آی ننه
اوره ک محبتدن صحبت آچاندا
ازل سن سن شیرین سوزوم آی ننه
بوندان باشقا یوخودور سنه صاداغا
سنه قوربان بیر جوت گوزوم آی ننه

سن سن حیاتیمدا یانان چیراغیم
سن سن یامان گونده آرخام دایاغیم
سن سن آغزیمداکی دیلیم دوداغیم
سعادت چیراقلی ایزیم آی ننه


گئجه گوندوز اولدون منه یار آنا
دوشمان اولدون باغرین باشین یارانا
ممکن دئییل سندن عزیز یارانا
یوز اولسادا اوغلوم قیزیم آی ننه

حیاتیمدا باهاریمسان یازیمسان
غمله ننده کامانچامسان سازیمسان
اسرافیلام سن عشوه م سن نازیمسان
سنسیز گولمز بیر آن اوزوم آی ننه


شاعراسرافیل قوربانپور🌸🌹🌸