اصليت مرابطه وياا ابن الزفره
خالو طب شافني مااهتم كعد عمتي طبت وره
كالت ياعمى سوده عليه موتج هذا مخلاج تاكلين ولاتبدلين
دحطي بفراشه
ميقبل عمى يفز يريد هيج ينام على جتفي
نص ساعه وشفته ثكل نومه كمت للغرفه وكوه امشي
استحيت
طبيت بس خليت يمن بفراشه بدلت ونمت بلا عشه
رجعت ثاني يوم الصبح طهرو يمن بس شنو غير متت صرخ صريخ وعيط
سباني سبايه خالو يشيله ماايقبل كام يضرب بي لان هوه اخذه للمطهرجي
اني مكابلته وابجي عمتي تنشرله فحط خفت شربته علاج خالو جايب فاليوم انطيته ساعه ونام سنح لليل كتلهم ارجع
عمتي وقاادر مقبلو مقبلت رجعني والطريق كله يحجي عليه لان مقبلت اضل وهوه علمود يمن يطيب كم يوم وارجع
عليمن همه اهلي نص ساعه اوصللهم
فترة مرة ويمن صح بلبدايه تعبني يخاف يبول ويلجمه بعدين تعود وطاب
كاعدين وطبن نسوان امي عرفتهن صديقات ماما
كانن تلاثه ضيفتهن وكعدة عينهن عليه سألن على ساره
كالت مااطلع اعرف سوالف امج
كتله عيب لتفشلين ماما مهمه يكون كومي سلمي وارجعي
عاند كتله والله ولا اكلهن نايمه اكلهن متقبل تطلع
كالت دروحي
هاا هيج دشوفي وروح بابا اسويه
من حلفت طفرة وغمتني غاكه وحقيره مشفت مثلج
كتله لوماعيب ارفسج والله
دخلت عاقجه الوجه سلمت وطلعت ولااستحت محملتهم منيه العويه
صدك كم يوم وطلب ايد سارة
والمفاجئه رايديني لابنهم الجبير
المره تبتسم وتكول ثنينهن اخذهن
عبالهه علاكه طماطه تاخذ مو نسوان ثنينهن اخذهن
امي كالت اسال خوانهن وأن شاء الله خير
سارة كالت مااريد جاي ادرس ممفكر ازوج
امي كالت عيارة ممفكرة بلزواج ليش كتلتي نفسج على محمد
كامت اصيح انتو شعليكم بيه مااريد ازوج شنو ثكيله عليكم لو بس تخلصون مني مثل نباء وارجعلكم مطلكه وبيدي طفل احير بي مااريد وماازوج لو شسون
مااسكت لمن امي ضربته بشحاطته على راسه طبت وقفلت عليه الغرفهه
الولد الرايدهه خريج أداب لغات ومتعين اما الرايدني مهندس بس ميصير عنده اطفال ١٣ سنه السبب من زوجته
بين قوسين يريدني اخلفله والعرفته يحب زوجته
شمس سال سارة حجته الكليشه وبجت واريد احقق طموحي واخذ البكلوريوس والماستر سكت عنه رغم قنعه يحاجي الولد ويشرط عليه
كالت لا من يكول يلتزم بحجايته هواي بنات شرطن يكملن دراسه وصار عده مسؤليه واطفال عافن حتى دراستهن
سكت عنهه يومين وحاجاني هاا شقررتي رفضت
امي نبصت تردن تموتني انتن ياهوه اليجي وكلتن لا شبيجن مشربات مضروبات عين
عفته تحجي شمس ساكت من كملت كال يمه عوفيني وياهه مقبلت
كال اني كايم انتي زوجيهن
عاد كامت طلعت للهول التفتلي نباء انتي شنو عذرج
كتله خويه مزوج ومرته موجوده ومبينه من اخته كالت يريد اطفال يعني ماخذني اخلفله مااريد ادخل بعلاقه بيه مشاكل وغيره وراح يمهه ومااجه يمي مالي خلك هيج زواج
نباء مرة متاكل مرة وهواي شايف مثنين وعادي حياتهم ومتراهمات واكو بيهن اصلاً جنهن خوات عذرج مو بمكانه
كتله مااريد انزل على ظره
حجه راد يقنعني سكت وكال فكري الج ثلاتيام واشوف قرارج واذا رفضتي تاخذين ابن عمج
رفعت راسي مصدومه شنو
كال اي ابن عمج مناقصه شي لاتنزلين ظرة ولا يمج احد وكامل يريد بس تكولين اي
فكري لان مالي خلك احجي وانصح وأعلم تعبتني انتن الثنين صعبات ودورن مواصفات هاي اخر جنص الج فكري زين
عافني فاكه حلكي
يومين ملتزمه الصمت وصدك فكرة امي تقنع وبجانب حسن حتى خالي حيدر اجه يقنعني
بيبي واساليبه تحجي وتنصح
علا تخابر وافقي شوصلج الخبر
اسكتي غير حسن من سامع متقدميلج ناس خابرني يلطم ويصيح ويكلي قنعي بت عمج لا اعدمه تعبتني
كتله خايفه من اخوج يرجع رحاب
كالت ولج حسن جان مزوج ويفكر بيج تدرين من اجيهم ومراة تجين على باله يكلي
جنت مستعد ازوجه رغم غلطه بس ااخخخ ابويه وامهه خنكوني خنك
تردينه هسه يعوفج بعد مبينت برائتج ثقي نباء حتى طلاكه علمودج
سكتت ضليت حايره قادر يسكت لو قبلت يعوف يمن الي خايفه ينفذ تهديده
سبوع عشت صراع نفسي
رجعت اتخذة قرار حسن افضلهم
ابن عمي مني وبيه متقبل ابني شمس ونائل يحبو
اذا اذاني شمس موجود ميسكتله هوه ونائل
مومثل قادر فارض كلشي عليه وخليني غصب انفذ حسن انسان هادئ رغم من يعصب يصير يكسر بس اهون حتى من شمس
ذاك غريب مااعرف اطباعه شخصيته والبداخله واضح يحب زوجته حياتي وياهم صعبه ادخل بين ثنين بسبب الاطفال استصغر نفسي
انطيت خبر الشمس اريد اشوف حسن عندي حجي وياا
كال تفاهمو وكل شروطج حطيهن لاتستحين زواج هذا
معليج بأمي اذا كالتلج لتشرطين
ان اكلج اشرطي ونشوف كد حبه بس هاا مو شروط تعجيزيه هم الولد ديكون نفسه بنفسه هالله هالله
خلي قيمه النفسج من هسه الفاتج قبل سوي الان
كلام شمس قواني كانو يعرف البداخلي شنو
اجه دخله نائل للصاله شويه وصاحني
دخلت كنت لابسه ملابس بيت هوه عكسي متأنق وعطره مالي الصاله
عافنه نائل وطلع
سلمت وكعدة مقابيله
دنكت وهوه هم دنك ثنينه مستحين
خالو طب شافني مااهتم كعد عمتي طبت وره
كالت ياعمى سوده عليه موتج هذا مخلاج تاكلين ولاتبدلين
دحطي بفراشه
ميقبل عمى يفز يريد هيج ينام على جتفي
نص ساعه وشفته ثكل نومه كمت للغرفه وكوه امشي
استحيت
طبيت بس خليت يمن بفراشه بدلت ونمت بلا عشه
رجعت ثاني يوم الصبح طهرو يمن بس شنو غير متت صرخ صريخ وعيط
سباني سبايه خالو يشيله ماايقبل كام يضرب بي لان هوه اخذه للمطهرجي
اني مكابلته وابجي عمتي تنشرله فحط خفت شربته علاج خالو جايب فاليوم انطيته ساعه ونام سنح لليل كتلهم ارجع
عمتي وقاادر مقبلو مقبلت رجعني والطريق كله يحجي عليه لان مقبلت اضل وهوه علمود يمن يطيب كم يوم وارجع
عليمن همه اهلي نص ساعه اوصللهم
فترة مرة ويمن صح بلبدايه تعبني يخاف يبول ويلجمه بعدين تعود وطاب
كاعدين وطبن نسوان امي عرفتهن صديقات ماما
كانن تلاثه ضيفتهن وكعدة عينهن عليه سألن على ساره
كالت مااطلع اعرف سوالف امج
كتله عيب لتفشلين ماما مهمه يكون كومي سلمي وارجعي
عاند كتله والله ولا اكلهن نايمه اكلهن متقبل تطلع
كالت دروحي
هاا هيج دشوفي وروح بابا اسويه
من حلفت طفرة وغمتني غاكه وحقيره مشفت مثلج
كتله لوماعيب ارفسج والله
دخلت عاقجه الوجه سلمت وطلعت ولااستحت محملتهم منيه العويه
صدك كم يوم وطلب ايد سارة
والمفاجئه رايديني لابنهم الجبير
المره تبتسم وتكول ثنينهن اخذهن
عبالهه علاكه طماطه تاخذ مو نسوان ثنينهن اخذهن
امي كالت اسال خوانهن وأن شاء الله خير
سارة كالت مااريد جاي ادرس ممفكر ازوج
امي كالت عيارة ممفكرة بلزواج ليش كتلتي نفسج على محمد
كامت اصيح انتو شعليكم بيه مااريد ازوج شنو ثكيله عليكم لو بس تخلصون مني مثل نباء وارجعلكم مطلكه وبيدي طفل احير بي مااريد وماازوج لو شسون
مااسكت لمن امي ضربته بشحاطته على راسه طبت وقفلت عليه الغرفهه
الولد الرايدهه خريج أداب لغات ومتعين اما الرايدني مهندس بس ميصير عنده اطفال ١٣ سنه السبب من زوجته
بين قوسين يريدني اخلفله والعرفته يحب زوجته
شمس سال سارة حجته الكليشه وبجت واريد احقق طموحي واخذ البكلوريوس والماستر سكت عنه رغم قنعه يحاجي الولد ويشرط عليه
كالت لا من يكول يلتزم بحجايته هواي بنات شرطن يكملن دراسه وصار عده مسؤليه واطفال عافن حتى دراستهن
سكت عنهه يومين وحاجاني هاا شقررتي رفضت
امي نبصت تردن تموتني انتن ياهوه اليجي وكلتن لا شبيجن مشربات مضروبات عين
عفته تحجي شمس ساكت من كملت كال يمه عوفيني وياهه مقبلت
كال اني كايم انتي زوجيهن
عاد كامت طلعت للهول التفتلي نباء انتي شنو عذرج
كتله خويه مزوج ومرته موجوده ومبينه من اخته كالت يريد اطفال يعني ماخذني اخلفله مااريد ادخل بعلاقه بيه مشاكل وغيره وراح يمهه ومااجه يمي مالي خلك هيج زواج
نباء مرة متاكل مرة وهواي شايف مثنين وعادي حياتهم ومتراهمات واكو بيهن اصلاً جنهن خوات عذرج مو بمكانه
كتله مااريد انزل على ظره
حجه راد يقنعني سكت وكال فكري الج ثلاتيام واشوف قرارج واذا رفضتي تاخذين ابن عمج
رفعت راسي مصدومه شنو
كال اي ابن عمج مناقصه شي لاتنزلين ظرة ولا يمج احد وكامل يريد بس تكولين اي
فكري لان مالي خلك احجي وانصح وأعلم تعبتني انتن الثنين صعبات ودورن مواصفات هاي اخر جنص الج فكري زين
عافني فاكه حلكي
يومين ملتزمه الصمت وصدك فكرة امي تقنع وبجانب حسن حتى خالي حيدر اجه يقنعني
بيبي واساليبه تحجي وتنصح
علا تخابر وافقي شوصلج الخبر
اسكتي غير حسن من سامع متقدميلج ناس خابرني يلطم ويصيح ويكلي قنعي بت عمج لا اعدمه تعبتني
كتله خايفه من اخوج يرجع رحاب
كالت ولج حسن جان مزوج ويفكر بيج تدرين من اجيهم ومراة تجين على باله يكلي
جنت مستعد ازوجه رغم غلطه بس ااخخخ ابويه وامهه خنكوني خنك
تردينه هسه يعوفج بعد مبينت برائتج ثقي نباء حتى طلاكه علمودج
سكتت ضليت حايره قادر يسكت لو قبلت يعوف يمن الي خايفه ينفذ تهديده
سبوع عشت صراع نفسي
رجعت اتخذة قرار حسن افضلهم
ابن عمي مني وبيه متقبل ابني شمس ونائل يحبو
اذا اذاني شمس موجود ميسكتله هوه ونائل
مومثل قادر فارض كلشي عليه وخليني غصب انفذ حسن انسان هادئ رغم من يعصب يصير يكسر بس اهون حتى من شمس
ذاك غريب مااعرف اطباعه شخصيته والبداخله واضح يحب زوجته حياتي وياهم صعبه ادخل بين ثنين بسبب الاطفال استصغر نفسي
انطيت خبر الشمس اريد اشوف حسن عندي حجي وياا
كال تفاهمو وكل شروطج حطيهن لاتستحين زواج هذا
معليج بأمي اذا كالتلج لتشرطين
ان اكلج اشرطي ونشوف كد حبه بس هاا مو شروط تعجيزيه هم الولد ديكون نفسه بنفسه هالله هالله
خلي قيمه النفسج من هسه الفاتج قبل سوي الان
كلام شمس قواني كانو يعرف البداخلي شنو
اجه دخله نائل للصاله شويه وصاحني
دخلت كنت لابسه ملابس بيت هوه عكسي متأنق وعطره مالي الصاله
عافنه نائل وطلع
سلمت وكعدة مقابيله
دنكت وهوه هم دنك ثنينه مستحين