عشگ مذبوح


Channel's geo and language: not specified, not specified
Category: not specified


من عرفت حسين گلت امي وطن ثاني💜

Related channels

Channel's geo and language
not specified, not specified
Category
not specified
Statistics
Posts filter


عايفلك گلب يحسين
بين الشوگ والغربه
وكل هذا واهمن بيك
اگول شصاير بگلبه
فوگ الخيل واللجمات
ماضل ماي اليشربه


حضر الروح الحزن مولاك
گوم
واترك الدنيه وفرحهه وعنه صوم
هاي زينب لليسر راحت تروح
وردت عليهه المصايب والهموم

اجزع والطم وانعه
بس لحسينك هاي الدمعه


البس جروحك بعد وانوي العناء
خاف بينك والحزن صار الجفاء
انت اصلاً مو لجل هذا وهذاك
عايش الدمعة مصيبة كربلاء


من حزنك عرفت العنده غيره يگوم


غريبه ابين الولايات
كلساعه الجدم ينشل
گلو لهلي زينب هاي
حزن چندوب تتحمل
ما اندل طريج الشام
بس هو الحزن يندل
صعب حيل الهظم ياناس
من يعيشه المدلل
انه الچنت ادلي الناس
هسه الروحي ادور حَل
گولوا زينب بيا حال
اذا واحد علَي يسأل
15/5/2024






تره المفروض شِعرَك يلبس حجاب
وتفكر بالشطر تبقه وتعيده
البيت البيه زينب لازم يصير
مسافه عله الزلم كلش بعيده
افكارك خلهه صعبه وموش تنگاد
المشاعر خلهه من تكتب عنيده
ارسملي القصر مگيود بحبال
مو تكتب علي المگيود بيده
القصر من شاف زينب داخل انذار
وانته تهين زينب بالقصيده؟

21/4/2024




هيج و للحسن زوار كلنه نروح
وبدربه المواكب كلهه تتجدد
هلا بزوار ابو السجاد هاي تصير
هلا ومية هلا بزوار ابو امحمد
و اروحن للبقيع ومنه ارد اردود
وعله درب البيارغ اوصل المشهد
وارد انوب ياخذني الگلب للشام
واروحن للغريبه الما گصدهه احد

26/8/2023


معقولة الحسن يتساوه گبره بگاع
وادورلي نفس لترابه لو ينباع؟
شبعد يالمنتظر مابينه حيل هواي
رفرفهه وتحزم للبقيع بساع
محتاجين راي ورايتك مولاي
السفينه تناطرك بس ماكو بيهه شراع
ايسنه وگعدنه وننتظر ملگاك
غيرك ماكو عدنه بهالارض فزّاع
وصلت للهَدم محد يگلهم ليش
الضباع الياوكت تتسيد عله اسباع
تعبت هالسيوف التانتك مولاي
چاليمت رجعتك بالخبر تنذاع

نسـيـم
15/4/2024




طالت يمهدي ومامش اخبار
ويوميه الحزن بغيابك ايزيد
چم هلال اشوفه وانت مفگود
وكل عيد اليجي بفرگاك مو عيد
اترس عيني من اصورك احلام
وارجع خالي من ذيج المواعيد
احط روحي على دربك هلبت الگاك
وامشي بشوگ واعرف دربك بعيد
بين احلام وصلك والمسافات
وبين المايريد الگاك ويريد
كتبت شكد رسايل راحت بشوگ
ورسمولي الحچي الوياك تقييد
بس انه الاعرفك صاحب الناس
وذا تعرف بشر متعوب متهيد

نــســيم
29/رمضـان /1445هـ


ياموت اوگف بس هالليله
خل يحچيلي وانه احچيله

شويه اتمهل يالمتواعد
خل بنيه تودع الوالد

مايرجع ادري الداره
واعلينه اتضيع اخباره

اخر چلمه بگلبي احچيله
ياموت اوگف بس هالليله
*****************


علي اول مره تكسر خاطر الفقره
فراغك بيهم الخليته ها كبره
يعرفونك قوي وهلبت تكوم اليوم
علي عليك العلي بس گوم هالمره
علي الفارس يخوف الخوف مامعقول
حيلك كله يخلص من اثر طبره


وداعاً ياعلـي من گلبي احچيهه
مو چلمة لسـان اتصنعت بيهه
علـي بيّه المشاعر من زغر وياك
ماضمنهه عنك وانت تدريهه
اجيب منين غيرك يفهم المحتاج
بكرامة بلايه ذله الروح يطيهه
اجي والگه الاريده محضر عله الباب
ولا گلـك اذبـهه لو اخليهه ؟
علي شويه بعد مو سهله هيج تروح
بلكي وهامتك واحـد يداويهه
علي الخاطر الفقره و الغي هذا الموت
خلافك ماكو واحد ينشد عليـهه
لو عـدنـه بخت ماتمشي يابوحسين
ولا چلمة وداعـك سهله نحچيهه
علي الطفلة اليتيمه شلون وين تبات
اذا تزعل منو خلافك يراضيهه
علي شچم عيد رايح يندفن وياك
شجم ضحكة فقير بدمعه يبچيهه

نـسيم
21/رمـضان /1445هـ
1/4/2024م






خيمة ونار والتم التعب بيه
و مشيت بكيف راي النوگ
موش بكيف رجليه
يهاشم ياهو اليگلكم؟
صاير اسمي مسبيه
هلي ياهوً اليوصللكم
مرن كلهن اعليه
هلي ماضنكم تقبلون
تركض بالطف ابنيه
گمركم عالنهر خليت
مذبوحه السمه بضيه
هلي المرن علينه هواي
بس هذا الحچي شويه
هلي الحرمة عريزه تصير
لو موجود واحد تكعد بفيّه

18/شعبان/1445


مرورة صارت بالهلاهل
والفرح مو من گلب
الشمعه تطفه بغير واهس
والسوالف تنصلب
انت وين واحنه وين
وكلنه بغيابك غرُب
حيرة بينه اوين نمشي؟
ولا جدم يندل درب

هذا مولد غير نفرح ؟
ليش چا دمعك يصب؟

ريت اشوفك كون سالم
وخله عمر اللي يحبك ينشطب

شجم تعال بروحي ماتت
شجم مسافه اتطول واترد الكتب



20 last posts shown.

175

subscribers
Channel statistics