قایالاردا میلیونلار راز یاتوبدی
کیمسیه آچولماز رازی داغلارون
آچار قوجاقونی هر گلن دوستا
یادداشدان سیلینمز یازی داغلارون
کهلیک اوتو گوزل گوزل قوخویار
شیدا بلبل جه جه ووُروب اوخویار
یه میشانلار قرمزی شال توخویار
کسیلمز باشوننان قازی داغلارون
بنُفشه لر بوینون بوروب چمنده
شیور تبریز ددی اورگی سنده
یایون ایستی سینده مِهی اسنده
گوزل هاوا چالار سازی داغلارون

۹۸.۱۲.۲۲

شیور