كبرياء ?عاشق❤?

وايضا لازم تعرف ان ظهورك بشخصية قوية ومتحكمة وناجحه ما غرور بالعكس دي ثقة . .
الغرور بيحدث لمن تتحدث بنجاحاتك. في مواضع ما تستاهل تحكيه لان ماف شخص سالك ولا انت بتلقي ففي خطبة علشان الناس تخد دربك وتستفيد من خبرتك ..
الغرور بكون لمن تنظر للاخرين بنظره متعالية بسبب نجاحك وتقدمك ..
وفي النهايه الفرق بين الثقة والغرور بيبنبع من نيتك الداخلية

#الثقة ..

واغلبنا بنلخبت بين ثقة وغرور لان من صغار اتعلمنا علي عدم الثقة لان اغلبنا تربي في ظروف سيئة ساهمت في ضعف شخصيته سواء اهل او اصحاب او والدين ايضا او اخوان ...
علشان كدا لمن نشوف شخص واثق من حاله طوالي بنقول ان الشخص ده مغرور وشايف حاله ليه لاننا حاسين بعدم الثقه بنفسنا والضعف والنقص جوانا ...

طيب الثقة هي شنو ?


الثقة ببببساطة انك تحترم نفسك وتحترم كل قرار بتختاره ولازم تعرف ان نجاحك ما غرور وشخصيتك القوية ما غرور بل ثقة بالنفس وكونك تتكلم عن نجاحاتك ماغرور بل فخر بنفسك واعتزاز بتقدمك ولازم تكون مفتخر بنجاحاتك ...
لمن يسالك شخص مبروك النجاح ما تقول ليه لالا ياخ نجاح شنو ودي حاجة عادية بالعكس اانت نجحت ولازم تفتخر وتفرح بنجاحك لكن لمن ترد بالرد الاول انت بتخاف من نظرة الشخص التاني ليك علي غرور وبتقلل وبتضعف من ننجاحك وشخصيتك لان ماعندك ذنب اذا نجحن ببس عندك ذنب اذا قللت من نجاحك ..

#التفاؤل ...

ودي اكتر كلمة بنفهمها غلط واكتر كلمة بنفسرها غلط ....
مفهومنا لتفاؤل ان ما نحزن ان ما نزعل ان ما نفشل ان علي طول يكون منظورنا نحو النجاح وعدم الفشل وعدم الحزن ....
طيب التفاؤل التفسير الصخ ليه ...
ان نتفائل ده شي جميل بس التفاؤل ما كل شي اذا داير تنجح تفاؤلك بالنجاح ما كل شي لازم يكون فيه عمل وشغلل وجهد ...
تفاؤلك نحو الوصول لتقطه معينة شي جميل بس للمن تسقط ده ما بيعني انك ما متفائل لان التفاؤل ما حايمنعك من السقوط والفشل وانت لازم تفشل وتسقط علشان لمكانك بس التفاؤل انك تعتبر كل شي بيحدث لليك عبارة عن وسيلة للوصول لغايتك ...
التفاؤل ماحايحميك من الواقع بس حايديك قوة علشان تعيش مع الواقع ووتعرف تتصرف كويس علشان تصل لهدفك...
اذا التفاؤل عببارة عن وسيلة مساعدة للوصول لاهدافنا ..
لمن نتفائل ببيئتنا ما بيعني نغض النظر ععن مشاكلها لان لو غضضضنا النظر كدا ماحليا شي التفاؤل بيرغمنا نستفيد من كدا وونحاول نحسسس من االبيئة التفاؤل عبارة عن دافع للينا للوصول لهدفنا مهما فشلنا لان في ططريق النجاح لابد من الفشل

طبعا الكلمة دي بسيطة بس مفهومها كبير جدا ..
وكلنا عارفييين معني القوي ان ما نضعف ولا نبكي وحتي لو مرينا بمحطات فشل مانقع وان لازم نكون حازميييين ...
بس تعال شوية الشخص المابيهظر مشاعره ده ما شخص قوي بالعكش ده شخص متجمد المشاعر ..
والشخص الما بخاف ده ما قوة ده يبقي عنده مشكلة ولازم يحلها لان الشخص البخاف بيقدر يبني مستقبله وفي مثل عندنا بقول "البخاف ربي عياله" ...
لمن تمر بمشاكل في محطات حياتك اكيد حاتقع وحاتفشل بس القوة بتكون في اانك ككيف تقوم من جديد ...

اذا مما سبق فوق حايكون معظمنا علي الاقل فهم معني القوة ...
القوة بتعني التحكم في الحاجة "المشاعر الغضب "وطريقة الخروج من الفشل وطريقة التعامل مع الصدمات ...
ببساطة القوة بتعني كيف نتحكم في ممشاعرنا سواء كانت حزن فرح او ضعف وده ما بيعني ان نخبيها التحكم بكون في لحظات معينة ولازم لمن تكون مع نفسك تطلع مشاعرك وتظهرها وممكن تحكب لشخص تاني وادا ما قادر تستحمل مما تخبي لان الضغط النفسي حايزيد وحاتكون في مشاكل بين مشاعرك الداخلية والخارجية ..
والقوة ما بتعني انك ما بتفشل ولا لازم انك ما تفشل القوة بتعني كيكيف تتتحكم في روحك اثناء فشلك وتقدر تطلع روحك من المكان ده بصبرك وتفكيرك وايجابيتك ..


اذا القوة اغلبنا بنفسرها غلط القوة لازم تحس وتضعف وتقوم من جديد ووتفشل وتسقط وتقوم من جديد وتبكي وتدمع سواء كنت امراه او رجل علشان تفرغ المشاعر الجواك هنا بقدر اقلك انت قوي ...
بس لمن تكون متمجد وما بتبكي علشان شايف االفشل للصغار او البنات ييبقي انت ما قوي ولمن تبقي حازم شديد انت ما قوي انت ضعيف وخايف ضعفك يظهر ♥

#القوة ..

#الايجابية ..

كلنا سمعنا بالمصطلح ده وكلنا حضرنا دورات واغلبهم بتتمحور حول التفكير الايجابي ..
واي شخص نلاقيه بيقول لينا فكر بايجابية وفي كل مشاكلنا بيقولوا الحل بيكمن في التفكير الايجابي ..
بس الايجابية دي شنو اصلا ..


طيب الناس فاهمة مصطلح ايجابية انهم يفكروا في الحاجات السمحة بس ويتغاضوا عن كل شي سيئ مهما كان مثلا لو وقعت في مشكلة افكر بعيد من المشكلة وبقول كدا ده تفكير ايجابي ..والخ من الامثال ..
طيب لو انت بتفسر المصطلح ده كدا يبقي هنا انت غلطان جدا ..

التفسير الصح للايجابية ...
انك تفكر في حل المشكلة بدل تفكر في المشكلة زاتها وده بيعرض انك تفكر في الافكار السلبية لان اصلا ماف مفر منها ...
مثلا وقعت في مشكلة انا حافكر في المشكلة وحافكرر في حلها بكدا بكون اكتشفت الحلول وقدرت اتخطي المشكلة اما ابتعادي عن التفكير في المشكلة ده ما تفكير ايجابي وولا حل ده عبارة عن هروب من المشكلة ..

اذا سقطت في اامتحان ما حاتقول الحصل حصل والسلام عليكم وان التفكير الايجابي بيقول ما تفكر في المشكلة وتواصل في حياتك لا ياحبيبي انت كدا ما عملت حاجة انت كدا هربت والمرة الجاييي حاتسقط ...
التفكير الايجابي هنا انك تقعد في حالك وتسال روحك من السبب الخلاك تسقط وتحله سواء بتعديله او حذفه او تغييييره انا سقطت لان طريقة قرايتي غلط اذا بغير طريقة قرايتي وباذن الله حانجح المرة الجاية ولو ما نجحت اذا برضو طريقة قرايتي الجديدة غلط وطوالي اغيرها وكدا لغاية ما اقدر اصل للنجاح الانا دايرو

طيب اليوم حاوضح معاني بعض الكلمات البنسمعها وبنفهمها غلط ...
لان لاحظت اغلب مشاكل الناس بتتمحور في عدم تفسيرهم الصحيح للكلمات دي ..