من ثِگَل بيّة انتِظارك
سافَرتلَك وانْحِنيت
سافَرت لاخر مَحَطة
لبيها مَصلوب الوِداع
وما لِگيت رسوم حِزني
شگَد بچيت
شگَد دَمع ذَلني ونِسيت
شچَم هَلا انذبحَت بروحي
وما اجيت
يالخَذيت الصَفنة مَوتت القَصايد
ودي بَس تمُرني طيف
لأَذبَح الشوگ اعلَه شاماتَك نِذر
وبين ظَلمة وظَلمة اسَيرلك فَجر
وينگِطع بيك الرِفيف
وانچِفي بنَحرك نَهَر
وتطفَح بعيني رَغبتك
وروحي ياكلها الرِجيف
وتغلگ الشباچ وتشوغ بعَبرتك
الليلة بس انتَ وشَهگتَك
غنّي وَحدك وابچي وَحدك
يا إوحيد
الليلة نام بسِد وحدتك
تالي ترسم مَلگة وتشَخبط غُربتك
تالي تُطفه شموعك وتِهفت دَمعتك
تالي تتبَده ظلام
وتشرَب اللچمَة صَفتنك
تنام مَحد يدري بيك
وتُغفه وضلوع الشِتة تندْهَك وأَجيك .

- مالك البطلي .