MUNOSABAT
“Oqdaryo ovozi”gazetasida “Transformator qachon ishga tushiriladi?” sarlavhali maqola e’lon qilindi.
Maqolada bundan bir necha yil muqaddam Oqdaryo tumani Loyish shaharchasida Bandlikka ko‘maklashish markazi foydalanishga topshirilgani, ammo bu tashkilotni elektr energiyasi bilan ta’minlovchi transformator punkti hozirga qadar ishga tushirilmagani tanqid qilingan.
Ushbu murojaat yuzasidan “Samarqand hududiy elektr tarmoqlari korxonasi” AJ matbuot xizmati quyidagilarni ma’lum qiladi:
Tuman markazidagi Bandlikka ko‘maklashish markazi binosini elektr enegiyasi bilan ta’minlash uchun qurilgan transformator punktining qurilish ishlari quruvchi tashkilot tomonidan oxirigacha yetkazilmagan.
Xususan, “Samarqand hududiy elektr tarmoqlari korxonasi” AJ tomonidan berilgan texnik shartlarga asosan barcha texnik hujjatlar rasmiylashtirilmagan, xizmat farmoyishi chiqarilmagan. Shuningdek, transformator punktini tarmoqqa ulash uchun 10 kV yuqori kuchlanishli kabellari yotqizilmagan.
Mazkur belgilangan ishlar quruvchi tashkilot tomonidan to‘liq yakunlanib, tuman elektr ta’minoti korxonasi balansiga o‘tkazilgach, transformator punktini tarmoqqa ulash ishlari bajarilishini ma’lum qilamiz.
“Samarqand HETK” AJ matbuot xizmati.
✅
https://t.me/SamHETK
