- وردة ..
بتعـرِفي إذا بقضـي عُـمري كلّـياتو ..
عم اعتـذر منك ما بكـفي!
قليلي شـو لازم اعمل لحـتّى خلي قلبك يبرد؟
- مافي شـي قلك ياه ..
أكتر شـي بيقهـرني إنّهُ إنتَ ما بتعرِف
شـو فيك تعمل لحـتّى يبرُد قلبي ..
مافيني احكـي .. كتير الحكي بلّا طعمـة ،
عيب اطـلعوا ..
بعد كلشـي مرقنا فيه ..
و إنتَ مانك منتبـه للّي عمـلتو
إنتَ قايلي إنّك بتحـبّني ..
بالنّـسبة إلك عادي .. بصـير ، بيمـرُق ،
بس أنا كان هاد أوّل مـرّة بصير معي
ما بعـرفو ..
طرّت فوق الأرض ..
ضـوّت كلّ حياتي ..
شـعّل قلبي ..
صرت حـسّ بكلّ دمي شلون عم يركض جـوّاتي
حَـبّيت .. و مُـتت بالحُـبّ
و إنتَ بـرّمت ضـهرك و مشـيت
رحِـت ..
ولا كأنّك عامل شـي ولا حـتّى بتعرف !
تركتني لحـالي ..
مع حـالي ..
عم انطـفي شـوي شـوي
عم مـوت شـوي شـوي ..
و معد عرفانـة إنّـهُ هاد يلّي صـار معي
هو أحـلى شي بحـياتي ولا أبشـع شي!
أنا ما بدّي زيـدها عليك ..
يلّي فيك مكـفيك ..
- لا لا كـملي كملي .. عم اسـمعك ،
صـوتك عم يريحـني ..
- صـوتي ؟
يعني مو يلّي قلتلك ياه !
أي مـعك حقّ .. كلّ يلّي قلتلك ياه أكيد بسمّ البدن
- وردة إنتِ بتعرفي كـتير ..
دائماً بتفاجئيني .. أنا عم موت ..
- بعيـد الشـر عنك !
لا تقول هيك .. شايـفك شقـدك مأذي؟
كلـشي بتقولو و بتعمـلو ما بهمك ..
متل رجـلك .. حـتّى إنّك تموت !
إنتَ كتير أذيتني ، و كـتير موجـوعة :(