Veloré

ايش هو القدرات؟ :
اختبار قياس سرعة تفكيرك في حل الاسئلة في أقصر وقت ممكن + اكثر الطرق المختصرة والذكية

يتكون من ايش؟

5 أقسام
كل قسم 24 سؤال ( 13 لفظي + 11 كمي)
كل قسم 25 دقيقة

- عندك 5 محاولات
4 منها محوسب ( اي وقت تبيه بس بين كل اختبار واختبار شهر)
1 ورقي ( مرة في السنة)

وينقسم الاختبار إلى :

- قسم الكمي
- قسم اللفظي

- قسم الكمي ايش هو؟ عبارة عن مهارات في الرياضيات وقوانين كلها تقريبا جاية من المتوسط بس المميز فيهم انه طريقة صيغة الاسئلة لها تخليها تحتاج مهارة وتدريب عشان الواحد يقدر يحلها
تنقسم أسئلة الكمي حسب صعوبتها إلى :
اعداد عشرية وكسور والخ
هندسة
النسبة المئوية
مهارات التفكير

- قسم اللفظي هو عبارة عن ايش؟

عن أشياء مختلفة في اللغة العربية
التناظر اللفظي ( علاقة بين كلمتين وانت أوجد العلاقة الاصح في الخيارات)
فهم المقروء ( نص عليه أسئلة)
إكمال الجمل
الخطأ السياقي ( كلمة مالها علاقة في الجملة )
المفردة الشاذة ( كلمة ارتباطها اقل بباقي الكلمات)


طيب انا الان فهمت تكوين الاختبار وكل شي عنه، كيف أحقق درجة عالية جدا؟

لازم أول شي التاسيس وهو مكون اهم شي في القدرات وهو عبارة عن بناء أساسات لكل شي في القدرات

ثم يجي التدريب وهو زي المكمل للتأسيس عشان تصير تحل اسرع وتصير فاهم الاسئلة بشكل احسن


طيب ايش التاسيس الأفضل؟

الكمي : كتاب المعاصر للأستاذ عماد الجزيري
التدريب : يا تكمل مع الاستاذ عماد في حقيبة منجز الموجودة في كتابه واللي كثير جابوا درجات كاملة او تروح للأستاذ محمود المنصف اللي له دورة شهيرة جدا ومضمونة وايضا الكثير جابوا درجات كاملة

تدريب وتأسيس اللفظي : في الغالب اللفظي ما يحتاج له تأسيس فعلى طول بتروح مع الاستاذ إيهاب عبدالعظيم اللي هو يعتبر ملك اللفظي حاليا وماله بديل نفس قوة مصادره

- نصائح وأشياء لازم اسويها وأشياء لازم اتجنبها :

احذر من حفظ الأسئلة بشكل أساسي في مذاكرتك خاصة في الكمي لانه ما تضمن انه دايم يجيك كل شي نفسه فلازم تخلي نص مذاكرتك حفظ ونص فهم

لا تقارن مدة مذاكرتك بغيرك لانه كل شخص تختلف قدراته ومو شرط تكون سريع في المذاكرة

لا تهمل اللفظي لانه هو عليه أكثر الاسئلة زي ما سووا كثير ناس وفي النهاية درجاتهم انخسفت

حاول انك تراجع الدرس اللي أخذته كل أسبوع عشان لا تنسى كل شي حتى لو مراجعة سريعة

حط لك جدول او هدف يومي من الأشياء اللي تخلصها عشان القدرات مشكلته لو قطعت عنه بترجع كانك من الصفر

لا تدخل محاولة تجريبية ابدا ابدا ابدا



فقرة الاسئلة الشهيرة :

متى افضل وقت ابدا مذاكرة قدرات؟
- نهاية أولى ثانوي او مع صيفية أولى ثانوي اللي توديك ثاني ثانوي

متى يفتح لي القدرات عشان اسجل؟
- اول اسبوع من ثاني ثانوي

هل انوع مصادري أثناء المذاكرة؟
- لا لانه رح يكون مصدر تشتيت لك احسن شي تثبت على مصادر وحدة

لو ما عرفت سؤال كيف اعرف الجواب؟
- قروبات القدرات العامة مثل قروب الحوت والخ في التيلجرام

متى اخلص القدرات؟
- احسن شي في ثاني ثانوي كامل

لو ما جبت من اول محاولتين او ثلاثة درجة كويسة ايش اسوي؟
- هذي حالة شهيرة في القدرات والاغلب يمر فيها، حاول واكتشف الأخطاء وبتقدر تجيب درجة تتمناها زي ما سووها الكثير

دعواتكم لي بالتوفيق

ندور اي عذر عشان ننام سوا

برسم مره ثانيه