🔴 ایران تورکلری
📚 #کتاب_تانیتیمی
🔹 گؤزلر اؤنونده اولان کیتاب اؤرنهیی اولمایان اؤندریمیز محمدامین بی رسولزادهنین اثریدیر. محمدامین رسولزاده ۱۸۸۴-جو ایلده باکی شهرینین نووخانی کندینده دونیایا گلمیشدیر. کیچیک یاشلاریندان علم و سوادا بؤیوک ماراق گؤسترن رسولزاده، بیر چوخ اثرلر او جملهدن؛ عصریمیزین سیاووشو، آذربایجان جمهوریتی، آذربایجان تشکلونده مساوات، استقلال مفکورهسی و گنجلیک، میللیت و بلشویزم، میللی بیرلیک وس کیتابلارینی تورک نسلینه آرماغان بوراخمیشدیر.
🔹 ایران تورکلری آدلی بو کیتاب اصلینده محمدامین بی رسولزادهنین "سبیلالرشاد" و "تورک یوردو" توپلولاریندا یایدیغی یازیلاریدیر. آدینداندا بللی اولدوغو کیمی کیتاب ایران تورکلری حاققیندا قلمه آلینمیشدیر. اصلینه باخارساق محمدامین بی کیتابدا سوی-کؤکدن چوخ ایراندا اؤزگورلوکچولوک حرکاتینی، بو حرکاتین آیدینلارینی، سورومسوز آغالیق سیستمینی، توکنمهین درهبیلیلیک و ایران آوتوریتارلارینی(اقتدارگرالارینی) آچیقجا وورغولاییب آچیقلامیشدیر. اونون فیکرینجه ایراندا یئنیلشمه دوشونجهسی اَن چوخ اوچ قزئتله ائتکیلنمیشدیر:
۱. حبل المتین
۲. اختر
۳. پرورش
🔹 بو قزئتلرله یاناشی ایراندا، اَن چوخ دا آذربایجان بؤلگهسینده چاغداشلاشماق و یئنیلشمک بیر چوخ نَدَنلرله ده گلیشمیشدیر. بونلاردان اَن باشدا اولانی او ایللرده (روسیه و ژاپن ساواشی ایللرینده) باکی شهرینده یاخلاشیق ۶۰ مین ایران اؤلکهسیندن گئتمه ایشچیلرین اولماسی ایدی. اونسوزدا ایران آلوئرچیلری ایله ایشچیلرینین اورادا یارانمیش انقلابدان ائتکیلنمهسی دوغال ایدی. رسولزاده بو حاقدا وورغولاییر کی: "قفقازدا ایشلهین ایرانلیلار یوردلارینا دؤنرکن سورومسوز آغالیغین سینیرداکی یؤنتیجیلرین چالامایاجاغی بیر دوشونجه گتیریردیلر: انقلاب دوشونجهسی، اؤزگورلوک".
بو دوشونجه ایله روسیه و باشقا بؤلگهلرده یارانمیش سیاسی حزب و قوروملار چوخالاراق ایرانین فرقلی یئرلرینه؛ تبریز و تهران شهرلرینه یاییلدی. بو شهرلرده گیزلی کمیتهلر واسطهسی ایله یاییلان شبنامهلر ده ایچهریگی(محتواسی) ایله آدلیمدیر. بو شبنامهلر آغالیق سیستمینین پیس یؤنلرینی اَلَشدیریب، بو سیستمه قوللوق ائدنلری میللته بیلدیریر و بوتون بونلارلا میللته اؤزگورلوک دوشونجهسی یایاراق اونلاردا یوردسئورلیگی اویادیردی.
پس سونرا انقلاب یاراندی می؟!
جاوابی کیتابدا!
✍ فاطمه داداش زاده
#نشریه_سیاسی_اجتماعی_فرهنگی #سؤز
#دانشگاه_علوم_پزشکی_تبریز
🆔 @soz_mag
📚 #کتاب_تانیتیمی
🔹 گؤزلر اؤنونده اولان کیتاب اؤرنهیی اولمایان اؤندریمیز محمدامین بی رسولزادهنین اثریدیر. محمدامین رسولزاده ۱۸۸۴-جو ایلده باکی شهرینین نووخانی کندینده دونیایا گلمیشدیر. کیچیک یاشلاریندان علم و سوادا بؤیوک ماراق گؤسترن رسولزاده، بیر چوخ اثرلر او جملهدن؛ عصریمیزین سیاووشو، آذربایجان جمهوریتی، آذربایجان تشکلونده مساوات، استقلال مفکورهسی و گنجلیک، میللیت و بلشویزم، میللی بیرلیک وس کیتابلارینی تورک نسلینه آرماغان بوراخمیشدیر.
🔹 ایران تورکلری آدلی بو کیتاب اصلینده محمدامین بی رسولزادهنین "سبیلالرشاد" و "تورک یوردو" توپلولاریندا یایدیغی یازیلاریدیر. آدینداندا بللی اولدوغو کیمی کیتاب ایران تورکلری حاققیندا قلمه آلینمیشدیر. اصلینه باخارساق محمدامین بی کیتابدا سوی-کؤکدن چوخ ایراندا اؤزگورلوکچولوک حرکاتینی، بو حرکاتین آیدینلارینی، سورومسوز آغالیق سیستمینی، توکنمهین درهبیلیلیک و ایران آوتوریتارلارینی(اقتدارگرالارینی) آچیقجا وورغولاییب آچیقلامیشدیر. اونون فیکرینجه ایراندا یئنیلشمه دوشونجهسی اَن چوخ اوچ قزئتله ائتکیلنمیشدیر:
۱. حبل المتین
۲. اختر
۳. پرورش
🔹 بو قزئتلرله یاناشی ایراندا، اَن چوخ دا آذربایجان بؤلگهسینده چاغداشلاشماق و یئنیلشمک بیر چوخ نَدَنلرله ده گلیشمیشدیر. بونلاردان اَن باشدا اولانی او ایللرده (روسیه و ژاپن ساواشی ایللرینده) باکی شهرینده یاخلاشیق ۶۰ مین ایران اؤلکهسیندن گئتمه ایشچیلرین اولماسی ایدی. اونسوزدا ایران آلوئرچیلری ایله ایشچیلرینین اورادا یارانمیش انقلابدان ائتکیلنمهسی دوغال ایدی. رسولزاده بو حاقدا وورغولاییر کی: "قفقازدا ایشلهین ایرانلیلار یوردلارینا دؤنرکن سورومسوز آغالیغین سینیرداکی یؤنتیجیلرین چالامایاجاغی بیر دوشونجه گتیریردیلر: انقلاب دوشونجهسی، اؤزگورلوک".
بو دوشونجه ایله روسیه و باشقا بؤلگهلرده یارانمیش سیاسی حزب و قوروملار چوخالاراق ایرانین فرقلی یئرلرینه؛ تبریز و تهران شهرلرینه یاییلدی. بو شهرلرده گیزلی کمیتهلر واسطهسی ایله یاییلان شبنامهلر ده ایچهریگی(محتواسی) ایله آدلیمدیر. بو شبنامهلر آغالیق سیستمینین پیس یؤنلرینی اَلَشدیریب، بو سیستمه قوللوق ائدنلری میللته بیلدیریر و بوتون بونلارلا میللته اؤزگورلوک دوشونجهسی یایاراق اونلاردا یوردسئورلیگی اویادیردی.
پس سونرا انقلاب یاراندی می؟!
جاوابی کیتابدا!
✍ فاطمه داداش زاده
#نشریه_سیاسی_اجتماعی_فرهنگی #سؤز
#دانشگاه_علوم_پزشکی_تبریز
🆔 @soz_mag