,(bu qadar qizib ketmasligi kerak edi) piyoladek joyini uzib olsa deng!!!
Ey Xudoyim!
Yaxshiyam avval o'zimning ro'molimga dazmol bosgan ekanman! Xudoga shukur...
Nega kuydirib oldim, men unaqa qilmasdim-ku?!
Dazmolga boshqatdan yaxshilab qaradim: nisbatan yengil, temir qoplamali, oddiy dazmol ekan. Uydagi qanaqa edi? Ancha og'ir edi, dazmollaydigan tarafi keramika edi, qimmatbaho edi, falon firmaniki edi...
Shunda boshimga bir nima urilgandek bo'ldi: endi bildim, men yaxshi dazmollovchi ayol emas, yaxshi dazmoli bor ayol ekanman! Kiyimlar kuymasa hikmatni o'zimdan qidirib yurganman, xolos. Umuman, hayotda ko'p narsada shunday. Bitta misol keltiray.
Men bir vaqtda ikki joyda o'qib, 2-3 joyda ishlaydigan ayolman. Asosan ayollar bilan bo'lgan faoliyatimda turli yosh, toifa, saviya va fikrlilar bilan suhbatlashaman. Ularning orasida oilali, ajrashgan, beva, hali turmush qurmaganlari bor, ajrashib, qayta turmush qilganlari bor. Shularning ichida ko'proq (HAMMASI EMAS) kibrlilar - turmushi buzilmagan, obro'li odamlarga xotin bo'lgan ayollar ichida uchraydi. Tap tortmay hali turmush qilmagan qizlarni haqorat qilish,ularni ish yuzasidan muomala qilishga majbur bo'lganlari olilali erkaklarga teng qilish, o'zlarini ikkinchi xotinlardan baland tutish, ular bilan suhbat qilmaslik bilan faxrlanish, xuddi eridan keyin qolmaslikka yoki hech qachon oilasi buzilmasligiga ishonch qog'ozi bordek katta ketish... Gapiraverishadi. Men shunaqalarga duch kelsam indamayman (chunki gapga tushunmaydi) shunchaki, Alloh hidoyat qilsin, sizgayam aql va shifo bersin, deyman ichimda. Ular haqorat-ta'na qilayotgan ayol-qizlar orasida fan nomzodlari, olimalar, o'z sohasining yetuk vakilalari bor. Kerak bo'lsa, ancha yosh, go'zal ular, kamiga saviyali suhbatdosh, balog'atli so'zlarga shu usulda javob qaytara oladigan hozirjavob... Ayblari shu - yo hali baxtlari ochilmagan, yo xo'jayinlari vafot etgan yo bir nokasga uchrab oilasi bo'lmagan - Allohning qadari bilan.
Ta'na qiluvchining ustunligi esa - sabrli, ayolining aybini ochmaydigan, xotin qo'yishni o'ziga ep bilmaydigan kishiga uchragani. Bu ham Allohning qadari bilan.
Yaxshi sharoitda ekanimiz karomatimiz bilan bo'lmaganidek, ularning ham sinovli hollari yomonliklari sababli bo'lmagan. Qadar bu. Demak, yaxshi hayotni ko'pam chaqqonlik-u uddaburonlikka yo'yavermaslik kerak ,xuddi men kuydirmaydigan dazmol ishlatib o'zimni maqtab yurganimdek. :))
"Bulaga mashundo muomala qiganimga shundola", "Bunaqa qib qo'lga ovoganimga bundola" demaslik kerak. Qorunning kibri bu.
Tunuka dazmol bilan imtihon qilinsak, Alloh saqlasin, keyin bilamiz kimligimizni.
Yaxshilikning ham, yomonlikning ham Allohdan ekanligiga iymon keltirib, muvaffaqiyat faqat undan ekanini bot-bot o'zimizga uqtirib yuraylik. Unutmaylik, imtihondamiz. Boshimizga balo kelmagani bizning pishiqligimizdan hisoblanmaydi. Hatto uning sababi o'zimiz bo'lmasligimiz ham mumkin. Hammasi Allohdan.
@qqizingiz_yozdi