اشتقتلك اليوم لحالي
وكان في شوية وقت قاعد بيشتقلك معي
بس الوقت ملول وماعندو صبر
ف راح الوقت لما طولت ...
ورجعت لحالي
بشتقلك بالعادة لما يمر شي بذكرني فيكي
بس هي المرة مو قادر اتذكر أي شي
بس قادر اشتقلك
بتعرفي اني فكرت اعمل ثورة تجاه هاد السيد العنيد يلي اسمو اشتياق
حتى اني رحت قدمت شكوى للبحر
طالبت فيها بإغراقو الشديد
نتيجة لحضورو المتكرر على السطح
بس على طول اتذكرت
قديش انا والبحر حبايب
رحت طويت شكوتي ، طويت اشتياقي
وقعدت جنبو
سألني:شو في بجيبتك؟
حكيتلو انو في مخبز دافي كتير
اسمو قلبي،عندو احن وأطيب رغيف حب بالدني
فكرني اشتريتلو ربطة حب
مع انو هوي بيعرف انو الحب مابينشرى
بس يلي مابيعرفو ،اني انا صاحب المخبز
وإني كل يوم وأحياناً كل ساعة
بعجن بس عشانو
لأني بخاف عليه
بخاف عليه يجوع ، والجوع كافر ..هيك حكولنا
بس الحب مؤمن كتير.. هيك ماعمرن حكولنا
وانا تحديداً انا ،بحبك هيك
بحبك كأنو ماعمرو حدا حكالك
بحبك كأني .. بحبك لحالك
بحبك لحالي 🤍🫂
