انسان كيف ماتبي علي اتقولي... امغير ماتديري وذن للحساد

ياما عليك الحاسدين حكولي... مانيش كيفك كنت ف المرصاد

فوق للسما جنحت ماوصلولي... بعيد ع الوطا فوق الجبال اوتاد

بيك مقتنع ثابت علي مدلولي... غلاك مرتسخ سيطر علي لفواد

صولي ابجوك ف الخفوق وجولي... نا ملك لك اقبل لستعباد

طايح بعرضي ف الغرام وطولي... كل يوم في عشقك ،غلا نزداد

ياسوم باهض ف المزاد الدولي... شوخي علي ابشوختك نسعاد

انتي حلم نرسم فيه في كشكولي... حتى قبل مانرقد علي لوساد

اجتاح وتلاشا من احذاك اسطولي... خذاه كيف ماتاخذ الريح رماد

انتاج سمح من حبك طلع محصولي... مانريد منك تقطع لمداد

انكان تفهمي خيط الكلام اطولي... اساع تعرفي ماني امتاع كساد ❤👌

#حمزه_اوريث