Ar-Roshidoniy

Севилдингиз, сиз ҳам севинг!

Агар кимдир сизга муҳаббат қўйганини билсангиз унга бефарқ бўла оласизми?

Агар у тун-у кун сизнинг бахтингиз ҳақида ўйлаган бўлсачи?

Агар у сўнгги нафасигача сизни ўйлаб, сизга саломлар йўллаган бўлсачи?

Агар у сизни ўйлаб ўзи яхши қўрган нарсаларидан воз кечган бўлсачи?

Муҳаббатини фақатгина бу дунёда эмас, охиратда ҳам намоён этишга тайёр бўлсачи?

Сизни бир бор бўсада кўрмасдан, сизни соғиниб, сизга ҳарис бўлиб яшасачи?

Агар..?

“Мени ким ҳам бунчалик севарди?”
,дерсиз балки. Ёки мени “ошириб юборган”ликда айбларсиз?
Ҳа, мени эҳтиросларга берилган, ҳаёлпараст дейишингиз ҳам мумкин.. Лекин ундай эмас!
Асло!
Ҳулосага шошилманг. Мени тингланг!
Сизни шундай, балки бундан-да ортиқроқ севадиган кишини сизга танитай. У зот бутун оламлар узра, жумладан сиз учун ҳам Раҳмат бўлиб келган – Муҳаммад мустафо соллаллоҳу алайҳи васалламдирлар.
Ахир бунинг хабарини Оламлар Роббиси Аллоҳ азза ва жалла ўз каломида баён этди:

“Биз сени оламларга раҳмат қилиб юбордик”.
( Анбиё.107)

Сиз эса ўша “оламлар”нинг бир бўлагисиз.

У зот соллаллоҳу алайҳи васалламнинг сизга бўлган муҳаббатларини нечоғлик буюк эканини ҳам Аллоҳ таоло айтиб қўйди:

“Батаҳқиқ, сизларга ўзингиздан бўлган, сизнинг машаққат чекишингиз унинг учун оғир бўлган, сизнинг саодат чекишингизга ташна, мўминларга марҳаматли, меҳрибон бўлган Пайғамбар келди”. ( Тавба.128)

Ҳа, дунёда сизни у зотчалик севадиган, меҳрибон киши бўлмаган ва бўлмайди ҳам. Аллоҳ таоло бу муҳҳабатнинг таърифини қисқа ва равон қилиб айтиб ўтди. Энди бунинг исботи ва кўриниши қай тарзда эканлигини ул хазратнинг ўзларидан эшитинг:

Кунларнинг бирида Расулуллоҳ соллаллоҳу алайҳи васаллам йиғладилар. Буни кўрган саҳобалар: “Ё Расулуллоҳ!
Сизни нима йиғлатди?”, деб сўрашди.
У зот эса: “Биродарларимни соғиндим!”, деб жавоб бердилар. Саҳобалар: “Бизлар биродарларингиз эмасмизми, ё Расулуллоҳ?”, дейишди. Шунда ул Маҳбуб алайҳис салом:
“Йўқ. Сизлар асҳобларимсиз. Биродарларим – мендан кейин келадилар, мени кўрмасдан туриб менга иймон келтирадилар!”, дедилар.

Ҳа, хурсанд бўлаверинг! Ахир сиз У зотни кўрмасдан туриб иймон келтирдингиз-ку!
Демак, ул Ҳабиб сизга мушфиқ бўлганлар!

@rishtonimomlari

​​➖ Энг биринчи бўлиб иймон келтирган инсон – Хадижа бинти Хувайлид (розияллоҳу анҳо).

➖ Озод эркаклардан энг биринчи бўлиб иймон келтирган инсон – Абу Бакр Сиддиқ (розияллоҳу анҳу).

➖ Ёш болалар ичида биринчи бўлиб иймон келтирган инсон – Али ибн Абу Толиб (розияллоҳу анҳу).

➖ Биринчи бўлиб озод қилинган мусулмон қул – Зайд ибн Ҳориса (розияллоҳу анҳу).

➖ Биринчи бўлиб мусулмон бўлган қул – Билол ибн Рабоҳ (розияллоҳу анҳу).

➖ Форслардан биринчи бўлиб мусулмон бўлган инсон – Салмон Форсий (розияллоҳу анҳу).

➖ Рум (Византия)ликлардан биринчи бўлиб мусулмон бўлган инсон – Суҳайб ибн Синон Румий (розияллоҳу анҳу).

➖ Аллоҳ таоло йўлида биринчи бўлиб ўқ узган инсон – Саъд ибн Абу Ваққос (розияллоҳу анҳу).

➖ Ҳижратдан олдин биринчи туғилган мусулмон – Абдуллоҳ ибн Умар (розияллоҳу анҳумо).

➖ Ҳижратдан кейин Мадинада биринчи туғилган бола Абдуллоҳ ибн Зубайр (розияллоҳу анҳу).

➖ Биринчи нозил бўлган Қуръони оятлари – “Алақ” сурасининг дастлабки беш ояти.

➖ Расулуллоҳ (соллаллоҳу алайҳи васаллам)га тўлиқ шаклда биринчи нозил бўлган сура Муддассир сураси.
@rishtonimomlari

СУЙГАН НАРСАНГИЗДАН ЭҲСОН ҚИЛИНГ!

Бир аёл садақа қилмоқчи бўлиб, сумкачасидан уч дона ўн жунайҳлик купюра чиқарди ва уларга тикилиб, синчиклаб назар солди. Сўнгра улардан бирини танлаб олиб, уни тиламчига берди. Бу ҳолатни кўрган ўғли унга: “Онажон! Нима учун синчиклаб қарадингиз, ахир уларнинг ҳаммаси бир хил-ку!”, деди. Шунда она: “Мен бу пулни Аллоҳнинг йўлида бераётганим учун, улардан энг чиройли ва энг янгисини танлаб олдим. Чунки Аллоҳ таоло: “Суйган нарсаларингиздан эҳсон қилмагунингизгача ҳаргиз яхшиликка (жаннатга) эриша олмайсизлар”, деган”, деб жавоб берди.

Солиҳ салафларнинг баъзилари динор ёки дирҳамдан садақа қилмоқчи бўлишса, аввал уларни муаттар дастрўмолча билан артиб, кейин эҳсон қилишар эди. Улар: “Садақа тиламчининг қўлига тушишдан олдин Аллоҳнинг қўлига тушади”, дер эдилар.
@rishtonimomlari

📖 КИЧИК ТАЪСИРЛИ ҲИКОЯ

Бир бола олти ёшида отасидан айрилиб етим қолди. Замон жуда оғир эди. Онаси ўғлини боқиш учун иш қидирди, лекин хеч қаерга ишга олишмади. Аёлни фақат қурилишга арзимаган иш хақи тўлаб ишга олишга рози бўлишди. Аёл ночорлигидан қурилишда ишлаб, ўғлини бокди. Орадан йиллар ўтди. Бола улғайиб катта бизнесмен бўлди. Шаҳарда данғиллама шохона уй сотувга қўйилди. Бизнесмен уйнинг эгасини олдига келиб сўради:
— Уйнинг нархи қанча?
— Саккиз юз эллик минг доллар.
Йигит дипломатидан дарҳол саккиз юз эллик минг долларни уйнинг эгасига чиқариб берди. Уйнинг эгаси хурсанд бўлиб, пулни санаб олди.
— Уй сизга сотилди. Бугундан бошлаб уй сизники. Лекин сиз савдо қилишни билмас экансиз. Агар озгина савдо қилганизда уйнинг нархини тушириб берардим.
— Сиз ҳам савдо қилишни билмас экансиз. Агар уйнинг нархини бундан баланд айтганизда ҳам савдо қилмасдан сотиб олаверардим.
Уйнинг эгаси ҳайрон бўлиб сўради:
— Бу уйнинг нимаси сизни бунча ўзига тортяпти?
— Йигирма йил олдин бу уйнинг қурилишида менинг онам ғишт ташиган. Энди эса бу уйни онамга совға қилмоқчиман!!!
Оналаримиз бахтимизга ҳамиша соғ ва омон бўлсинлар!!!
@rishtonimomlari