Yaqinda "brain rot" (miya chirishi) degan yangi iborani o‘rgandim.

Ba'zi odamlar tashqaridan qaraganda normal ko‘rinadi, lekin aslida ularning miyasi o‘zgargan, ayrim qismlari esa "chirigan".

"miya chirishi"ning belgilari:
• fikrlash qobiliyatining pasayishi
• diqqatni uzoq vaqt bir joyga jamlashning qiyinligi
• chuqur fikrlab va o‘ylashni qiyinlashishi.

Murakkabroq yoki qayta-qayta o‘ylashni talab qiladigan muammoga duch kelsangiz, asabiylashishni boshlaysiz.
Bu nafaqat ruhiy, balki jismoniy bezovtalikka ham aylanadi.

butun tanangizda g‘alati bir bezovtalik his qilasiz, ko‘p o‘ylagingiz kelmaydi va ishdan tezroq qutulishni xohlaysiz.

Sizda ham shunday alomatlar bormi? Agar bo‘lsa, sizda ham "miya chirishi" xavfi bor.

Manimcha, manda miyamda ham buning belgilari sezilmoqda.
Masalan, murakkabroq o‘ylaydigan narsalarga duch kelsam, ilgari ularni oxirigacha tushunmaguncha o‘rganardim.
Hozir esa ko‘proq bir ko‘z yuritib, shunchaki o‘tib ketishga moyil bo‘lib qolgandekman.

"Miya chirishi" ning asosiy sababi
• internet platformalaridagi shov-shuvli sarlavhali maqolalar va qisqa videolardir.
Ularning maqsadi trafik yig‘ish,odamlarni qiziqishini qisqa vaqt ichida uyg‘otish va ularni qoniqtirishdir.

Bunday kontentni uzoq vaqt davomida iste'mol qilganingizda, miya doimiy va shiddatli stimulyatsiya qilinadi.
Natijada, diqqatni jamlash vaqti tobora qisqaradi va chuqur fikrlash qobiliyati yo‘qoladi.

Shuning uchun ham qisqa videolarga o‘rganib qolgan odam "reels" kontentsiz turolmaydi.

katta maqolani o‘qish o‘rniga sun'iy intellektdan uning qisqacha mazmunini so‘raydi;
90 daqiqalik filmning o‘zini emas, balki bir necha daqiqalik film sharhini ko‘rishni o‘zi yetarli deb biladi.

Ehtimol bu "miya chirishi" yangi standartir, yana bilmadim.

@botirziyatov